“ოპერაციამ ისე მარტივად ვერ ჩაიარა, როგორც გვინდოდა - არის გართულებები, ინფექციები, მაღალი ტემპერატურა“ - ოჯახი დათი ქოქრაშვილის შესახებ უახლეს ინფორმაციას ავრცელებს

ავარიის შედეგად დაშავებული დათი ქოქრაშვილის შესახებ, რომელსაც მთელი საქართველო გულშემატკივრობს, ოჯახი უახლეს ინფორმაციას და ვიდეოს ავრცელებს.

ვიდეოში ჩანს, რომ ტრენდს არც დათი ჩამორჩა და “დუბაის შოკოლადი“ პირდაპირ პალატაში დააგემოვნა.

“დათის ოპერაციამ ისე მარტივად ვერ ჩაიარა როგორც ჩვენ გვინდოდა… არის რაღაც გართულებები, ინფექციები, მაღალი ტემპერატურა… თუმცა ვიცით რომ უფალი ჩვენთანაა და ყველაფერი კარგად იქნება.

მადლობა მინდა გითხრათ ყველას ჩვენი მხარდაჭერისთვის და დახმარებისთვის. არსად არ გვტოვებთ მარტო და მუდამ ჩვენს გვერდით და რაც მთავარია ჩვენს გულებში ხართ“, -წერს ოჯახი.

• ცოტა ხნის წინ დათი ქოქრაშვილმა ურთულესი ოპერაცია გადაიტანა, ეს იყო რეკონსტრუქციული პლასტიკური ოპერაციის პირველი ეტაპი.

ოპერაცია 15 საათის განმავლობაში მიმდინარეობდა.

ცნობისთვის, გასული წლის 31 მარტს, თბილისში, შარტავას ქუჩაზე, ავარიის დროს 8 წლის დათი ქოქაშვილი უმძიმესად დაშავდა. ბავშვი ერთი კვირის განმავლობაში მრავლობითი მოტეხილობით იაშვილის კლინიკაში იბრძოდა სიცოცხლისთვის, შემდეგ კი ოჯახმა ისრაელში გადაიყვანა, რის მერეც გერმანიაში გაფრინდენ, სადაც ბავშვმა რეაბილიტაციის კურსი გაიარა. დათი საქართველოში რამდენიმე კვირის წინ დაბრუნდა.

იხილეთ ასევე:

• "ოპერაცია თითქმის 15 საათი გაგრძელდა და ცოტა ხნის წინ დასრულდა" - როგორია დათი ქოქრაშვილის მდგომარეობა?