"მახინჯი იხვის ჭუკი ვიყავი" - ყველაზე ლამაზი ქალი, რომელიც თავს უშნოდ თვლიდა - რატომ უარყო შვილმა ბრიჯიტ ბარდო: ვარსკვლავის სკანდალური ცხოვრება

ამის დაჯერება შეუძლებელია, მაგრამ მომხიბვლელი ბრიჯიტ ბარდო, რომელზეც მილიონობით კაცი იყო შეყვარებული, ახალგაზრდობაში თავს "მახინჯ იხვის ჭუკად" თვლიდა. ის დარწმუნებული იყო, რომ გარეგნობიდან გამომდინარე, ფილმში არავინ გადაიღებდა და არც უოცნებია მსახიობობაზე. ახლა ბრიჯიტ ბარდო მსოფლიო ვარსკვლავია, მაგრამ მისი პირადი ცხოვრება ბევრი ცნობილი ადამიანის ცხოვრების მსგავსად, ზღაპრული არ ყოფილა. ახალგაზრდობაში დაშვებულმა შეცდომებმა წარსული სანანებელი გაუხადა.

• წინასწარმეტყველება

ბრიჯიტის მშობლიური ქალაქი პარიზია, სიყვარულის დედაქალაქი. მამა ბიზნესმენი იყო, დედა კი - დიასახლისი და ბრიჯიტს და მის უმცროს დას ზრდიდა.

ერთ დღეს, რესტორანში სადილობისას, მათთან ბოშა ქალი მივიდა. ოჯახს უთხრა, რომ მალე მათ გვარს მთელი მსოფლიო გაიცნობდა.

• "მახინჯი იხვის ჭუკიდან" ლამაზმანობამდე

ახალგაზრდა ბრიჯიტის ცხოვრება ჯოჯოხეთად იქცა, რადგან იძულებული გახდა კბილებზე ბრეკეტები, ხოლო მხედველობის პრობლემების გამო, სათვალეები გაეკეთებინა. ამბობს, რომ მისთვის ეს ძალიან უსიამოვნო იყო. გოგონას იდეალური ფიგურა ჰქონდა - დედის დაჟინებულმა თხოვნამ შედეგი გამოიღო და ბალეტზე დაიწყო სიარული.

გავიდა დრო, ბრიჯიტმა კბილები გაისწორა, სათვალე მოიხსნა და 14 წლის ასაკში გოგონას სარკეში საკუთარი ანარეკლი მოეწონა. იმ დროისთვის დედამისი ტანსაცმლის მაღაზიის მფლობელი, ბრიჯიტი კი მისი მოდელი გახდა.

• ბალეტი, ფოტოები ჟურნალებისთვის და კინო გადაღებები

მალე მოვლენები ისეთი სისწრაფით განვითარდა, რომ გოგონა მიხვდა, წინ ზღაპრული წარმატება ელოდა. დედის მეგობარმა ბრიჯიტი საბალეტო სკოლისთვის გადაიღო, რამაც ფრანგული გამოცემის Elle-ის რედაქტორების ყურადღება მიიქცია და მალე ახალგაზრდა ბარდო გარეკანისთვის გადაიღეს.

მორცხვი პარიზელისთვის ეს ნამდვილი მიღწევა იყო. ბრიჯიტი ყოველდღე უფრო და უფრო თავდაჯერებულად გრძნობდა თავს და არც გაჰკვირვებია, როდესაც რეჟისორმა როჯერ ვადიმმა ფილმში როლი შესთავაზა. მართალია, პროექტი საბოლოოდ გაუქმდა, მაგრამ 1952 წელს ბარდო ფილმში მაინც გადაიღეს. მამას ეს არ მოსწონდა, რადგან ფიქრობდა, რომ ფილმის გადაღება უღირსი საქმიანობა იყო ღირსეული ოჯახის გოგონასთვის.

• სკანდალური გადაღებები

და მაინც, ბრიჯიტი ოჯახს უსმენდა. როჯერ ვადიმმა დაარწმუნა, რომ ეთამაშა ფილმში, სადაც ბიკინით გამოჩნდა. მაყურებელი თვალს ვერ აშორებდა ეკრანზე მის ფიგურას. მომდევნო ფილმში "ექიმი ზღვაზე" ბრიჯიტი შიშველი გამოჩნდა და მისი მონაწილეობით ეპიზოდმა სენსაცია გამოიწვია.

მაგრამ ვარსკვლავი მაშინ გახდა, როდესაც ეკრანებზე როჯერ ვადიმის ფილმი "და ღმერთმა... შექმნა ქალი“ გამოვიდა. ბრიჯიტმა მსოფლიო კინოს ვარსკვლავის სტატუსი მიიღო. მის სახელს მერილინ მონროსა და ოდრი ჰეპბერნის გვერდით ახსენებდნენ.

რამდენიმე წლის შემდეგ გამოვიდა ფილმი "Babette Goes to War". ბრიჯიტ ბარდომ თმა აიწია და ქალებმა მთელ მსოფლიოში მაშინვე სილამაზის სალონებს მიაშურეს, რათა ვარცხნილობა მის მსგავსად შეეჭრათ.

მომხიბვლელმა ქერათმიანმა ქალმა ოცდაათამდე ფილმში ითამაშა და 40 წლის იუბილეზე გამოაცხადა, რომ კინოს ტოვებდა: მას არ სურდა მაყურებელს ენახა, როგორ ბერდებოდა. ამჯობინებდა, რომ მათ თვალში ახალგაზრდად და ლამაზად დარჩენილიყო.

