"მოსახლეობა მტვერმა და ჭუჭყმა დააბრმავა... ეს რუსეთია, მეგობრებო" - რა მოხდა დაღესტანში, სადაც მისი მეთაური მოსახლეობასთან შესახვედრად პირადი ვერტმფრენით ჩავიდა (ვიდეო)
სოციალურ ქსელში გავრცელდა ვიდეოკადრები, სადაც ჩანს, როგორ ჩავიდა დაღესტნის მეთაური, სერგეი მელიკოვი ვერტმფრენით ერთ ერთ რაიონში. არსებული ინფორმაციით, ის სხვადასხვა ღონისძიებაზე დასასწრებად იმყოფებოდა.
- ვიდეო 23 სექტემბერსაა გადაღებული. კადრებში კი ჩანს, რომ ვერტმფრენი ეშვება იმ ადგილას, სადაც მოსახლეობა, მათ შორის, ბავშვები არიან შეკრებილები. მოქალაქეებს თვალებში მტვერი ეყრებათ და დისკომფორტი ექმნებათ.
მოგვიანებით, მელიკოვის პრესსამსახურმა განცხადება გაავრცელა, სადაც აღნიშნული იყო, რომ ასეთ ადგილას დაშვება დაგეგმილი არ იყო.
"მნიშვნელოვანია აღინიშნოს, რომ არაფერი ემუქრებოდა დამსწრეების უსაფრთხოებას, მაგრამ ის უხერხულობა, რომელიც მათ შეექმნათ, სრულიად მიუღებელია", - ნათქვამია პრესსამსახურის განცხადებაში.
ვიდეოს ცნობილი უკრაინელი ჟურნალისტი, დმიტრი გორდონიც აქვეყნებს სოციალურ ქსელში და წერს: "დაღესტნის მეთაური მოსახლეობასთან პირადი შვეულმფრენით მიფრინდა. მოსახლეობა მტვერმა და ჭუჭყმა დააბრმავა. ეს რუსეთია, მეგობრებო", - წერს გორდონი.
ნახეთ ვიდეო: