მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მსოფლიოს “მარტოსულობის ეპიდემია“ ემუქრება? - სად როგორ ცდილობენ მის შეჩერებას
12:44 / 24-10-2024
ყოველწლიურად ათასობით სამხრეთ კორეელი, რომლებიც ძირითადად შუახნის ასაკში არიან, მარტოობაში იღუპება. ზოგჯერ მათი ცხედრებს გარდაცვალებიდან რამდენიმე დღის ან კვირების შემდეგ პოულობენ.
- ეს ფენომენი ქვეყანაში "მარტოხელა სიკვდილით", იგივე “გოდოქსათი" არის ცნობილი. პრობლემას ქვეყნის მთავრობა წლებია ებრძვის, რადგან გახშირებულ ტრაგიკულ მოვლენასთან ერთად, კორეის მოსახლეობა სწრაფად ბერდება.
როგორც აღმოჩნდა, კორეული “გოდოქსა“ მარტოობისა და იზოლაციის მასშტაბური პრობლემის მხოლოდ მცირე ნაწილია.
სეულის მმართველობამ განაცხადა, რომ მომდევნო ხუთი წლის განმავლობაში “ქალაქის შესაქმნელად, სადაც მარტო არავინ იქნება“, დაახლოებით 327 მილიონ დოლარს დახარჯავს. ინიციატივები მოიცავს “მრჩევლებს“, მარტოობის გასაქარწყლებლად, რომლებიც ხელმისაწვდომია იქნება 24/7საათის განმავლობაში, ცხელ ხაზზე და ონლაინ პლატფორმაზე.
შემდგომ ღონისძიებები იქნება პირად- ვიზიტებიც, რომელსაც მთავრობა დააფინანსებს.
”მარტოობა და იზოლაცია არ არის მხოლოდ ინდივიდუალური პრობლემა, ეს არის გლობალური ამოცანა, რომელიც საზოგადოებამ ერთად უნდა გადაჭრას”, - თქვა სეულის მერმა ო სე-ჰუნმა.
ქალაქი ასევე გეგმავს გაფართოებული ფსიქოლოგიური სერვისების და მწვანე ტერიტორიების გახსნას საშუალო და ხანდაზმული მცხოვრებლებისთვის. ასევე აქტივობებს საკვებ ობიექტებში, რომლებიც ახალ ნაცნობობას წაახალისებს.
ათასობით “მარტოხელა გარდაცვლილი“
აღნიშნული პრობლემა გლობალური გასული ათწლეულის განმავლობაში გახდა. სწორედ იმ პერიოდში აღმოაჩინეს, რომ იაპონიაში, კორეასა და ჩინეთში საგრძნობლად გაიზარდა მარტოხელა ადამიანების რიცხვი, რომლებიც შორდებოდნენ სამყაროს და ცხოვრებას სრულ იზოლაციაში არჩევდნენ. ფენომენი იაპონიაში ცნობილია სახელწოდებით - “ჰიკიკომორი“.
აღსანიშნავია, რომ კორეაში “მარტოხელა გარდაცვლილთა“ რიცხვი გასულ წელს გაიზარდა - გარდაცვლილთა 84%-ზე მეტი მამაკაცი იყო. ქვეყნის სამინისტროს ცნობით, ყველაზე დაუცველები 50 - დან 60 წლამდე მამაკაცები არიან.
2024 წლის ივნისში ჩატარებულმა კვლევამ აჩვენა, რომ მარტოობის ეპიდემია ნაწილობრივ გამოწვეულია “კორეული კულტურის ურთიერთობის ნიუანსებით“. მაგალითად, თუ სამხრეთ კორეელები გრძნობენ, რომ ისინი არ ახდენენ მნიშვნელოვან, სასიკეთო გავლენას სხვებზე, შეიძლება თავი წარუმატებლად იგრძნონ და ღრმა მარტოობაში ჩაეფლონ...
ამ ბრძოლაში სამხრეთ კორეა მარტო არ არის
იაპონიაში, სადაც ფენომენი “ჰიკიკომორი“ ("მარტოხელას სიკვდილი") პირველად 2021 წელს იქნა აღიარებული, “მარტოობისა და იზოლაციის“ მინისტრიც კი დაინიშნა.
მომდევნო წელს მთავრობამ გამოაქვეყნა კონტრზომების ინტენსიური გეგმა, მათ შორის 24/7 საკონსულტაციო სერვისი, სამუშაო პროგრამები და გაფართოებული სოციალური პროგრამები. გამოკითხვებმა აჩვენა, რომ 4 ზრდასრულიდან, 1 თავს მარტოსულად გრძნობს. სწორედ ამის შემდეგ ეწოდა მდგომარეობას ეპიდემიური.
“მარტოობის მინისტრები“ დანიშნეს სხვა ქვეყნებმაც. შეერთებულ შტატებში კი “მარტოობის ეპიდემიის“ საწინააღმდეგო ზომების დაგეგმვა 2023 წლიდან დაიწყეს.
ჯანდაცვის მსოფლიო ორგანიზაციამ 2023 წელს მარტოობის წინააღმდეგ საბრძოლველად კომისია შექმნა და მას "ჯანმრთელობის მწვავე საფრთხე" უწოდა.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