• სასიყვარულო ურთიერთობები

გოგონებს ხშირად უყვარდებათ კაცები, რომლებიც წარმატების მიღწევაში ეხმარებიან. ასე იქცა ბრიჯიტისთვის რეჟისორი როჯერ ვადიმი პირველ სიყვარულად. ბარდოს ოჯახი ამ ურთიერთობის წინააღმდეგი იყო - მათი ქალიშვილი ძალიან ახალგაზრდა იყო. მაგრამ მკაცრ მშობლებს მაინც მოუწიათ დათანხმება: როგორც კი ბრიჯიტი 18 წლის გახდა, მან და როჯერმა ერთად დაიწყეს ცხოვრება.

ვადიმმა შექმნა სცენარი სპეციალურად მისი ლამაზი მეუღლისთვის. ფილმმა "და ღმერთმა შექმნა ქალი" მას საოცარი წარმატება მოუტანა და მსოფლიო დონის ვარსკვლავად აქცია. მაგრამ იმავე ფილმმა საბედისწერო როლი შეასრულა წყვილის ცხოვრებაში - გადასაღებ მოედანზე ბარდო ჟან-ლუი ტრენტინიანს შეხვდა. წყვილს შორის რომანი დაიწყო, რის შემდეგაც ბრიჯიტი როჯერ ვადიმს დაშორდა და ჟან-ლუის გაჰყვა ცოლად.

ეს ქორწინება მხოლოდ ორი წელი გაგრძელდა. ისტორია განმეორდა - ფილმის "Babette Goes to War" გადასაღებ მოედანზე ბრიჯიტმა დაიწყო ურთიერთობა პარტნიორთან, ჟაკ ჩარიერთან და ტრენტინიანი მიატოვა. ქორწილიდან მალევე მსახიობმა გაიგო რომ ბავშვს ელოდებოდა.

ბარდოს ორსულობა არ გახარებია. ამბიციურ კინოვარსკვლავს გეგმები ჩაეშალა. ბრიჯიტს ბავშვის მოშორებაც კი სურდა, მაგრამ საფრანგეთში იმ დროს აბორტი აკრძალული იყო და ასევე ჟაკი არასოდეს მისცემდა ცოლს აბორტის ნებას. მოგვიანებით, მსახიობმა აღიარა, რომ მოუთმენლად ელოდა ბავშვის დაბადებას, რათა ძველ ფორმას დაჰბრუნებოდა.

ბრიჯიტმა სახლში იმშობიარა, რადგან რეპორტიორები მათი სახლის გარშემო აღამებდნენ, რომ როგორმე ორსული ქალი გადაეღოთ. 1960 წლის დასაწყისში დაიბადა ნიკოლა-ჟაკი - ბიჭი, ის ბრიჯიტ ბარდოს ერთადერთი ვაჟია.

სულ რაღაც ორი წლის შემდეგ, ბრიჯიტისა და ჟაკის ქორწინება დაინგრა. ქმარმა საყვარელი მეუღლე სხვა მამაკაცთან ერთად ნახა. ქალი ადვილად დათანხმდა როგორც განქორწინებას, ასევე შვილის ყოფილი ქმრისთვის გადაცემას. ჟაკი ბავშვის ერთადერთი მეურვე იყო.

• ახალგაზრდობის შეცდომა

მას შემდეგ, მსახიობს ნიკოლასი მრავალი წლები არ უნახავს. დიახ, მან მიაღწია დიდებას და წარმატებას, მაგრამ მხოლოდ მოგვიანებით მიხვდა, რომ ახალგაზრდობაში მიღებული გადაწყვეტილება სერიოზული შეცდომა იყო. შედეგად, მისმა ერთადერთმა მემკვიდრემ არ იცოდა დედის სიყვარული, რამაც მას მძიმე ტრავმა მიაყენა.

როდესაც ნიკოლასი დაქორწინდა, დედა არ მიიწვია საკუთარ ქორწილში: მას არ სურდა, რომ სტუმრებისა და ხალხის ყურადღება მასზე ყოფილიყო ფოკუსირებული.

დედა-შვილი მხოლოდ წლების შემდეგ შერიგდა. მაგრამ მაინც არ გამხდარან ერთმანეთისთვის ახლო ადამიანები. ბრიჯიტი ისევ აგრძელებდა სიყვარულისა და ბედნიერების ძიებას - ის კიდევ ორჯერ დაქორწინდა, მაგრამ ეს ხანმოკლე ქორწინებები იყო.

• ცხოველების სიყვარული

საბოლოოდ ვარსკვლავისთვის ცხოველები ნამდვილ სიყვარულად და ცხოვრების აზრად იქცნენ. ბრიჯიტ ბარდო ცნობილი ცხოველთა უფლებების დამცველი, რომელიც დიდ ძალისხმევასა და ფულს ხარჯავს ცხოველების თავშესაფრებისთვის.

გარდა ამისა, მსახიობი წინააღმდეგია პლასტიკური ქირურგიის. ის თვლის, რომ სიბერე ღირსეულად უნდა მიიღოს და 90 წლის ასაკში არ ცდილობს ახალგაზრდულად გამოიყურებოდეს. მაგრამ მილიონობით გულშემატკივრისთვის მთელს მსოფლიოში, ის სამუდამოდ დარჩება ყველაზე ლამაზად ფრანგ ქალად.