მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მელანია ტრამპისა და ანა ვინტურის "ფარული ბრძოლა": რატომ აღარ დაბეჭდეს მელანიას ფოტო Vogue-ს გარეკანზე?
10:57 / 07-11-2024
მელანია ტრამპი ამერიკის შეერთებული შტატების ისტორიაში ერთ-ერთ ყველაზე მომხიბვლელ პირველ ლედიდ მიიჩნევა. მისი სტილი საზოგადოების ნაწილის ინტერესისა და მიბაძვის ობიექტია. სწორედ ამიტომ, მელანიას ფანებს ჰქონდათ მოლოდინი, რომ მისი ფოტო მოდის ინდუსტრიაში ყველაზე გავლენიანი გამოცემის, Vogue-გარეკანზე დაიბეჭდებოდა.
როგორც ჩანს, ასე არ ფიქრობს გამოცემის მთავარი რედაქტორი, ანა ვინტური, რადგან პირველ ლედად ყოფნის განმავლობაში, მელანიას ფოტო Vogue-ს გარეკანზე არ გამოჩენილა. აღსანიშნავია, რომ მელანია ტრამპს გამოცემის გარეკანი 2005 წელს დაეთმო, ამ პერიოდში ის პირველი ლედი არ ყოფილა.
- მელანიასა და Vogue-ს "ურთიერთობა" არაერთხელ ყოფილა მედიის განხილვის თემა.
2022 წელს, Fox Nation-თან ინტერვიუში მელანია ტრამპმა Vogue-ს "მიკერძოებული" უწოდა. წამყვანმა პირველ ლედის ჰკითხა, თუ რას ფიქრობს იმის შესახებ, რომ პირველი ქალბატონები, მათ შორის ჯილ ბაიდენის, მიშელ ობამას, ჰილარი კლინტონის ფოტოები გარეკანზე დაბეჭდეს, მას კი ეს შესაძლებლობა არ მიეცა.
ისინი მიკერძოებულები არიან, ეს აშკარაა. ვფიქრობ, ამერიკელი ხალხი და ყველა ხედავს ამას, მე ბევრად უფრო მნიშვნელოვანი საქმეები მაქვს გასაკეთებელი და უფრო მნიშვნელოვანი საქმეები გავაკეთე თეთრ სახლში, ვიდრე Vogue-ს გარეკანზე გამოჩენაა, - აღნიშნა მელანია ტრამპმა.
- აღსანიშნავია, რომ ამ თემაზე კომენტარი დონალდ ტრამპმაც გააკეთა 2024 წელს, საპრეზიდენტო კამპანიის დროს.
"დაიჯერებთ? გჯერათ? მელანია იყო Vogue-ის გარეკანზე ჩემს პრეზიდენტობამდე, მაგრამ შემდეგ, მისთვის ეს კარი დაიხურა. ეს ძალიან სამწუხაროა, მაგრამ მელანიას ეს არ აინტერესებს. არაერთი ჟურნალის გარეკანზე იყო, Vogue-ს გარეკანზეც, მაგრამ მანამდე, სანამ პოლიტიკაში გამოვჩნდებოდი", - აღნიშნა ტრამპმა.
როგორც The Daily Beast-ი წერს, პირველი ლედის ყოფილი მრჩევლის, სტეფანი უინსტონ ვოლკოფის თქმით, Vogue-ს სურდა ფოტოსესია პირველი ლედისთვის, მაგრამ მელანიამ უარი თქვა მას შემდეგ, რაც გამოცემამ არ მისცა გარანტია, რომ მის ფოტოს ყდაზე დაბეჭდავდნენ.
განსაკუთრებით გამძაფრდა მელანიას მომხრეებში უსამართლობის განცდა მას შემდეგ, რაც 2021 წლის აგვისტოში Vogue-გარეკანზე ჯილ ბაიდენის ფოტო დაიბეჭდა.
- 2019 წელს CNN-თან ინტერვიუში ჟურნალის მთავარ რედაქტორს, ანა ვინტურს ჰკითხეს, თუ ვის და რა ნიშნით ირჩევენ გამოცემის გარეკანზე დასაბეჭდად.
"ვფიქრობ ამისთვის საჭიროა, რომ ადამიანი იყოს სამართლიანი, ჩვენი მკითხველი და აუდიტორია პატივს გვცემს... მე არ ვფიქრობ რომ ყოველთვის ყველას უნდა ასიამოვნო“, - ასეთი იყო ვინტურის პასუხი.
2019 წელს The Economist-სთვის მიცემულ ინტერვიუში ანას ჰკითხეს, ფიქრობდა თუ არა ის, რომ მელანია ტრამპი შეუსაბამო პერსონაა Vogue-ს გარეკანისთვის.
"ვფიქრობ, Vogue-სთვის მნიშვნელოვანია, მხარი დაუჭიროს ქალებს, რომლებიც ამ ქვეყანაში ცვლილებებისთვის იბრძვიან და ამ მიმართულებით ლიდერობენ", - უპასუხა ვინტურმა.
Vogue 1892 წელს დაარსდა. ტრადიციულად, გამოცემა აწყობს ფოტოსესიებს აშშ-ის პირველი ლედებისთვის ფოტოსესიებს, მაგრამ გარეკანზე მათი ფოტოს დაბეჭდვა შედარებით ახალია. მაგალითად ბარბარა ბუშის, ლორა ბუშის, ნენსი რეიგანის ფოტოები განთავსებული იყო უშუალოდ ჟურნალში და არა გარეკანზე. პირველი ლედი, რომლის ფოტოც პირველად დაიბეჭდა Vogue-ს გარეკანზე ჰილარი კლინტონი იყო - 1998 წელს.
"ეს იყო მომენტი, როცა ვგრძნობდი, რომ პირველი ლედი იქცეოდა ძალიან გაბედულად“, - ამბობდა ანა ვინტური ჰილარი კლინტონის შესახებ და ასე ხსნიდა გადაწყვეტილებას მისი ფოტოს გარეკანზე დაბეჭდვის შესახებ.
ტრამპის მმართველობის პერიოდში მელანია Vogue-ის ვებგვერდზე, მხოლოდ რამდენიმე ონლაინ სტატიაში გამოჩნდა, სადაც საუბარიო იყო იმ სამოსზე, რომელსაც პირველი ლედი იცვამდა სხვადასხვა საჯარო ღონისძიებაზე.
აღსანიშნავია, რომ მელანია და დონალდ ტრამპები ტრამპის პრეზიდენტობამდე ხშირად ყოფილან Met Gala-ს სტუმრები, ყოველწლიურ ღონისძიებაზე მეტროპოლიტენის ხელოვნების მუზეუმში, რომელსაც უძღვება ანა ვინტური და რომელიც თვითონ ირჩევს თუ ვის დაპატიჟებს.
ნახეთ ასევე:
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ანა ვინტური სავსეა ქალური შურით
მელანია ყველაზე გემოვნებიანი და მომხიბლელი ლედია და ეს აღიზიანებთ ლიბერალებს