ისრაელი აცხადებს, რომ ღაზაში, “ჰამასის“ მთავრობის მეთაური მოკლა - ლიკვიდირებულია დაჯგუფების კიდევ 2 ოფიციალური პირი
ისრაელის თავდაცვის ძალების ინფორმაციით, საჰაერო იერიშის შედეგად, ღაზაში, “ჰამასის“ მთავრობის მეთაურის ლიკვიდაცია განხორციელდა.
არსებული ინფორმაციით, როჰი მუშტაჰასთან ერთად “ჰამასის“ კიდევ ორი ოფიციალური პირის, სამე ალ-სირაჯისა და სამი ოდეჰის ლიკვიდაცია დაადასტურა.
ისრაელის თავდაცვის ძალებში აცხადებენ, რომ ისრაელმა სარაკეტო დარტყმა სამი თვის წინ განახორციელა.
ისრაელის თავდაცვის ძალების ცნობით, გასული დღის განმავლობაში ლიბანში, სახმელეთო ოპერაციების ფონზე, “ჰეზბოლას“ 60-მდე მებრძოლი დაიღუპა და საჰაერო დარტყმების შედეგად დაჯგუფების 200-ზე მეტი სამიზნე განადგურდა.
ისრაელის თავდაცვის ძალებში აცხადებენ, რომ 200-მდე სამიზნე, რომლებსაც მათმა მოიერიშე თვითმფრინავებმა სამხრეთ ლიბანში დაარტყეს, მოიცავდა შენობებს, რომლებსაც ტერორისტული ჯგუფი იყენებდა, ასევე იარაღის საწყობებს, სადამკვირვებლო პუნქტებსა და სხვა ინფრასტრუქტურას.