"ყოფილი ვეგანი", მომღერალი Lizzo აცხადებს, რომ წონის კლებაში "ცხოველური პროტეინების" მიღება დაეხმარა
მომღერალმა Lizzo-მ, რომელმაც მისი გარდასახვით გულშემატკივრები გააოცა, მისი კვების რაციონი გაამხილა.
Lizzo მსოფლიომ საკმაოდ მრგვალი ფორმებით გაიცნო, რომლითაც ის ამაყობდა და უამრავი ქალის შთაგონებაც გახდა. ის არასოდეს ერიდებოდა ისეთი სასცენო სამოსის მორგებას, სადაც სხეულის მოყვანილობა ჩანდა.
მიუხედავად იმისა, რომ მომღერალი ერთ-ერთ ყველაზე სექსუალურ ქალად მიიჩნეოდა, მოგვიანებით განაცხადა, რომ წონამ ჯანმრთელობის პრობლემები შეუქმნა, რის გამოც გადაწყვიტა დაეკლო.
ინსტაგრამზე გამოქვეყნებულ ვიდეოში გაამხილა, რომ წონის კლებაში “ცხოველური პროტეინების“ მიღება დაეხმარა. Lizzo ყოფილი “ვეგანია.“
როგორც აღმოჩნდა, მას შემდეგ, რაც საკვებ რაციონში ხორცი ჩართო, სხეულმა ეფექტურად დაიწყო ცხიმის წვა.
მომღერლის თქმით, დღის განმავლობაში, სალათებს მიირთმევს, რომელშიც ქათმის ხორცი შედის.
“როდესაც იაპონიაში ჩავედი, აღფრთოვანებული ვიყავი, რამდენად სუფთა და გემრიელი იყო მათი საკვები. ვტკბებოდი ახალი სუშით და გაოგნებული ვიყავი იმით, თუ რამდენად კარგად გრძნობდა თავს ჩემი სხეული მეორე დღეს“, - თქვა მან.
”ტესტებისა და კვლევის შემდეგ აღმოვაჩინე, რომ ცხოველური ცილები დამეხმარა მეტი ენერგიის მოპოვებაში, წონის დაკლებაში და გონების ნისლისგან გაწმენდაში,“ - თქვა მან.
თუმცა, ასევე აღნიშნა, რომ ფიქრობს, რომ ვეგანური დიეტა “რჩება ყველაზე ჯანსაღ დიეტად“ მსოფლიოში.