მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მოვიგეთ და ალბანელები დავადუმეთ'' - "მამარდას", "კვარას", "კაშოს" და სხვების მატჩის შემდგომი კომენტარები
11:10 / 11-09-2024
ერთა ლიგის მეორე ტურში საქართველოს ნაკრებმა გასვლაზე ალბანეთი 0:1 დაამარცხა. ერთადერთი გოლი მატჩში გიორგი ქოჩორაშვილმა გაიტანა. ალბანელი გულშემატკივარი, რომელიც "ჯოჯოხეთის" მოწყობით გვემუქრებოდა, სტადიონზე საკმაოდ არაეთიკურად მოიქცა - ჯერ საქართველოს ჰიმნის შესრულებისას უსტვინეს, მარცხის შემდეგ კი ქართველი გულშემატკივრის მისამართით ნივთების სროლა და შეძახილები დაიწყეს.
ქართველმა ფეხბურთელების ნაწილმა მატჩის შემდგომ კომენტარებისას, ამაზეც ილაპარაკა.
გიორგი მამარდაშვილი:
"არსებობს ფეხბურთზე უფრო მნიშვნელოვანი რაღაცებიც. არ შეიძლება ჰიმნის დროს სტვენა! ეს არ მოგვეწონა არც მე და არც მთლიან გუნდს. თუმცა მთავარია, რომ გავიმარჯვეთ. რაც შეხება თამაშს, რთული თამაში გამოვიდა, ორივე გუნდი ტაქტიკურად უკან ვიდექით და ჩვენს მომენტს ველოდებოდით. გაგვიმართლა და ჩვენ გავიტანეთ. მაგარი გოლი შეაგდო "ქოჩორამ". 6 ქულა გვაქვს და ასე უნდა გავაგრძელოთ".
ხვიჩა კვარაცხელია:
"კოჭი გადამიბრუნდა, ვცდილობდი მაინც მაქსიმალური გამეკეთებინა, მაგრამ ალბათ ვერ შევძელი. ტკივილგამაყუჩებლით ვთამაშობდი, მაგრამ მთავარია რომ ნაკრებმა გაიმარჯვა. რაც შემეძლო, ისე დავეხმარე. დანარჩენს უკვე დრო გვანახებს. მთავარია ასე გავაგრძელოთ... შეგვიძლია თუ არა მსოფლიო ჩემპიონატზე გასვლა? - ვფიქრობ, ევროპის ჩემპიონატზე უკვე დავამტკიცეთ, რომ ყველაფერი შესაძლებელია და ახლაც, ორი ძლიერი ნაკრები დავამარცხეთ. იმედია, იმ მიზნებს მივაღწევთ, რომლებიც დავისახეთ".
გურამ კაშია:
"ძალიან რთული და პოზიციური მატჩი იყო. ვიცოდით, რომ გარდამტეხი პირველი გოლი იქნებოდა და, საბედნიეროდ, ეს ჩვენ შევძელით. მიხარია, რომ გიორგი ქოჩორაშვილმა გოლი ინდივიდუალური რეიდის შედეგად გაიტანა და სამი ქულის მოპოვებაში დაგვეხმარა. ბედნიერი ვარ, რომ საქართველოს ნაკრები სწორად და გამართულად თამაშობს. გოლის შემდეგ დაცვაში მთელმა გუნდმა ძალიან კარგად ითამაშა და ალბანეთმა მომენტი თითქმის ვერ შექმნა. ჩვენი წარმატების საფუძველი ისაა, რომ ყველა ფეხბურთელი თავის საქმეს სერიოზულად ეკიდება და ეს ძალიან მახარებს“.
გიორგი მიქაუტაძე:
"რთული მატჩი იყო, თუმცა, 3 ქულა მოვიპოვეთ და გახარებულები ვართ. დაწყებული საქმე ბოლომდე უნდა მივიყვანოთ და მსოფლიო ჩემპიონატზე მერე ვიფიქროთ... რა თქმა უნდა, გოლის გატანა მინდოდა, მაგრამ ყოველთვის არ გამოდის - პირველ რიგში, გუნდისთვის ვთამაშობ და ბოლომდე ვიხარჯები. ერთა ლიგის ბომბარდირი? - ვნახოთ. პირველ რიგში, გუნდისთვის ვთამაშობ... მსოფლიო ჩემპიონატზე გასვლა შეგვიძლია, მაგრამ ჯერ შორს არის მაგაზე ფიქრი, ახლა ერთა ლიგაზე ვთამაშობთ და ჯერ აქ მივხედავთ და მერ რო იქნება დრო, იქ მივხედავთ“ ".
ლუკა ლოჩოშვილი:
"ასე არ შეიძლება - მათგან ეს ყველაფერი არ იყო ლამაზი (ჰიმნის დროს სტვენა - რეად.), მაგრამ მოვიგეთ და ალბანელები დავადუმეთ".
- კომენტარებს lagazzettaავრცელებს
იხილეთ ასევე:
- "მაგარი გუნდია. ქართველებს ნახევარდაცვაში უძლიერესი ფეხბურთელები ჰყავთ" - რა თქვეს მწვრთნელებმა მატჩის შემდეგ და რა შეფასებები დაიმსახურეს ჩვენმა ფეხბურთელებმა?
- "ბავშვობაში მეუბნებოდნენ, რომ სუსტი ვიყავი, მაგრამ ყველას დავუმტკიცე, რომ შეუპოვარი და ძლიერი ვარ" - რა თქვა "ქოჩორამ" მატჩის შემდეგ და რატომ აღნიშნავს გილებს "კაპიტან ამერიკას" სტილში
00:00 / 00:00
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისინი დატოვეს ისევე ჯოჯოხეთში))))
დიდი იმედი მაქვს, არ ფიქრობთ, რომ ქართველი მაყურებელიც ანალოგიურად უნდა მოიქცეს. პირიქით, იმათი ჰიმნის შესრულებისას უნდა ვაჩვენოთ, როგორ ექცევა მასპინეძელი ქვეყანა მეტოქეს.