მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“არ შევეგუები და ვიბრძოლებ!.. საკითხი ასე დგას - ან ევროპა, თავისუფლება და განვითარება, ან ჯურღმულში დაბრუნება“ - ოპოზიციის წარმომადგენლები აქციას “დაიბრუნე ხმა” შეუერთდნენ
19:09 / 17-11-2024
“მიზანი და მოთხოვნები უცვლელია, არ უნდა შევეგუოთ ქვეყნის გარუსებას! - ამას არ შევეგუები, ვიბრძოლებ“, - ამის შესახებ "ძლიერი საქართველოსთვის“ ერთ-ერთმა ლიდერმა, ალეკო ელისაშვილმა “ინტერპრესნიუსს” მარჯანიშვილის მოედანზე განუცხადა, საიდანაც მხარდამჭერებთან ერთად გაერთიანება დაანონსებულ აქციას “დაიბრუნე ხმას” შეუერთდა.
მისივე თქმით, არ უნდა შევეგუოთ, რომ არჩევნები გააუქმეს.
“ეს აქცია სამოქალაქო ინიციატივაა, რომელსაც ვუერთდები, ეს არ არის პარტიების ორგანიზებული. მიზანი და მოთხოვნები უცვლელია, არ უნდა შევეგუოთ ქვეყნის გარუსებას, არ უნდა შევეგუოთ იმას, რომ არჩევნები გააუქმეს. ეს გვითხრეს, რომ არჩევნები გაუქმდა, ყოველთვის “ქართული ოცნება” გაიმარჯვებს. ეს არჩევნები აღარაა, რუსული წესით და ოპერაციებით ჩატარდებაო. ამას არ შევეგუები, ვიბრძოლებ. საერთაშორისო გამოძიება და ახალი არჩევნები პატიოსანი წესით, სანამ არ შესრულდება ფეხს არ მოვიცვლი”,- აღნიშნა ელისაშვილმა.
“ძლიერი საქართველოს“ ერთ-ერთი ლიდერის, სალომე სამადაშვილის თქმით, “დღევანდელი აქცია განსაკუთრებით მნიშვნელოვანია - კიდევ ერთხელ უნდა მოვუყვეთ ევროკავშირს, როგორ მოგვპარეს არჩევნები.“
მისი თქმით, დღევანდელ აქციაზე ქართველმა ხალხმა ევროკავშირს უნდა შეახსენოს, რომ იმ პოლიტიკით, რომელსაც ევროკავშირი უახლოეს კვირებსა და თვეებში გაატარებს ჩვენს ქვეყანასთან მიმართებაში, გვერდში დაუდგნენ ქართველ ხალხს და ზეწოლა განახორციელონ “რუსულ რეჟიმზე“, რომელიც ცდილობს, რომ ქვეყნის ევროპული მომავალი გაგვიუქმოს.
“დღევანდელი აქცია განსაკუთრებით მნიშვნელოვანია, იმიტომ, რომ ხვალ ბრიუსელში ძალიან მნიშვნელოვანი შეხვედრა იმართება, სადაც შეიკრიბება ყველა წევრი ქვეყნის საგარეო საქმეთა მინისტრი, იმსჯელებენ საქართველოში ჩატარებულ არჩევნებზე და ფაქტობრივად, ეს შეხვედრა დიდწილად განსაზღვრავს ევროკავშირის რეაქციას იმაზე, რაც ჩვენს ქვეყანაში მოხდა არჩევნებზე, რომელმაც შეუძლებელი გახადა ჩვენი ევროპული მომავლის გაგრძელება. ჩვენ, იმ 4-მა ოპოზიციურმა პარტიამ, რომელმაც ამ არჩევნებში ერთობლივად გავიმარჯვეთ, გავუგზავნეთ ერთობლივი წერილი ევროკავშირის წევრ ქვეყნებს, სადაც მოვუწოდეთ, რომ მხარი დაუჭირონ საქართველოში ქართველი ხალხის დემოკრატიისთვის ბრძოლას და დღეს ვფიქრობ, რუსთაველზე შეკრებილმა ხალხმა იგივე გზავნილი უნდა გააჟღეროს ხვალინდელი მნიშვნელოვანი შეხვედრისთვის უკვე საქართველოს მთავარი მოედნის ქუჩებიდან. კიდევ ერთხელ მოვუყვეთ ევროკავშირს, როგორ მოგვპარეს არჩევნები, როგორ გადახია ივანიშვილმა კონსტიტუცია და მივმართოთ მათ შორის, იმაზე, რომ იმ პოლიტიკით, რომელსაც ევროკავშირი უახლოეს კვირებსა და თვეებში გაატარებს ჩვენს ქვეყანასთან მიმართებაში, გვერდში დაუდგნენ ქართველ ხალხს და ზეწოლა განახორციელონ “რუსულ რეჟიმზე“, რომელიც ცდილობს, რომ ჩვენ ევროპული მომავალი გაგვიუქმოს“, - განაცხადა სამადაშვილმა.
“ძლიერი საქართველოს“ ლიდერის მამუკა ხაზარაძის განცხადებით, ქართველ ხალხს არჩევნები წაართვეს და ახლა ამის შენარჩუნებას ცდილობენ.
