"ის თავს მეფედ მიიჩნევდა..." - P.Diddy დაცემა და დასასრული
იყო დრო, როცა P.Diddy კომბსის წვეულებაზე დასწრება შოუბიზნესის ერთ-ერთ ყველაზე მნიშვნელოვან მოვლენად მიიჩნეოდა. ჯასტინ ბიბერის, მერაია ქერის, პარის ჰილტონისა და სხვა ცნობილი ადამიანების სახელებს სტუმრების სიაში ყოველთვის ნახავდით.
ჯეი-ზიმ და ბიონსემ "დიდის ფართის" შესახებ სიმღერებიც კი შექმნეს.
თუმცა, რამდენიმე თვის წინ მოვლენები სრულიად შეიცვალა - ერთ დროს გავლენიანი რეპერი ახლა ციხეში ზის და სასამართლო პროცესს ელოდება. მის წინააღმდეგ აღძრულია 100-ზე მეტი სამოქალაქო სარჩელი, რომელიც მოიცავს სექს-ტრეფიკინგს, სექსუალურ ძალადობისა და გაუპატიურების ბრალდებებს - თავად კომბსი ყველა ბრალდებას უარყოფს. მისი სასამართლო პროცესი 2025 წლის მაისში დაიწყება.
BBC News-სთან ექსკლუზიურ ინტერვიუში კომბსის პუბლიცისტი, რობ შუტერი საუბრობს:
"როდესაც "დიდი" VIP განყოფილებაში შეგეპატიჟებოდა, იცოდი, რომ კარგი დროის გატარება გელოდა", - ამბობს შუტერი. მისივე განცხადებით, კომბსი ძალაუფლებით იყო შეპყრობილი და ყურადღების ცენტრში ყოფნა უყვარდა. შუტერი ამტკიცებს, რომ სექსუალური ძალადობის მოწმე არასდროს გამხდარა.
"მისი პოპულარობის მთავარი მიზეზი ის იყო, რომ ყოველთვის დიდებაზე ფიქრობდა. თავის წვეულებებზე მსოფლიო დონის ვარსკვლავებს პატიჟებდა - ბევრჯერ დაურეკა პრინც უილიამსა და ჰარის და წვეულებაზე დასწრება შესთავაზა. იმასაც დაჰპირდა, რომ თავად გადაიხდიდა მათი მგზავრობის ხარჯებს და დაცვასაც უზრუნველყოფდა. თავი მეფედ მიაჩნდა, ამიტომ სრულიად ლოგიკურია, რომ გარემოცვაში პრინცის ყოლა უნდოდა".
აღსანიშნავია, რომ სამეფო ოჯახის ორივე წევრმა მის ყოველ მოწვევას უარით უპასუხა.
შუტერი ამბობს იმასაც, რომ "დიდის" სახლი სავსე იყო ცეცხლსასროლი იარაღებით, რეპერი ბევერლი ჰილზის ყველაზე ძვირადღირებულ ქუჩაზე ცხოვრობდა. წვეულების ხმაურისგან შეწუხებულ მეზობლებს რამდენჯერმე პოლიციისთვისაც მიუმართავთ. დაუნახავთ მისი სახლიდან გამოსული ქალებიც, რომლებიც მხოლოდ "საცვლების ამარა" იყვნენ.
თავად კომბსი თავის წვეულებებს რასობრივი და თაობათა ბარიერების დაშლის საშუალებას უწოდებდა, თუმცა ეს ყველაფერი მხოლოდ ფასადი იყო:
ერთ-ერთ სარჩელში, მამაკაცი,რომელიც იმ დროს 16 წლის იყო,1998 წელს, კომბსის წვეულებაზე მომხდარ შემთხვევას იხსენებს: მისი თქმით, სააბაზანოში მიდიოდა, როცა შემთხვევით რეპერს შეეჯახა. თავიდან მუსიკაზე საუბრობდნენ, მოგვიანებით კი კომბსმა ის ცალკე ოთახში გაუყვანა და შარვლის ჩახდა მოსთხოვა. მისი თქმით, ეს "ვარსკვლავად გახდომის გზა" იყო.
სასამართლოში სულ ათზე მეტი სამოქალაქო სარჩელია შეტანილი, რომლებიც ბრალს სდებენ მუსიკალურ მაგნატს თავდასხმაში, გაუპატიურებასა და სექსუალურ გამოძალვაში. ამ სასამართლო პროცესებში, როგორც მამაკაცები, ასევე ქალები აცხადებენ, რომ კომბსისა და მისი გარემოცვის მხრიდან სექსუალურ ძალადობას განიცდიდნენ.
კომბსის იურიდიული გუნდი ბრალდებებს უარყოფს:
"შონ კომბსის თეთრი წვეულებები და სხვა ღონისძიებები იყო ჰიპ-ჰოპის, ჰოლივუდისა და შავკანიანთა ბრწყინვალების ნამდვილი კონვერგენცია“, - ნათქვამია მათ განცხადებაში.
"იმედგაცრუებაა იმის დანახვა, რომ მედია ამ კულტურული მომენტების შებღალვას ცდილობს. ცნობილი ადამიანების შერცხვენა, ვიდეო კლიპებისა და ფოტოების კონტექსტიდან ამოღება და ამ მოვლენების ცრუ ბრალდებებთან დაკავშირების მცდელობა, უბრალოდ, არ შეესაბამება სინამდვილეს", - აცხადებენ იურისტები.
იხილეთ ახლავე:
- ქალი, რომელიც P.Diddy-ს 2pac-ის მკვლელობაში ადანაშაულებდა ამბობს, რომ სკანდალურმა რეპერმა რამდენიმე ადამიანთან ერთად გააუპატიურა - მორიგი ბრალდების დეტალები
- “სავარაუდო მსხვერპლთა შორის არიან ბავშვები; 16 წლის მოზარდს უბრძანა გაშიშვლება“ - სკანდალურ რეპერს ახალი ბრალდებები წარუდგინეს: სარჩელის დეტალები