მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"...როკო - ქრისტე, წმინდანი, თავადი მიშკინი და ყველაფერი იყო ალენ დელონი" - რას წერს ლევან ბერძენიშვილი ფრანგ მსახიობზე
15:07 / 19-08-2024
ფილოლოგი და პოლიტიკოსი ლევან ბერძენიშვილი ცნობილი ფრანგი მსახიობის, ალენ დელონის გარდაცვალებას ეხმაურება და წერს:
"ხშირად მეკითხებიან, რომელმა წიგნმა მოახდინა თქვენზე განსაკუთრებული გავლენაო და მეც ვუპასუხებ. ასეთ დროს ფიგურირებს "ვეფხისტყაოსანი“, "ძმები კარამაზოვები“, "ილიადა“... მაგრამ კითხვა რომ უფრო ზოგადი ყოფილიყო, ყველაზე უფრო ხელოვნებამ რითი მოახდინა თქვენზე გავლენაო, ჩემი პასუხი სრულიად სხვა იქნებოდა. ჩემზე მთავარი გავლენა წიგნს არ მოუხდენია. ჩემზე მთავარი გავლენა მოახდინა კინომ და ამ კინოში ერთბაშად რამდენიმე ადამიანმა. კინოს ერქვა "როკო და მისი ძმები“, იგი 1960 წელს გადაიღო ლუკინო ვიკონტიმ, მუსიკა დაწერა ნინო როტამ, მთავარი როლები შეასრულეს ანი ჟირარდომ და რენატო სალვატორიმ, ხოლო როკო - ქრისტე, წმინდანი, თავადი მიშკინი და ყველაფერი იყო ალენ დელონი.
შემდეგში გავიგე, რომ თომას მანის "იოსებსა და მის ძმებსა“ და იტალიელ პოეტს, როკო სკოტელაროს "შეუქმნიათ“ ეს სათაური ვისკონტის თავში; რა თქმა უნდა, დოსტოევსკისა და ჯოვანი ტესტორისაც თავისი როლი ჰქონიათ...
პირველად როდის ვნახე, არ ვიცი. საბჭოთა ეკრანზე 1960 წელსვე იყო თუ 1961-ში, არ მახსოვს. მაგრამ ვიცი, რომ ბევრჯერ მაქვს ნანახი. არ ვიცი, როდის, მაგრამ ერთხელაც ჩამომიყალიბდა რწმენა, რომ სანამ ხუთი ადამიანი: რეჟისორი, კომპოზიტორი, სიმონე, ნადია და, უპირველეს ყოვლისა, როკო ცოცხლები არიან (როლებსა და მსახიობებს რომ ვაიგივებდი, ესე იგი, ჯერაც ბავშვი ვიყავი), მანამდე ყველაფერი კარგად იქნება. ანუ, პოტერიანას მიხედვით, ჰორკრუქსები შემიქმნია.
ლუკინო ვისკონტი წავიდა 1976 წელს, ნინო როტა - 1979-ში, რენატო სალვატორი - 1988-ში, ანი ჟირარდო -2011-ში, მაგრამ ცოცხალი რჩებოდა როკო - ალენ დელონი. დღემდე.
ალენ დელონი სილამაზის ეტალონი იყო, ზოგისთვის ასეთადაც დარჩა. ჩემთვის ის ბევრად, გაცილებით მეტი იყო.
1998 წელს ეროვნული ბიბლიოთეკის დირექტორად დავინიშნე. მძიმე დრო იყო ბიბლიოთეკებისთვის. დახმარებისთვის მივმართე კულტურული ქვეყნების საელჩოებს. თითქმის ყველა დაგვეხმარა, ბუნებრივია, რუსეთის გარდა. ყველაზე უფრო დაგვეხმარა საფრანგეთის საელჩო, ამ ქვეყნის საგარეო საქმეთა სამინისტრო და კულტურის სამინისტრო. მე ვიჯექი რიშელიეს ქუჩაზე, საფრანგეთის ეროვნული ბიბლიოთეკის დირექტორის კაბინეტში და ჩემი კოლეგა ჟან-პიერი ბიბლიოთეკის მართვას მასწავლიდა. კულტურის სამინისტრომ შემომთავაზა, სია წარმოგვიდგინე და ვისაც გინდა, შეგახვედრებთო. სია წარვადგინე: სოფი მარსო, ანი ჟირარდო და ა.შ.ალენ დელონი ჩემს სიაში არ ყოფილა. ვერ იქნებოდა. ის ჩემთვის ჩვეულებრივ ადამიანზე მეტი იყო ყოველთვის.
Requiescat in pace".
ფრანგული კინოს ლეგენდა, მსახიობი, სცენარისტი, კინორეჟისორი და პროდიუსერი ალენ დელონი 88 წლის ასაკში 18 აგვისტოს გარდაიცვალა.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
