მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სახელმწიფო რელიგიად გამოცხადება გულისხმობს სახელმწიფოსადმი გარკვეულ დაქვემდებარებას, რაც რისკებს შეიცავს..." - გიორგი ზვიადაძე
15:33 / 28-08-2024
პროტოპრესვიტერ გიორგი ზვიადაძის განცხადებით, საქართველოს ეკლესიას ძალიან კარგად აქვს შესწავლილი პრაქტიკა, რაც მართლმადიდებლობის სახელმწიფო რელიგიად გამოცხადებას გულისხმობს და "ეს გარკვეულ რისკებს შეიცავს“.
მისივე თქმით, ეკლესიის ერთმნიშვნელოვანი დამოკიდებულებაა, რომ არსებული სამართლებრივი მოდელი ეკლესიასა და სახელმწიფოს ურთიერთობისა, უნდა შენარჩუნდეს ისე, როგორც არის.
"ყოველთვის ძალიან მნიშვნელოვანია, რომ საქართველოს ეკლესიას ყველა საკითხთან დაკავშირებით აბსოლუტურად გარკვეული პოზიცია ჰქონდეს. საქართველოს ეკლესიისთვის უაღრესად მნიშვნელოვანია ქართული სახელმწიფო, ქართველი ხალხი, მოსახლეობა. სამართლებრივი მოდელი, რომელიც კონსტიტუციური ხელშეკრულების სახით არსებობს, არის უნიკალური და ეს კითხვის ნიშნის ქვეშ არ დგას. ხელისუფლება, რომელიც მიზნად ისახავს საქართველოს სამოციქულო ეკლესიის დახმარებას და მისი ავტორიტეტის, როლის კიდევ უფრო გაზრდას, რა თქმა უნდა, მადლიერებას იმსახურებს. ეს ერთმნიშვნელოვანი დამოკიდებულებაა საქართველოს მართლმადიდებელი მღვდელმთავართა და სხდომაში მონაწილე ყველა პირის მიერ, მაგრამ ამავე დროს, საქართველოს მართლმადიდებელი ეკლესიის მიერ ერთმნიშვნელოვნად გაცხადებული ის პოზიციაა, რომ არსებული სამართლებრივი მოდელი სახელმწიფოსა და ეკლესიის ურთიერთობის არის უნიკალური, რაც სრულ თავისუფლებას აძლევს საქართველოს მართლმადიდებელ ეკლესიას სახელმწიფოსგან, ამავე დროს, მის თავისუფლებას უზრუნველყოფს.
საქართველოს სამოციქულო ეკლესია, საქართველოს კათოლიკოს პატრიარქი, უწმინდესი და უნეტარესი, ილია II, რომელსაც აქვს განუზომელი დამსახურება ამ ქვეყნის და ჩვენი ეკლესიის წინაშე, ერთმნიშვნელოვნად თვლის, რომ სახელმწიფო ეკლესიად გამოცხადების შემთხვევაში, რა თქმა უნდა, არის ძალიან ბევრი რისკი. შეიძლება დღეს არსებულ ხელისუფლებასთან მიმართებით ასე არ იყოს, მაგრამ ზოგადად ეს გულისხმობს სახელმწიფოსადმი გარკვეულ დაქვემდებარებას.
საქართველოს ეკლესიას ძალიან კარგად აქვს შესწავლილი ის პრაქტიკა, რაც სახელმწიფოს მიერ სახელმწიფო ეკლესიად გამოცხადებას გულისხმობს, ეს გარკვეულ რისკებს შეიცავს. ამიტომ ეკლესიის ერთმნიშვნელოვანი დამოკიდებულებაა, რომ არსებული სამართლებრივი მოდელი ეკლესიასა და სახელმწიფოს ურთიერთობისა უნდა შენარჩუნდეს ისე, როგორც არის.
ყველაზე დიდი რისკი ის არის, როგორ გამოიყენებს რომელიმე ხელისუფლება… დღეს ჩვენ ხელისუფლებასთან პრობლემა არ გვაქვს და უაღრესად ჰარმონიული ურთიერთობა საქართველოს ხელისუფლებას და საქართველოს მართლმადიდებელ ეკლესიას შორის არის, მაგრამ მომავალში როგორ იქნება, ეს ძალიან დიდ რისკებს შეიცავს. სახელმწიფო რელიგიად მართლმადიდებელი ეკლესიის გამოცხადება, იმ რისკებთან არის დაკავშირებული, რომ ის სახელმწიფოს გავლენას დაექვემდებაროს“, - განაცხადა მამა გიორგი ზვიადაძემ.
შეგახსენებთ, საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ ჟურნალისტებს უთხრა, რომ ხელისუფლება საპატრიარქოს მართლმადიდებლობის სახელმწიფო რელიგიად გამოცხადებას სთავაზობს. მისი თქმით, ამ საკითხზე ხელისუფლების წარმომადგენლების მხრიდან შეხვედრა სპონტანურად დაიგეგმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
