მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემი კოცნა დაიწყო... უცებ თქვა, - ვფიქრობ, გაგაუპატიურო თუ არაო. მოულოდნელად ხელები ყელზე მომიჭირა..." - რას ჰყვებიან ქალები, რომლებიც ენდრიუ ტეიტს გაუპატიურებაში ადანაშაულებენ
13:13 / 09-09-2024
ენდრიუ ტეიტი, რომელსაც დასავლური მედია მიზოგინიური განცხადებებით ცნობილ ინფლუენსერს უწოდებს, დიდი ხანია სკანდალშია გახვეული და სამართალდამცველები სხვადასხვა დანაშაულს, მათ შორის ტრეფინკინგს და ქალების გაუპატიურებას ედავებიან.
ამჯერად, ქალები, რომლებიც ტეიტს გაუპატიურებაში ადანაშაულებენ, BBC-სთან დეტალურად ჰყვებიან იმას, რაც ტეიტთან გადახდათ. ისინი ამბობენ, რომ ენდრიუმ ჯერ გააუპატიურა, ხოლო შემდეგ ახრჩობდა. კიდევ ერთი ქალი კი ამბობს, რომ ენდრიუ ტეიტის უმცროსმა ძმამ, ტრისტანმა გააუპატიურა (ცნობისთვის, ამ საქმეებზე სამართლებრივი დავა არ მიმდინარეობს).
- ქალები, რომლებიც ტეიტს გაუპატიურებაში სდებენ ბრალს, ბრიტანელები არიან და მათი თქმით, დანაშაული 10 წლის წინ მოხდა, როცა ძმები ტეიტები ლუტონში ცხოვრობდნენ.
ანა (მისი ნამდვილი სახელი შეცვლილია) ამბობს, რომ ლუტონში, 2013 წელს ენდრიუ ტეიტთან დაიწყო ურთიერთობა. რამდენიმე პაემნის შემდეგ კი სახლში გაჰყვა.
"ჩემი კოცნა დაიწყო... უცებ ჭერს ახედა და თქვა: "ვფიქრობ, გაგაუპატიურო თუ არა". მოულოდნელად ხელები ყელზე მომიჭირა, მკვეთრად დამაგდო საწოლზე და მახრჩობდა“, - იხსენებს ქალი და ამბობს, რომ ამის შემდეგ ტეიტმა გააუპატიურა.
- ანას თქმით, ამ ამბის შემდეგ, ტეიტმა გაუპატიურების და სექსუალური ძალადობის შესახებ შემზარავი ტექსტური შეტყობინებები და ხმოვანი ჩანაწერები გაუგზავნა.
"ცუდი ადამიანი ვარ? რადგან შენ ეს რაც უფრო არ მოგეწონა, მე მით უფრო ვისიამოვნე“, - ციტირებს ქალი ტეიტის სიტყვებს. მისივე თქმით, ენდრიუ ერთ-ერთ მესიჯში სწერდა: "მიყვარს შენი გაუპატიურება.“
ანა ამბობს, რომ ტეიტი ცდილობდა, ხუმრობაში გაეტარებინა ყელზე მოჭერის შემთხვევა და ასე სწერდა - "მართლა ასე გეწყინა, რომ ცოტა დაგახრჩვე?“
- როდესაც BBC-მ ენდრიუს ტექსტური შეტყობინებების შესახებ ჰკითხა, ტეიტმა კომენტარზე უარი თქვა.
2014 წელს ანამ სავარაუდო თავდასხმის შესახებ ბედფორდშირის პოლიციას შეატყობინა. კიდევ ორმა ქალმა წარადგინა მსგავსი ბრალდებები, რის შემდეგაც პოლიციამ გამოძიება დაიწყო. 2019 წელს საქმის მასალები კრიმინალურ პროკურატურას გადაეგზავნა, თუმცა გადაწყდა, რომ ბრალდების წასაყენებლად საკმარისი მტკიცებულებები არ იყო.
კიდევ ერთი ქალი, სიენა (სახელი შეცვლილია) BBC-სთან ტეიტთან დაკავშირებულ მსგავს ისტორიას ჰყვება. ის ამბობს, რომ ენდრიუ ტეიტს 10 წელზე მეტი ხნის წინ, ლუტონში შეხვდა: "ძალიან კარგად გავუგეთ ერთმანეთს და რამდენიმე ჭიქა სასმელი დავლიეთ.“
- მისი თქმითვე, "სტანდარტული ერთჯერადი ურთიერთობა“ ჰქონდათ. რამდენიმე თვის შემდეგ, ის ტეიტს ისევ შეხვდა, ამჯერად კი მამაკაცი, როგორც ქალი ამბობს, "თავს დაესხა".
"ჩემს საძინებელში შევედით... სექსი დავიწყეთ. სწორედ მაშინ მომიჭირა ხელები კისერზე. ვერ ვსუნთქავსი და გონება დავკარგე, როცა გონზე მოვედი, ტეიტი სექსს კვლავ აგრძელებდა., საშინლად შემეშინდა. ეს გაუპატიურება იყო", - ამბობს ქალი და დასძენს, რომ როგორც დილით აღმოაჩინა, ცალ თვალში სისხლჩაქცევა ჰქონდა.
სიენას მეგობარმა BBC-სთან დაადასტურა, რომ ინციდენტის შესახებ მეგობარმა მაშინვე უამბო. მისივე თქმით, ნახა სიენას დაზიანებული თვალიც. სიენამ პოლიციას არ მიმართა და ამბობს, რომ ამას ნანობს.
BBC Panorama-სთვის ცნობილია, რომ დიდ ბრიტანეთში სულ ხუთი ქალი ამბობს, რომ ტეიტი სექსის დროს ახრჩობდათ.
BBC-სთან ინტეერვიუში ინფლუენსერმა უარყო, თითქოს ოდესმე ქალისთვის ყელზე მოუჭერია ხელი, ან სექსი თანხმობის გარეშე ჰქონია. "ვიცი, რომ არასდროს არავინ დამიზიანებია. ჩემს ბუნებაში ვინმეს დაზიანება არ ზის“, - თქვა ენდრიუ ტეიტმა.
- ცნობისთვის, 37 და 36 წლის ძმებს, ენდრიუ და ტრისტან ტეიტებს ამჟამად რუმინეთში ადამიანებით ვაჭრობასა და ორგანიზებული დანაშაულებრივი ჯგუფის შექმნაში ედებათ ბრალი, რომელიც ქალების სექსუალურ ექსპლუატაციას ახდენდა. ენდრიუ ტეიტს ასევე ბრალად ედება გაუპატიურება. თუ დამნაშავედ სცნეს, შეიძლება, ორივე 10 წელზე მეტი ხნით ჩასვან ციხეში. ისინი ბრალდებებს კატეგორიულად უარყოფენ.ენდრიუ ამჟამად რუმინეთში, შინაპატიმრობაშია. გარდა იმ ბრალდებებისა, რომლებიც მას უკვე აქვს წარდგენილი, პროკურორები მის წინააღმდეგ ახალ ბრალდებებსაც განიხილავენ, მათ შორის, არასრულწლოვანთან სექსუალური კავშირისა და არასრულწლოვნებით ვაჭრობის საკითხს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
