5
მაისიდღის ზოგადი ასტროლოგიური პროგნოზი
ჩეჩნეთის სპეცდანიშნულების რაზმ "ახმატის“ მეთაურმა და რუსეთის არმიის მთავარი სამხედრო-პოლიტიკური სამმართველოს უფროსის მოადგილემ, გენერალ-მაიორმა აპტი ალაუდინოვმა თავის Telegram არხზე ისაუბრა ჩეჩენ მებრძოლებზე, რომლებიც ნებაყოფლობით ჩაბარდნენ უკრაინის ტყვეობაში.
მან განაცხადა, რომ არ აპირებს მათ დახმარებას და განმარტა თავისი პოზიცია.
"არ მგონია, რომ შენ სიცოცხლეს იმსახურებ, რადგან მაინტერესებს, როგორ აპირებ მას შემდეგ ცხოვრებას, რაც თათები აწიე და გოგოსავით ჩავარდი ტყვეობაში?" - ამბობს აღშფოთებული გენერალ-მაიორი.
ალაუდინოვმა უკრაინელებს მოუწოდა, "ყველაფერი გააკეთონ, რომ ისინი მოკლან“.
მან აღიარა, რომ გაბრაზებული იყო გამოქვეყნებული ვიდეოების გამო, რომლებშიც უკრაინის შეიარაღებული ძალების ჯარისკაცები რუს პატიმრებს ჩეჩნეთში ნათესავებთან დარეკვის საშუალებას აძლევენ. და ისინი, თავის მხრივ, სთხოვენ ახლობლებს, დაუკავშირდნენ აპტი ალაუდინოვს, რადგან "მან იცის როგორ გაცვალოს ისინი“. ამის საპასუხოდ ალაუდინოვმა ხაზგასმით აღნიშნა, რომ ჩეჩნისთვის ჩაბარება სირცხვილია, რომელიც მხოლოდ სისხლით შეიძლება ჩამოირეცხოს და ის პატივს არ სცემს მტერს ნებაყოფლობით ჩაბარებულ ყოფილ "ახმატელებს".
მან ასევე დასძინა, რომ პატიმრები ცდებიან, თუ ფიქრობდნენ, რომ ის "ჩაერევა, ან მოითხოვს ან რამეს გააკეთებდა“ ტყვეობიდან მათ გასათავისუფლებლად. "ახმატის“ მეთაურის თქმით, "ისინი არ იმსახურებენ სიცოცხლეს“.
"უკრაინელებო, გყავდეთ ისინი თქვენთვის, ჩვენ არ გვჭირდება ისინი, ჩემთვის არავითარი მნიშვნელობა არა აქვს, რას უზამთ მათ“, - აცხადებს ალაუდინოვი.
