“ფედერალისტები“ - “ევროპული საქართველოდან“ წასული გიგა ბოკერია და თამარ ჩერგოლეიშვილი ახალ პარტიას აფუძნებენ

“ევროპული საქართველოდან“ წასული პოლიტიკოსები ახალ პარტიას აფუძნებენ.

პარტიის სახელწოდება იქნება “ფედერალისტები“. პარტიის პრეზენტაცია, ხვალ, 19:00 საათზე გაიმართება.

როგორც ახალი პარტიის ერთ-ერთი ლიდერი, თამარ ჩერგოლეიშვილი წერს, პარტიის ყრილობა სექტემბერში ჩატარდება და სწორედ ამ პერიოდში გახდება საზოგადოებისთვის ცნობილი, რა ფორმით მიიღებს ახალი პარტია არჩევნებში მონაწილეობას.

“მეგობრებო, ამ არჩევნებში "ქართული ოცნების" (შეცდომების) და ქართველი ხალხის იმედი მაქვს, მაინც შეგახსენებთ.

ოპოზიციის იმედი არ მაქვს. და თუ რეჟიმი იცვლება, ჩვენ ახალი ბრენდითაც კი გადავლახავთ ბარიერს - სექტემბერში მივხვდებით ამას.

1. უახლოეს დღეებში გავაკეთებთ პარტიის დაფუძნების განაცხადს - გაცხადდება სახელი, პრინციპები, გუნდი, ლოგო.

2. სექტემბერში იქნება დამფუძნებელი ყრილობა.

3. სექტემბერშივე შეიტყობთ, რა ფორმით ვმონაწილეობთ არჩევნებში". - წერს თამარ ჩერგოლეიშვილი სოციალურ ქსელში.