მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არაერთხელ გამხდარა გატაცების და ძალადობის მსხვერპლი, თუმცა მას ამაზე საჯაროდ საუბარი საჭიროდ არ მიაჩნდა..." - პაატა საბელაშვილი
16:25 / 19-09-2024
უფლებადამცველი პაატა საბელაშვილი ტრანსგენდერ ქალის კესარია აბრამიძის მკვლელობას ეხმაურება და სოციალურ ქსელსი წერს:
"The Queen is dead. Long live the queen!
18 თუ 19 წლის იქნებოდა, როდესაც გავიცანი. ოფისში რომ ამოვიდა, თავდაცვით პოზოციაში იყო. მესამედ ამოსვლა დასჭირდა, რო კეთილგანწყობილ გარემოში მაინც ეგრძნო თავი უსაფრთხოდ. ხშირად განიკითხავდნენ, რომ ისე არ საუბრობდა, როგორც აქტივისტები ისურვებდნენ. მისი პოზა, მისი თვითირონია და ცხოვრებისადმი დამოკიდებულება, ყველას ქედმაღლობა ეგონა, ყველას, ვინც მას არ იცნობდა.
არავინ იცოდა, სინამდვილეში რამდენ რამეს იტანდა, რომ ყოფილიყო ისეთი სიოსავით მსუბუქი, როგორიც ჩანდა.
კესარია 2008-ში მოვიდა ჩემთან და მომიყვა, თუ როგორ აიძულებდა უშიშროება, ვიღაც ბიზნესმენებთან ევლო და მერე მათთვის ვიდეოები გადაეღოთ. 2008-ში იმიტომ მოვიდა, რომ ომის დროს ცოტა ხნით შეეშვნენ და მანაც როგორც იქნა, ჩამოიშორა "კაგბეშნიკები". არაერთხელ გამხდარა გატაცების და ძალადობის მსხვერპლი, თუმცა მას ამაზე საჯაროდ საუბარი საჭიროდ არ მიაჩნდა. მას მუდამ უნდა ენათებინა ეკრანიდან, მხოლოდ პოზიტიური პერსპექტივა ეჩვენებინა თავისი დებისათვის.
ის ნამდვილი დედოფალი იყო და ბრიტანული სამეფო ოჯახის საუკეთესო ტრადიციებში - არასდროს წუწუნებდა და არასდროს ხსნიდა თავის ნათქვამს ("Never complain, never explain"). არასოდეს თვლიდა საჭიროდ, მოეყოლა, რომ სულაც არ ეკიდა ფეხებზე საკუთარი თანამეთემეთა მდგომარეობა და მათზე ბევრად მეტი ჰქონდა გაკეთებული აქტივიზმისთვის, ვიდრე მისი ინტერვიუების კრიტიკოსებს.
არასოდეს დამავიწყდება, თუ როგორ შეიცვალა სახელი პირადობის მოწმობაში. ერთ-ერთ დისკუსიაზე ვთქვი, რომ საქართველოს კანონმდებლობით შეგიძლია ნებისმიერი სახელი დაირქვა. მკითხა - შემიძლია კესარია დავირქვა პირადობაშიო? (სქესის მარკერი არ იყო პირადობაში). ვუთხარი, რომ შეეძლო, რაც უნდოდა ის დაერქვა. დავარიგე, თუ რამე გითხრეს იუსტიციაში, უთხარი, რომ კანონი იცი და თუ სურვილი გაქვს “სკამსაც” დაირქვავ სახელად-თქო. აბა რა? მარტო მივიდა და ყველაფერი ზედმიწევნით ზუსტად უთხრა, განსაკუთრებით სკამზე. ხომ წარმოგიდგენიათ ამას როგორ გააკეთებდა? ამ არგუმენტის შემდეგ რეესტრმა უარი ვერ უთხრა და ასე ჩაიჩხრიალა ჯიბეში ახალი პირადობა კესარია აბრამიძემ.
არ ვიცი, რამდენი ადამიანი უნდა დაიბადოს იმისათვის, რომ კესისნაირი გოგო გამოერიოს მათში. არ ვიცი, რამდენი უნდა იშრომოს ადამიანმა, რომ მივიდეს იქამდე, სადამდეც კესარია მივიდა. და რა საწყენია, რომ მისმა მკვლელმა ეს ტერორისტული აქტი ჩაიდინა. დიახ, ტერორისტული, რადგან ამით მან კესოს ურთულეს გზაზე მყოფ ქალებს თითქოს მომავალი მოუკლა. ქალებო, იხარეთ ტერორისტების ჯინაზე. კესოსაც სწორედ ეს ენდომებოდა!
მშვიდობით, ჩემო ანგელოზო. სიბერე მაინც ვეღარაფერს დააკლებს შენს მშვენიერებას!"
იხილეთ ასევე:
- "მეგობრისგან გავიგე, დაურეკავს და უთქვამს, დადე თუ გინდა ფოტო, მოვდივარ, ხელი უნდა გთხოვოო" - რას ჰყვება კესარია აბრამიძის მეგობარი სასტიკ მკვლელობაში ბრალდებულზე?
- "ჯაიანის თქმით, კესარია აბრამიძე მას ცოლად მოყვანას სთხოვდა, წინააღმდეგ შემთხვევაში, ფოტოების გავრცელებით აშანტაჟებდა" - რას უყვება ambebi.ge - ს წყარო პოლიციიდან
- "ნუცას დაკრძალვაზე მოვიდა კესო, გვერდზე მომიჯდა და მითხრა, ცხოვრებაში პირველად ვარ დაკრძალვაზე, ვერ დავდივარ, მეშინია, რომ გამაგდებენო" - მაია ასათიანი კესარია აბრამიძეზე
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
