"ეს არ არის ევროვიზია" - ევროპარლამენტარებმა ვიქტორ ორბანს Bella Ciao უმღერეს: როგორ სცადა დაბნეულმა რობერტა მეცოლამ მათი გაჩუმება  (ვიდეო)

"ეს არ არის ევროვიზია" - თქვა ევროპარლამენტის სპიკერმა, რობერტა მეცოლამ, როდესაც ცდილობდა გაეჩუმებინა მემარცხენე დეპუტატები.

ევროპარლამენტარები უნგრეთის პრემიერ-მინისტრს, ვიქტორ ორბანს კლასიკური “ანტიფაშისტური“ ჰიმნის Bella Ciao-ს შესრულებით მიესალმნენ.

• Bella Ciao, ქართულად - "მშვიდობით, მშვენიერო" ხშირად გამოიყენება ხოლმე პოლიტიკური "დუელისას" ინდივიდების მიერ. თავად სიმღერა ეძღვნება ძველ ისტორიას მემარცხენეების გადამწყვეტი ბრძოლის შესახებ პოლიტიკური ჩაგვრის წინააღმდეგ.

სიმღერაში აღწერილია პარტიზანი მებრძოლის თვალთახედვა, რომელიც ერთ დილას იღვიძებს და ხვდება, რომ უნდა დატოვოს საყვარელი ადამიანი დამპყრობელთან საბრძოლველად და ხვდება, რომ შეიძლება აღარასოდეს ნახოს იგი.

სიმღერას ხშირად სკანდირებენ ხოლმე სხვადასხვა ქვეყნებში, რევოლუციურად განწყობილი, შეკრებილი ადამიანები.

• Bella Ciao-ს ყოველწლიურად აჟღერებენ 25 აპრილს იტალიაში, ბენიტო მუსოლინის ფაშისტური დიქტატურისა და გერმანული ნაცისტური ოკუპაციის დასასრულის აღსანიშნავად. თუმცა ბოლო წლებში ის დაუკრეს ირანში, ანტისამთავრობო საპროტესტო აქციებზე, სკანდირებდნენ უკრაინაში - ბარიკადებზე, მღეროდნენ პოლონეთში და ა.შ.

სიმღერა გამოიყენეს ესპანურ სერიალში La Casa de Papel, რომელიც ერთ-ერთი ყველაზე პოპულარული შოუ გახდა Netflix-ის ისტორიაში.

წყარო

წაიკითხეთ ასევე:

• "რამდენად გაყიდეთ ქვეყანა, ბატონო პრემიერ-მინისტრო? მან უნგრეთი პუტინს მიჰყიდა" - აქტივისტმა ვიქტორ ორბანს სიტყვით გამოსვლა შეაწყვეტინა