"ვამბობდი, აღარ მინდა მეტი, მძულს ამის კეთება..." - ნიკოლ კიდმანი ეროტიკული დრამის გადაღების სირთულეებზე საუბრობს
57 წლის ნიკოლ კიდმანი ახალი კინოსურათის, ეროტიკული დრამის Babygirl-ის გადაღების პროცესს იხსენებს და ამბობს, რომ ერთ მომენტში იმდენად აღეგზნო, რომ გადაღების შეჩერება ითხოვა.
ნიკოლი ამბობს, რომ პროცესი ძალიან რთული იყო და აღარ სურდა ეროტიკული სცენების თამაში. ნიკოლს ფილმში პარტნიორობას ჰარის დიკინსონი და ანტონიო ბანდერასი უწევს.
- ჰოლივუდის ვარსკვლავი კინოსურათში დაქორწინებულ, მაღალი თანამდებობის კომპანიის ხელმძღვანელის როლშია, რომელსაც ახალგაზრდა, ექსპერიმენტების მოყვარული სტაჟიორი შეუყვარდება.
კიდმანის თქმით. თამამი სცენების გადაღება ჰარის დიკინსონთან და ანტონიო ბანდერასთან (რომელიც მის ქმარს თამაშობს) ხშირად მეტისმეტი იყო.
"იყო დიდი ნდობა პარტნიორების მიმართ, მაგრამ ასეთი მომენტებიც მქონდა: “ნუღარ მეხები”. გადაღებისას იყო შემთხვევები, როცა ვამბობდი: "აღარ მინდა მეტი, არ მომეკარო. მძულს ამის კეთება. საერთოდ არ მადარდებს, თუ ცხოვრებაში აღარასდროს შემეხებიან! დავიღალე! ეს იმდენად გადაჭარბებული იყო ჩემთვის, რომ თითქმის გადავიწვი", - იხსენებს მსახიობი.
- ვარსკვლავის თქმით, პროექტმა იმიტომ მიიზიდა, რომ მსგავსი როლი კარიერაში არასდროს ჰქონია.
“როგორც მსახიობი, ყოველთვის ძიებაში ვარ, ყოველთვის იმაზე ვფიქრობ, რას არ შევხებივარ აქამდე და რისი აღმოჩენა შემიძლია”, - აღნიშნა კიდმანმა.
ჰოლივუდის ვარსკვლავის შესრულებამ სულ ცოტა ხნის წინ დაიმსახურა კრიტიკოსების აღიარება, როდესაც ვენეციის კინოფესტივალზე საუკეთესო ქალი მსახიობის ჯილდო მიენიჭა.