"მისმა ძმაკაცმა მითხრა, ამბობს, "დავბრიდავ" და თავსაც მოვიკლავო..." - თამუნა მუსერიძე კესარია აბრამიძის ხმოვან შეტყობინებას აქვეყნებს: რას ამბობს ის ბექა ჯაიანზე და რას წერს ჟურნალისტი?

18 სექტემბერს თბილისში ტრანსგენდერი ქალი კესარია აბრამიძე საკუთარ ბინაში მოკლეს. დაკავებულია დანაშაულში ბრალდებული, მისი მეგობარი მამაკაცი ბექა ჯაიანი, რომელიც, როგორც ირკვევა, ხშირად ძალადობდა ქალზე. მეგობრების თქმით, ის ცოტა ხანს ამ ურთიერთობას გაერიდა და უცხოეთშიც კი წავიდა.

ჟურნალისტი თამუნა მუსერიძე აქვეყნებს კესარია აბრამიძის ხმოვან შეტყობინებას, რომელიც სწორედ მისი უცხოეთში ყოფნისას არის გაგზავნილი. ჩანაწერში ის ამბობს, რომ მამაკაცი შინ უვარდებოდა. "წამოსული რომ ვარ, მაინც მიდის ჩემთან სახლში, მაინც არ მანებებს თავს. მეუბნება, ჩამოდი, ჩამოდიო, მანიპულირებს, - მენატრებიო. მისმა ძმაკაცმა მითხრა, ამბობს, "დავბრიდავ" და თავსაც მოვიკლავო. მაგას ესე ვუყურო ვერ ავიტანო... მანამდეც მეუბნებოდა თუ დამშორდები, "დაგბრიდო" მირჩევნიაო... გამწარებულია რომ დავშორდი... რა ვქნა არ ვიცი, დაჭერაც არ მინდა, რა გავაკეთო" - ამბობს ქალი ჩანაწერში.

თამუნა მუსერიძე კი შემდეგს წერს:

"ბოლომდე გაუფრთხილდა იმ მხეცს ჩემი გოგო. ბოლომდე უნახა ნამუსი, ბოლომდე უწმინდა ნაგავი, ვერ გაწირა, ვერ უჩივლა, ვერ დააჭერინა. იმდენად თავმოყვარე იყო, სანამ არ დაშორდა, მანამდე არ გაგვაგებინა ძალადობის მსხვერპლი რომ იყო. რომ შეურიგდა, მერე მალავდა და ამართლებდა. არ გვიყვებოდა რა დღეშიც აგდებდა. ერთხელ საქართველოდან გაექცა და მაინც დაიბრუნა იმ ავაზაკმა. მერე ისევ დაშორდნენ და ბოლოს ყველაზე სუსტ წერტილზე დააბიჯა. მოვდივარ, ხელი უნდა გთხოვო, მოემზადე, ჩვენი ფოტოც დადეო. დღეს კესო აღარ გვყავს. ჩვენთვის აღარაფერი შეიცვლება, მაგრამ თქვენ მაინც იცოდეთ, როგორ თავდავიწყებით უყვარდა მანიაკი და როგორ გაუფრთხილდა ბოლო ამოსუნთქვამდე..."

იხილეთ ასევე:

• ბრალდების მხარის განცხადებით, კესარია აბრამიძის მკვლელობაში ბრალდებულს ოკუპირებულ აფხაზეთში გადასვლა ჰქონდა განზრახული - კიდევ რა ინფორმაცია გაასაჯაროვა პროკურორმა?
• "გადაწყვეტილების მიღება უშუალოდ მიანდო სასამართლოს, ეს იყო ბრალდებულის პოზიცია" - რა განაცხადა კესარია აბრამიძის მკვლელობაში ბრალდებულის ადვოკატმა?
• "კესარია ბექა ჯაიანს შეხვედრაზე დასთანხმდა მათი ფოტოს სოცქსელში გასაჯაროების სანაცვლოდ... შემდეგ ჯაიანმა დანა იყიდა" - რა მოხდა მკვლელობის ღამეს: პროკურატურა დეტალებით
• რას წერს BBC კესარია აბრამიძის მკვლელობის საქმესთან დაკავშირებით?
• "მეგობრისგან გავიგე, დაურეკავს და უთქვამს, დადე თუ გინდა ფოტო, მოვდივარ, ხელი უნდა გთხოვოო" - რას ჰყვება კესარია აბრამიძის მეგობარი სასტიკ მკვლელობაში ბრალდებულზე?