"ჯენიფერს უნდოდა ქორწილი - კაბა, დეკორაცია... ყველაზე ძვირი იქნება მათი სიყვარულის ისტორიის ოფიციალურად დასრულება" - ჯეილოს მეგობარი კულუარულ ამბებს ჰყვება
დიდი ხანია მსოფლიო მედია ცნობილი ვარსკვლავური წყვილის ჯენიფერ ლოპესისა და ბენ აფლეკის განქორწინებაზე წერს. თუმცა თავად წყვილი ამ დრომდე კომენტარს არ აკეთებს. ჯეი ლოს მეგობრის თქმით, ეს ქორწინება თავიდანვე წარუმატებლობისთვის იყო განწირული. ამის შესახებ Page Six წერს.
წყაროს თქმით, მომღერალმა და მსახიობმა, უბრალოდ, გაიხსენეს 2000-იანი წლების ურთიერთობა და გადაწყვიტეს ერთმანეთისთვის მეორე შანსი მიეცათ. ლოპესს სურდა საბოლოოდ ჩაეცვა პატარძლის კაბა და აფლეკზე დაქორწინების ოცნება აეხდინა, როგორც ამას მრავალი წლის წინ გეგმავდა, მაგრამ არაფერი გამოუვიდა.
"ჯენიფერს უნდოდა ქორწილი - კაბები, მეგობრები, დეკორაცია... მათ ახლა უკვე ზუსტად იციან, რომ ერთმანეთისთვის არ არიან შექმნილნი. არცერთი პასუხგაუცემელი კითხვა აღარ არსებობს, მათ ნახეს ყველაფერი, რისი ნახვაც სურდათ და ყველაფერი დასრულდა“, - ამბობს ცნობილი წყვილის მეგობარი.
მისი თქმით, "ყველაზე ძვირი" იქნება მათი სიყვარულის ისტორიის ოფიციალურად დასრულება, რადგან მომღერალს სურს უჩივლოს მეორე ნახევარს და ყოფილი ქმრისგან თანხის ნახევარი მიიღოს. წყვილის მეგობრის თქმით, ლოპესი და აფლეკი განქორწინების შესახებ საჯაროდ საუბარს ზაფხულის ბოლოს აპირებენ.
წაიკითხეთ ასევე: