მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
სამშაბათი, მთვარის ოცდამეოთხე დღე დაიწყება 04:49-ზე, მთვარე მერწყულშია
დღეს კარგია ახალი, მნიშვნელოვანი საქმეების დაწყება. ფინანსური საკითხების მოგვარება, ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. გადადეთ ოპერაციები სახსრებზე, ბრმა ნაწლავზე, პროცედურები ფეხებზე, ნერვულ სისტემაზე. კარგი დღეა დასვენებისთვის, შიმშილისთვის. მოერიდეთ ალკოჰოლურ სასმელს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
”ეს არის ომის ახალი ეპოქის დასაწყისი..." - ისრაელი მომავალ წელს საჰაერო თავდაცვის ლაზერული სისტემის ამოქმედებას გეგმავს: რა არის "რკინის სხივი"?
22:32 / 01-11-2024
ისრაელი საჰაერო თავდასხმისას რაკეტების ჩამოსაგდებად ლაზერის გამოყენებას გეგმავს - ქვეყანა იმედოვნებს, რომ ლაზერული თავდაცვის სისტემა ერთი წლის განმავლობაში ამოქმედდება.
ისრაელმა ამ კვირაში 500 მილიონ დოლარზე მეტი დახარჯა გარიგებებზე დეველოპერებთან. ფარი, რომელსაც "რკინის სხივი" უწოდეს, მიზნად ისახავს გამოიყენოს მაღალი სიმძლავრის ლაზერები რაკეტების, თვითმფრინავებისა და ნაღმმტყორცნების გასანადგურებლად.
”ეს არის ომის ახალი ეპოქის დასაწყისი... ხმელეთზე დაფუძნებული ლაზერული სისტემა, სავარაუდოდ, ერთი წლის განმავლობაში დაიწყებს მუშაობას“, - განაცხადა ეიალ ზამირმა, ისრაელის თავდაცვის სამინისტროს გენერალურმა დირექტორმა.
ამ იარაღის თაობაზე ისრაელმა ჯერ კიდევ 2014 წელს გაავრცელა ინფორმაცია. "რკინის სხივის" პირველი პროტოტიპი კი 2021 წელს წარადგინა და მას შემდეგ მის განვითარებაზე მუშაობს.
მისი ერთ-ერთი მასშტაბური საბრძოლო გამოცდა 2022 წელს ჩატარდა და შედეგები საკმაოდ შთამბეჭდავი იყო. The Times of Israel-ის ინფორმაციით, სისტემის დატესტვა შედგა უპილოტო საფრენი აპარატების, რაკეტების, ნაღმმტყორცნებისა და ტანკსაწინააღმდეგო რაკეტების წინააღმდეგ და ეს საკმაოდ წარმატებული გამოდგა.
სისტემას რკინის გუმბათისგან განსხვავებით ახლო მანძილზე მოქმედება უკეთ შეუძლია. ის ასევე კარგად მუშაობს დაბალ სიმაღლეზე მფრენი ობიექტებისა და უპილოტო საფრენი აპარატების წინააღმდეგ. რკინის სხივი მოიცავს ორ ლაზერულ სისტემას და სრულად ავტომატიზებულია. თუმცა, საჭიროების შემთხვევაში მისი ნახევრად ავტომატურ რეჟიმში გადაყვანაც შესაძლებელია.
"ლაზერი თამაშის წესებს ცვლის, ხოლო ტექნოლოგია გამოსაყენებლად უფრო მარტივია და თანაც ეკონომიკურად მომგებიანი“, - ამბობენ ისრაელელი სამხედრო ექსპერტები.
ამჟამად ისრაელს რამდენიმე სახის საჰაერო თავდაცვის სისტემა აქვს.
პირველი არის "რკინის გუმბათი“, რომელიც განკუთვნილია არამართვადი ტაქტიკური რაკეტებისაგან დაცვისთვის 4-დან 70 კმ-მდე ფრენის მანძილიდან. შექმნილია ისრაელის ცნობილი სამხედრო-სამრეწველო კონცერნ Rafael-ის მიერ.
"რკინის სხივზეც“ Rafael -ი მუშაობს. კომპანიამ 2014 წელს 11 თებერვალს, სინგაპურში იარაღის გამოფენაზე გაასაჯაროვა ახალი ლაზერული კომპლექსის რაკეტსაწინააღმდეგო სისტემა. "რკინის სხივის" დახვეწაზე მეცნიერები ამ წლების განმავლობაში აგრძელებდნენ მუშაობას. იმჟამად კომპანიის წარმომადგენლები ამბობდნენ, რომ ახალი სისტემის თავდაცვით ფარში მიერთებით ისრაელს შესწევდა ძალა გაენადგურებინა 2-7 ათასიანი დისტანციის სპექტრის რაკეტები.
შემდეგი არის "დავითის შურდული“, რომელიც შექმნილია ახლო მანძილზე მოქმედი ბალისტიკური რაკეტების გასანადგურებლად. მისი მოქმედების რადიუსი 70-300 კმ-მდეა.
აღსანიშნავია, რომ "რკინის სხივი“ სხვა სისტემებისგან განსხვავებით არ ფინანსდებოდა დასავლელი პარტნიორებისგან და ჭეშმარიტად ებრაული იარაღია.
ლაზერულ იარაღზე სხვა ქვეყნებიც მუშაობენ. მათ შორისაა საფრანგეთი, სამხრეთ კორეა და რუსეთი.
იხილეთ ასევე:
- "გავანადგურებთ ყველაფერს, რასაც სიონისტები ფლობენ“ - ირანი ისრაელზე მასშტაბური თავდასხმით იმუქრება: რას აცხადებს ნეთანიაჰუ?
- "რკინის გუმბათისა" და "დავითის შურდულის" შემდეგ უკვე "რკინის სხივი“? - როგორ მუშაობს ისრაელის ულტრათანამედროვე, ლაზერული რაკეტსაწინააღმდეგო სისტემა
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისრაელი ნახევარ მილიარდს ხარჯავს ტექნოლოგიაზე რომლის უფასო ექსპერტებით სავსეა ამბები.ჯის კომენტარები :D :D :D
წვიმაში მაგის ეფექტირობა ნოლთან ახლოსაა, ისრაელში იშვიათად წვიმს მაგრამ მაინც