მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ესროლეთ ამ სულელ, ნაძირალა პუტინს...“ - ამ პოსტისა და ბუჩაზე დაწერილი კომენტარების გამო მოსკოვში, რეჟისორ ანასტასია ბერეჟინსკაიას 8-წლიანი პატიმრობა მიუსაჯეს
16:33 / 14-11-2024
რუსეთში სასამართლომ რეჟისორ ანასტასია ბერეჟინსკაიას 8-წლიანი პატიმრობა მიუსაჯა ბუჩას შესახებ პოსტებისა და "პუტინის მოკვლის მოწოდებისთვის".
ბერეჟინსკაია, რომელსაც ბრალი ედებოდა არმიის დისკრედიტაციაში, ყალბი ამბების გავრცელებასა და ტერორიზმის გამართლებაში, სასამართლო დარბაზში დააკავეს - მანამდე მას აკრძალული ჰქონდა ქვეყნის დატოვება.
"ბერეჟინსკაიას გამოსვლა სასამართლოში ძალიან მოკლე იყო", - წერს "მედიაზონა":
"თქვენო ღირსებავ, მე არაფერი მაქვს სათქმელი, დასამატებელი. ვიღებ თქვენს მიერ გამოტანილ ნებისმიერ გადაწყვეტილებას", - თქვა ქალმა.
უფრო ადრე სოციალურ ქსელ VKontakte-ში დაწერა, რომ ის იყო ხელწერილის ქვეშ, რომ არც წასასვლელი ჰქონდა და არც ამისთვის საჭირო სახსრები.
"მოსკოვის დასავლეთის მეორე, სამხარეო, სამხედრო სასამართლომ თეატრის რეჟისორი ანასტასია ბერეჟინსკაია სისხლის სამართლის კოდექსის სამი მუხლით გაასამართლა და 8-წლიანი პატიმრობა მიუსაჯა VKontakte-ზე მისი პოსტებისა და კომენტარების გამო", - იუწყება "მედიაზონა". ის სასჯელს საერთო რეჟიმის კოლონაში მოიხდის.
პროკურატურა მისთვის 10 წლით თავისუფლების აღკვეთას ითხოვდა. ქალს ბრალი წაუყენეს "ტერორიზმის გამართლებაში“ (სსკ-ის 205.2 მუხლის მე-2 ნაწილი), . 2022 წლის მაისში გამოქვეყნებული სამი კომენტარის გამო.
"მედიაზონა“ წერდა, რომ, სავარაუდოდ, საუბარია შემდეგ შეტყობინებებზე:
- "ესროლეთ ამ სულელ, ნაძირალა პუტინს, კიდევ რამდენს მოითმენთ მშვიდობიანი მოსახლეობის მკვლელობას?“
- "გაანადგურეთ ეს ნაძირალა”
- "აღგავეთ პირისაგან მიწისა"
მას ასევე ედებოდა ბრალი პოლიტიკური სიძულვილის საფუძველზე რუსული არმიის შესახებ "ფეიკების“ გავრცელებაში (სსკ-ის 207.3 მუხლის მე-2 ნაწილის პუნქტი "ე“), ის წერადა ბუჩაში მოწყობილ ხოცვა-ჟლეტაზე და აკრიტიკებდა რუსულ არმიას.
მან ასევე გამოთქვა მოსაზრება, რომ "სპეციალური ოპერაციის" (როგორც რუსეთის ფედერაცია უწოდებს სრულმასშტაბიან სამხედრო შეჭრას უკრაინაში - რედ.), ნამდვილი მიზნები იყო "მეზობელი დამოუკიდებელი უკრაინის სახელმწიფოს ეკონომიკურად ხელსაყრელი ტერიტორიების დაკავება".
ბრალდების მესამე მუხლი იყო რუსული არმიის "დისკრედიტაცია“ (სისხლის სამართლის კოდექსის 280.3 მუხლის 1-ლი ნაწილი), ბრალდების ამის მტკიცებულებად მოყვანილი ჰქონდა რეჟისორის პოსტები, რომელშიც ის წერდა "უკრაინელთა გენოციდზე, "ომის დანაშაულებსა" და "რუსული არმიის მიერ სხვისი ქონების ქურდობაზე..." .
ბერეჟინსკაიამ უარი თქვა სასამართლოში ჩვენების მიცემაზე, ამიტომ წაიკითხეს მისი დაკითხვის ოქმები, რომელშიც ქალმა აღნიშნა, რომ "იგი გაღიზიანებული იყო სახელმწიფოს სამხედრო მოქმედებებით, აწუხებდა როგორც რუსეთის, ასევე უკრაინის მშვიდობიანი მოსახლეობის ბედი და ასევე "სურდა დაეცვა საკუთარი თავი და რუსი ხალხი სხვა სახელმწიფოების შემოჭრისაგან“...
ამავდროულად, ქალი ჩვენებაში ამბობდა, რომ ისურვებდა ისეთ თეატრში მოხვედრას, რომელიც არ დაექვემდებარებოდა "ოპერატიული სამსახურების შეჭრას, სადაც რეჟისორები და დრამატურგები არ მოხვდებოდნენ ციხეში სცენარების დაწერისა და სპექტაკლების დადგმისთვის".
43 წლის ბერეჟინსკაიას ორი შვილი ჰყავს - რვა და 10 წლის, მეუღლეს კი ჯანმრთელობის პრობლემები აქვს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
