1001 პრობლემა, რაც რემონტს ახლავს

რაც დამოუკიდებელ ცხოვრებას შევეჭიდე და მარტო გადავედი ქირით საცხოვრებლად, იმ წუთიდან მიზნად დავისახე, რომ გარკვეული დანაზოგი გამეკეთებინა და მქონოდა საკუთარი სახლი, დიდი ეზოთ, რომელსაც სრულად ჩემი გემოვნებით გავარემონტებდი.ასეც ვიქცეოდი, ყოველ თვე, ხელფასიდან გარკვეულ თანხას გადავდებდი ხოლმე.დროთა განმავლობაში, ჩემი დანაზოგი იზრდებოდა, მაგრამ უძრავი ქონების ფასებიც ასტრონომიული სისწრაფით მატულობდა და რაც უფრო მეტ თანხას ვაგროვებდი, მით უფრო შორს მეჩვენებოდა ჩემი ოცნება.

არსებული ბიუჯეტის ფარგლებში კი ყველაზე რეალისტურ ვარიანტად სახლის ნაცვლად ბინის ყიდვა მესახებოდა.დავიწყე ძებნა, ვათვალიერებდი უძრავი ქონების ვებ-გვერდებს, ვუკავშირდებოდი აგენტებს, მეპატრონეებს, თავიდან ყველაფერი რთული და დამაბნეველი ჩანდა, მაგრამ ნელ-ნელა გავერკვიე.ბოლოს და ბოლოს კი, ვიპოვე ბინა, რომელიც ჩემს გემოვნებაში ნამდვილად ჯდებოდა, თუმცა ბიუჯეტში ნაკლებად.მართალია, ცოტა ხელის შევლება და კოსმეტიკური რემონტი სჭირდებოდა, მაგრამ მდებარეობაც კარგი ჰქონდა, შიდა დაგეგმარებაც, თან ის ორი მნიშვნელოვანი მახასიათებელი ნათელი საძინებელი და დიდი აივანიც ჰქონდა, რაც ასე ძალიან მინდოდა. თუმცა, ცხადზე ცხადი იყო, რომ ჩემი დაგროვილი თანხა ამ ბინის ყიდვას არ ეყოფოდა, ამიტომაც მეც, როგორც საქართველოს სტატისტიკურმა მოქალაქემ, იპოთეკური სესხისთვის მივაშურე ბანკს.აქ დამჭირდა 9 თავიანი გველეშაპის დამარცხება, უკვდავების წყალზე წასვლა, მზეთუნახავის ციხე-კოშკიდან დასხნა და ცხრა მთისა და ზღვის გადავლა, ამ პროცედურების შემდგომ, როგორც იქნა ხელშეკრულებას ხელი მოვაწერე და გასაღები ჩავიბარე, აქ კი ისეთი გრძნობა დამეუფლა, თითქოს მთელი მსოფლიო დავიპყარი.ენთუზიაზმით ვიყავი სავსე. თვალწინ მედგა და ნათელ გამოსახულებად ვხედავდი როგორი იქნებოდა ეს სივრცე რამდენიმე დღეში.როგორ გახდებოდა ეს ადგილი ჩვენი სამეგობროს თავშეყრის გამორჩეული ადგილი, გონებაში დავგეგმე ყველაფერი, სად დაიდგმებოდა ახალი დივანი, სად ჩამოიკიდებოდა ჩემი საყვარელი ნახატი, სად დავდგამდი მონსტერას და ჩემს დიდ, ბუთქუჩა მცენარეებს.ამ წარმოდგენებში გართულს კი ის ამბავი დამემართა, კაცი რომ ბჭობდა და ღმერთი იცინოდა.როცა მეგონა, რომ რემონტის იდეა მხოლოდ კოსმეტიკურ ცვლილებებს შეეხებოდა, როგორიცაა - კედლებიდან ძველი შპალერის ჩამოხსნა და შეღებვა, იატაკის და ჭერის განახლება, ახალი ავეჯის შეძენა - ამ ნაწილში ძალიან, ძალიან მწარედ შევცდი. ყველაფერი ძველი შპალერის ჩამოხევით დაიწყო, როცა პროცესშიმოულოდნელი ,,ბედნიერება’’ მეწვია, ერთმანეთის პირისპირ აღმოვჩნდით მე და სველი, ობიანი, ზოგან დაბზარული კედლები.ჩემი თავდაპირველი გეგმა - "ცოტათი შევღებავ და მორჩა" - კრახს განიცდიდა და აი, ამ წუთიდან პრობლემები დომინოს პრინციპით მიეწყო ერთმანეთს.მივხვდი, რომ ჩემი ოცნება ნამდვილ გამოცდად იქცა. მაგრამ მიუხედავად ყველაფრისა, გადავწყვიტე, რომ არ დავნებებულიყავი. ეს იყო ჩემი პირველი, საკუთარი შრომით ნაყიდი ბინა და მზად ვიყავი, ყველა გამოწვევას გავმკლავებოდი.დავჯექი და ყველა პრობლემა ჩამოვწერე, რაც აქამდე შემხვდა. სია საკმაოდ გრძელი გამოვიდა:

