"განკითხვის დღის გუნდი“ - რა ხდება ცნობილი 14 - მდე დიდ ასტეროიდზე, რომლებიც შესაძლოა დედამიწას დაეჯახონ?

14-მდე დაახლოებით კილომეტრის ზომის ასტეროიდი შეიძლება კოსმოსური ნარჩენების ნაკადში იმალებოდეს, რომელიც, როგორც ჩანს, დედამიწის მახლობლად ტრიალებს.

ასტრონომთა ჯგუფის "ნადირობამ“ დიდ ასტეროიდებზე, რომელსაც "განკითხვის დღის გუნდი“ უწოდეს, საბედნიეროდ, იმაზე ნაკლები რაოდენობა გამოავლინა, ვიდრე ელოდნენ.

"საბედნიეროდ, ჩვენ აღმოვაჩინეთ, რომ ჯგუფში, სავარაუდოდ, მხოლოდ 9-14-მდე ასტეროიდია, რომლებიც დიდი ზომისაა“, - განაცხადა კუანჟი იემ, მერილენდის უნივერსიტეტის ასტრონომიის დეპარტამენტის დოქტორმა, რომელიც პროექტს ხელმძღვანელობდა.

ასტრონომები მიიჩნევენ, რომ ასეთი კვლევები და ასტეროიდების გამოვლენა მომზადების საშუალებას მისცემთ, რათა საფრთხე აირიდონ.

კალიფორნიაში, პალომარის ობსერვატორიაში ჩატარებული კვლევისას გამოიყენეს ტელესკოპი Zwicky Transient Facility, რომლის დანიშნულებაც არის ღამის ცის სკანირება და მასიური კოსმოსური ქანების გამოკვლევა.

"ჩვენ ვსარგებლობთ იშვიათი შესაძლებლობით, როდესაც ასტეროიდების გუნდი დედამიწას უახლოვდება - ამ დროს საშუალება გვაქვს უფრო ეფექტიანად მოვძებნოთ ობიექტები, რომლებმაც შეიძლება საფრთხეს შეუქმნან ჩვენს პლანეტას. დასკვნები აჩვენებს, რომ დიდი ასტეროიდის დარტყმის რისკი გაცილებით დაბალია, ვიდრე ჩვენ ვფიქრობდით. ეს არის შესანიშნავი სიახლე პლანეტის თავდაცვისთვის", - აცხადებენ მეცნიერები.

წყარო