მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ უნდა წაიკითხოთ ჰომეროსის "ილიადა"
14:34 / 24-09-2024
ეპიკური პოემა, რომელსაც ჰომეროსს მიაწერენ, ჩვენს წელთაღრიცხვამდე VIII საუკუნეში დაიწერა. პოემა მოგვითხრობს ტროას ომის ბოლო ეტაპის შესახებ. ომის, ბედისწერის და ადამიანის ბუნების რთული თემები, რომლებსაც ეს ნაწარმოები მოიცავს, დღემდე აქტუალურია.
"ილიადა“ ყველა დროის უდიდესი და უმნიშვნელოვანესი ლიტერატურული ძეგლია. ის ევროპაში დაწერილი და ჩვენამდე მოღწეული ერთ-ერთი პირველი წიგნი და ბერძნული ლიტერატურის უძველესი ნიმუშია, რომელსაც საფუძვლად უდევს ბერძენ გმირებზე ხანგრძლივი დროის განმავლობაში შეთხზული ამბები.
პოემაში აღწერილია ტროის ომი, კერძოდ, ომის მეათე წელს მომხდარი ამბავი. პოემა იწყება კონფლიქტით, რომელიც იფეთქებს ბერძენთა ორ უმთავრეს წინამძღოლს შორის. ერთი აგამემნონია, სახელოვანი მხედართმთავარი და განუსაზღვრელი ძალაუფლების მქონე ავტორიტეტი, მეორე კი აქილევსია, ბერძენთა მთავარი გმირი და მორალური ავტორიტეტი. წიგნის სიუჟეტი სულ რამდენიმე კვირას გრძელდება, თუმცა პოემა ომამდელ ამბებსა და ომის მიმდინარეობის სრულ სურათს მოიცავს.
“ილიადა” დასავლური ლიტერატურის ლეგენდარული ნაწარმოებია, რომელმაც შთააგონა ათასობით მწერალი სხვადასხვა ეპოქაში. მან გავლენა მოახდინა ძველ ბერძნულ ტრაგედიებზე, რომაულ პოეზიაზე, ეპიკურ ლიტერატურაზე და თანამედროვე მხატვრულ კულტურაზეც კი.
ილიადის გმირები, აქილევსი, ჰექტორი და აგამემნონი, აწყდებიან შიდა კონფლიქტებს, რაც მათ აიძულებს აირჩიონ პირადი ინტერესები და მოვალეობა საზოგადოების ან ოჯახის წინაშე. აქილევსს, მთავარ გმირს, მუდმივად უჩნდება კითხვა, რა არის მისთვის უფრო მნიშვნელოვანი - ხანგრძლივი სიცოცხლე, თუ დიდება, რომელიც დარჩება საუკუნეების განმავლობაში.
ჰომეროსის პოემა მკითხველს შესაძლებლობას აძლევს პერსონაჟები არა მხოლოდ გარედან დაინახოს, არამედ მათ შინაგან სამყაროშიც შეიხედონ. “ილიადა” ასახავს როგორც გმირობას, ასევე ადამიანის ბუნების სისუსტეებს. აქილევსი, ერთ-ერთი უდიდესი გმირი, მკითხველს მრისხანე ადამიანად ეჩვენება. ჰექტორი, ტროას დამცველი, ძლიერი მეომარი და მოსიყვარულე მამაა. მათი ხასიათები გმირებს რეალისტურს და მრავალმხრივს ხდის.
ილიადა არ არის მხოლოდ ბრძოლებისა და გმირების ისტორია. ეს არის ნაშრომი, რომელიც ღრმად აანალიზებს ომის ბუნებას. ჰომეროსი არ ამართლებს ძალადობას, მაგრამ აჩვენებს მის საშინელებებს, ტანჯვასა და ნგრევას, რომელიც მოაქვს ომს, როგორც ჯარისკაცებისთვის, ასევე მშვიდობიანი მოსახლეობისთვის.
წიგნი გვამოგზაურებს ძველ ბერძნულ მითოლოგიაში, თავისი ღმერთებით, გმირებითა და ლეგენდარული მოვლენებით. მასში მონაწილეობენ ისეთი მითიური ფიგურები, როგორებიცაა: ზევსი, ათენა, აპოლონი და აფროდიტე, რომლებიც მნიშვნელოვან როლს ასრულებენ მოკვდავი გმირების ბედისწერაში. გარდა ამისა, „ილიადა“ წარმოადგენს მნიშვნელოვან ისტორიულ და კულტურულ წყაროს იმის გასაგებად, თუ როგორ ხედავდნენ ძველი ბერძნები საკუთარ თავს და თავიანთ ადგილს მსოფლიოში.
მიუხედავად მოვლენების უზარმაზარი მასშტაბისა, ილიადა სავსეა პირადი ისტორიებით, რომლებიც ყველას ეხება.
ყველა დროის ერთ-ერთი ყველაზე მნიშვნელოვანი ნაწარმოების, ჰომეროსის "ილიადას" წინასწარ შეძენა შესაძლებელია! სერიის, "კიდევ 15 წიგნი, რომელიც უნდა წაიკითხო, სანამ ცოცხალი ხარ", მეცხრე ტომის, ან სრული სერიის წინასწარი გამოწერა „პალიტრა L”-ის ვებგვერდიდან, სპეციალურ ფასად შეგიძლიათ: https://palitral.ge/subscriptions/81
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოაყოლეთ "ოდისეა" ზ. კიკნაძის თარგმანი.