"ეს მედალი ჩემთვის ოქროა!" - ხმლით პარამოფარიკავე ნინო თიბილაშვილის მორიგი ოლიმპიური მედალი და ზღვა ემოციები (ფოტოები)
კიდევ ერთი მედალი პარიზის პარაილიმპიადაზე - პარამოფარიკავე ნინა თიბილაშვილმა ხმლით ფარიკაობაში ფრანგი ბრიანა ვიდე დაამარცხა და ბრინჯაო მოოპოვა.
როგორც ცნობილია, ნინო თიბილაშვილი ტოკიოს 2020 წლის პარალიმპიური თამაშების ვიცე-ჩემპიონიც არის.
პარიზის პარალიმპიადაზე ხუთი საშეჯიბრო დღის შემდეგ საქართველოს ნაკრების ანგარიშზე ორი მედალი გახლდათ. ტურნირის ჩემპიონი პარამძლეოსნობაში, ბირთვის კვრაში გიგა ოჩხიკიძე გახდა, ბრინჯაოს მედალს კი პარატაეკვონდოისტი ანა ჯაფარიძე დაეუფლა.
“ბრინჯაოს მედალი ჩვენია! ეს ჩემი მეორე პარაოლიმპიადაა. წინა ოლიმპიადაზე არ მყავდა გულშემატკივარი კოვიდის გამო და ახლა ეს გავსებული დარბაზი, ეს ყველაფერი იმდენად მძაფრ ემოციებს იწვევდა ჩემში რომ, ვეცადე, მაქსიმალური შედეგისთვის მიმეღწია. მართალია, ოქრო არ არის, მაგრამ ეს მედალი ჩემთვის ოქროა! იმიტომ, რომ ძალიან დაძაბული შეხვედრები გავიარე. მადლობა ყველა ჩემს მოწინააღმდეგეს გაწეული ღირსეული წინააღმდეგობისთვის. ყველას ვუსურვებ წარმატებას. საქართველო, გილოცავ!“ - განაცხადა პარალიმპიელმა “საზოგადოებრივ მაუწყებელთან“ საუბარში.
