სერიულმა მკვლელმა 3 დღეში 3 ადამიანი მოკლა - პოლიცია სასტიკი დანაშაულების დეტალებს ასაჯაროებს: რა მოხდა კანადაში?
დააკავეს კანადელი სერიული მკვლელი ქალი, რომელსაც ბრალად ედება 3 დღის განმავლობაში 3 ადამიანის მკვლელობა. სამართალდამცავი ორგანოების ინფორმაციით, 30 წლის საბრინა კაულდჰარი ონტარიოში, სასტუმროში ბერლინგტონში დააკავეს.
“ვფიქრობთ, რომ ის არის სერიული მკვლელი. როდესაც ადამიანს ბრალად ედება ”ორი ან მეტი პირის მკვლელობა, სამართლიანია რომ მას სერიული მკვლელი ეწოდოს“, - განუცხადა ნიაგარას რეგიონული პოლიციის უფროსმა ბილ ფორდიმ ჟურნალისტებს.
-
მკვლელობების სერია 1 ოქტომბერს დაიწყო.
ტორონტოს პოლიციამ საკუთარ სახლში 60 წლამდე გარდაცვლილი იპოვა. მეორე დღეს მათ იპოვეს მოკლული მამაკაცი, რომელსაც მძიმე დაზიანებები აღენიშნებოდა.
“47 წლის ლენს კანინგემი შემთხვევის ადგილზე გარდაცვლილად გამოცხადდა“, - აცხადებს პოლიცია.
მესამე მკვლელობა 3 ოქტომბერს მოხდა. ტორონტოს გარეუბანში, ავტოსადგომზე დანით დაჭრილი მამაკაცი იპოვეს. გარდაცვლილი პენსიაზე გასული მასწავლებელი, 77 წლის მარიო ბილიჩი აღმოჩნდა.
"გამომძიებლებმა სამივე მკვლელობის დაკავშირება შეძლეს და დაადგინეს, რომ ეჭვმიტანილი ყველა შემთხვევაში ემთხვევა ბრალდებულის აღწერილობას“, - თქვა პოლიციამ.
კაულდარს ბრალი ედება პირველი და მეორე ხარისხის მკვლელობები.
იხილეთ ასევე: