"ვალენსიას მეკარე "ენფილდზე" გადადის" - "ლივერპული" მამარდაშვილის შესახებ განცხადებას ავრცელებს: პირველი ფოტო "ლივერპულის" მაისურით: რას წერენ "წითლები"
უკვე ოფიციალურად, გიორგი მამარდაშვილი "ლივერპულის" ფეხბურთელია. ინფორმაცია კლუბის ოფიციალურ ვებგვერდზე გამოქვეყნდა.
- "ლივერპულმა" მიაღწია შეთანხმებას გიორგი მამარდაშვილის ტრანსფერზე, ვალენსიას მეკარე "ენფილდზე" გადადის. "წითლებმა" კონტრაქტი შეათანხმეს", - ნათქვამია განცხადებაში, სადაც ასევე აღნიშნულია, რომ გიორგი კლუბს მომდევნო წლის მაისში შეუერთდება, მანამდე კი "ვალენსიაში" გააგრძელებს ასპარეზობას.
"ლივერპულს" ჯერჯერობით არ გამოუქვეყნებია ფოტოები, თუმცა ცნობილმა ჟურნალისტმა ფაბრიციო რომანომ ერთი ფოტო გაუზიარა გულშემატკივარს, სადაც გიორგი მამარდაშვილი "ლივერპულის" მაისურიტაა.
ცნობისთვის, გიორგის სატრანსფერო ფასი 30 მილიონი დოლარია და ამის გარდა გათვალისწინებულია ასევე ბონუსები.