“რა განცხადებაც არ უნდა მოვისმინოთ, ფაქტია, რომ არჩევნები ქართველ ხალხს წაართვეს და ახლა ამის შენარჩუნებას ცდილობენ. ეს არის არჩევნები, რომელიც არ აღიარა ჩვენმა არცერთმა ნორმალურმა მეგობარმა და არ აღიარა ქართველმა ხალხმა. ამდენი ადამიანი მოცლილი არ არის, ეს ხალხი გამოსულია, რომ თავიანთი სიმართლე დაამტკიცონ და უკან დაიბრუნონ ის პერსპექტივა, რომელიც მათ მოჰპარეს. დღევანდელ აქციაზე, რომელსაც არასამთავრობო ორგანიზაციები და დამკვირვებლები ატარებენ, მნიშვნელოვანია, რომ საზოგადოებამ თვალნათლივ ნახოს თუ რა მასობრივი გაყალბება მოხდა. ჩვენ ამას მხარს ვუჭერთ, ვუერთდებით და ასე შევუერთდებით ყველა იმ პროტესტს, რომელიც საქართველოს ნორმალური განვითარების გზაზე დააბრუნებს“, - განაცხადა მამუკა ხაზარაძემ.
- რაც შეეხება კითხვას, რა იქნება ოპოზიციური პარტიების პასუხი იმაზე, რომ მმართველმა გუნდმა 25 ნოემბერს პარლამენტის სხდომა ჩანიშნა, ხაზარაძემ უპასუხა, რომ ოპოზიციის პასუხი არის მშვიდობიანი და ურყევი პროტესტი.
“არავინ არ უნდა ჩამოუშვას ხელები. გამარჯვება და ბრძოლა ახლა იწყება. საქართველომ, ემიგრაციამ არჩევანი გააკეთა. ეს არჩევანი არის ევროპული კურსი. “ქართულმა ოცნებამ“, რუსული ხელისუფლების მონამ, არჩევანი რუსეთისკენ გააკეთა. საკითხი ასე დგას - ან ევროპა, თავისუფლება, დემოკრატია და განვითარება, ან ჯურღმულში დაბრუნება. ამას მგონი, ჩვენი არცერთი ღირსეული მოქალაქე არ დაუშვებს“, - განაცხადა ხაზარაძემ.
“არჩევანი წაგვართვეს და თავს გვახვევენ რუსულ არჩევანს - რუსები - ამასთან შეგუებას არ ვაპირებთ“,- ამის შესახებ “კოალიცია ცვლილებისთვის“ ლიდერმა, ზურა ჯაფარიძემ განაცხადა.
“ეს პროტესტი არის მოპარულ არჩევნებთან დაკავშირებით. ამ ქვეყნის მოქალაქეებს წაართვეს არჩევანი, რომელიც მათ 26 ოქტომბერს გააკეთეს და ეს არჩევანი იყო ცალსახად და ერთმნიშვნელოვნად, რომ ეს ქვეყანა უნდა წავიდეს დასავლეთისკენ, ცივილიზებული სამყაროს სრულფასოვანი წევრი გახდეს და საბოლოო ჯამში, ევროკავშირში, ნატო-ში გაწევრიანდეს, რათა ჩვენს შვილებს დავუტოვოთ სამშვიდობოს გაყვანილი ქვეყანა, რომელიც იქნება სტაბილური, მშვიდობიანი და მაღალი კეთილდღეობის დონით.
ეს არჩევანი წაგვართვეს და თავს გვახვევენ რუსულ არჩევანს - რუსები. ეს პროტესტი და წინა პროტესტებიც ამისკენ არის მიმართული, რომ ამასთან შეგუებას არ ვაპირებთ, ეს არის გზავნილი “ქართული ოცნებისთვის” და ჩვენი დასავლელი მეგობრებისთვისაც, რომ ამ ქვეყანაში ცხოვრობს აბსოლუტურად უმრავლესობა მოქალაქეების, რომლებიც თავისუფლებისთვის ბრძოლას გააგრძელებენ”, - განაცხადა ჯაფარიძემ.
- ჯაფარიძის განმარტებით, საქართველოს პარლამენტში ოპოზიციის წარმომადგენლები შესვლას არ აპირებენ და “ქართულ ოცნება” ხავს ეჭიდება, როცა ამბობს, რომ “ისინი პარლამენტში შემოვლენ”.
“[“ქართული ოცნების” წარმომადგენლები] ხავს ეჭიდებიან. არავინ პარლამენტში შესვლას არ აპირებს და ამაზე რამდენჯერმე უკვე განცხადება გაკეთდა”, - აღნიშნა მან.
რუსთავლის გამზირზე იმყოფება “კოალიცია ცვლილებისთვის“ ლიდერი ნიკა გვარამია:
“ჩვენი ამოცანაა, მოპარული ხმების უკან დაბრუნება და სამშობლოს გამოხსნა ამ ორკებისგან და მახინჯებისგან, რომლებმაც ეს ქვეყანა წაგვართვეს. ეს ქვეყანა, ეს ქალაქი ჩვენია და [ხმებს] დავიბრუნებთ აუცილებლად. გამოდით!
ასე არ გამოვა, ეს ქვეყანა ჩვენია და ხალხმა რაც აირჩია, ისეთი პარლამენტი შედგება. ირაკლი კობახიძე საერთოდ არაფერს არ წარმოადგენს, გამოდით მეგობრებო!“, - განაცხადა ნიკა გვარამიამ.
ცნობისთვის, დღეს, 19:00 საათზე, საქართველოს პარლამენტთან სადამკვირვებლო ორგანიზაციების აქცია სახელწოდებით “დაიბრუნე ხმა“ დაიწყო.
აქციას უერთდებიან პოლიტიკური პარტიებიც. "კოალიცია ცვლილებისთვის" ლიდერები და მხარდამჭერები ვაკის პარკთან შეიკრიბებიან და მსვლელობით რუსთაველის გამზირზე მიმდინარე აქციას შეუერთდებიან. ცნობილია, რომ "ძლიერი საქართველოს" ლიდერები და მხარდამჭერები კი მარჯანიშვილის მოედანზე შეიკრიბებიან და მსვლელობით რუსთაველის გამზირზე მივლენ.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