1. აბაზანის იატაკის შეცვლა
2. კედლებიდან ობის მოშორება
3. ჭერის შეღებვა

პრობლემების სიის დანახვამ კიდევ უფრო დამაფიქრა - საიდან უნდა დამეწყო და როგორ მეპოვა სანდო სპეციალისტები ამ ყველაფრის მოსაგვარებლად? თავდაპირველად, ჩვეულებრივ, მეგობრებსა და ნაცნობებს ვკითხე რეკომენდაციები. რამდენიმე ნომერიც კი ჩავიწერე, მაგრამ მალევე მივხვდი, რომ ეს არ იყო საკმარისი - მჭირდებოდა უფრო ფართო არჩევანი და პროფესიონალების მოძიების მეტად ეფექტური გზა.ძებნა ინტერნეტში განვაგრძე, თავიდან უბრალოდ Google-ში ვწერდი "რემონტის სპეციალისტები თბილისში" და "სანტექნიკოსი", მაგრამ შედეგები ქაოსური და არაორგანიზებული იყო. დრო დამჭირდა სხვადასხვა საიტებზე მომსახურების ფასების შესადარებლად.

სწორედ მაშინ, როცა უკვე ვფიქრობდი, რომ ეს ძიება უშედეგო იყო, წავაწყდი საიტს Servisebi.ge, თავიდანვე მომეწონა მარტივი და მოხერხებული ინტერფეისით, შევიყვანე ჩემი მოთხოვნები და რამდენიმე წუთში უკვე ვათვალიერებდი სხვადასხვა სპეციალისტების პროფილებს.

განსაკუთრებით მომეწონა, რომ შემეძლო კომენტარების ნახვა, რომლებიც სხვა მომხმარებლებს ჰქონდათ დატოვებული, ეს გამოხმაურებები მეხმარებოდა გადაწყვეტილების მიღებაში. საბოლოოდ რამდენიმე ადამიანი შევარჩიე და დავიწყე ეტაპობრივად მათთან ჩამორეკვა.

პირველი, ვისაც დავუკავშირდი, იყო სანტექნიკოსი აბაზანის იატაკის პრობლემისთვის. მან სწრაფად უპასუხა ჩემს შეკითხვებს და დეტალურად ამიხსნა, თუ რა სამუშაოები იქნებოდა საჭირო. მასთან კომუნიკაციამ დამარწმუნა, რომ სწორ არჩევანს ვაკეთებდი.კედლების პრობლემაზეც დავიწუწუნე და მითხრა, რომ ჰქონდა მსგავსი გამოცდილებაც, არსებობს კედლის სოკოს საწინააღდეგო სპეციალური ხსნარი, ვიყიდი და წამოვიღებო.ბოლოს, ჭერის პრობლემისთვის რამდენიმე სხვადასხვა სპეციალისტს დავუკავშირდი. ერთ-ერთმა მათგანმა განსაკუთრებით დამაინტერესა თავისი ინოვაციური მიდგომით. პრობლემის აღწერის შემდეგ, მან ჭერის შეღებვის ნაცვლად, შემომთავაზა გასაჭიმი ჭერის დამონტაჟება.

"გასაჭიმი ჭერი იდეალური გამოსავალია თქვენი სიტუაციისთვის," - მითხრა მან, - "ის დაფარავს ყველა არსებულ დეფექტს და მოგცემთ იდეალურად გლუვ ზედაპირს. თანაც, მისი მონტაჟი სწრაფია, სულ რამდენიმე საათი დასჭირდება’’ ორივე სპეციალისტს ვთხოვე, თუ შეეძლოთ მეორე დღესვე მოსულიყვნენ და დილიდანვე შედგომოდნენ საქმეს.დამთანხმდნენ და მეორე დილით, პირველად სანტექნიკოსი გამოცხადდა დანიშნულების ადგილზე, კვლავ ყურადღებით გამომკითხა ზოგადი დეტალები და აბაზანისკენ დავიძარით.აბაზანაში შესვლისთანავე, დაიწყო იატაკის გულდასმით შემოწმება. რამდენიმე ადგილას კაფელი ააძრო და ქვედა ფენას დააკვირდა.

- მდგომარეობა უფრო სერიოზულია, ვიდრე ველოდი,- თქვა მან თავის ქნევით, - "აქ მთელი იატაკის რეკონსტრუქციაა საჭირო. პროცესებს ეტაპობრივად მიხსნიდა და თან დამშვიდებას ცდილობდა, რადგან ამ პრობლემით გამოწვეული მთელი სევდა სახეზე მქონდა გამოხატული.

- ოჰ, ღმერთო, რამდენ ხანი დასჭირდება ამ ყველაფერს?

- დაახლოებით 2-3 დღე, - მიპასუხა მან, - მაგრამ არ იდარდოთ, ყველაფერს ისე გავაკეთებ, რომ სანერვიულო კარგა ხანს აღარ გქონდეთ.

საუბრის პარალელურად კარზე კაკუნის ხმა გაისმა და ჭერის ხელოსანიც შემოუერთდა ჩვენს დრამას. შემოვიდა თუ არა მაშინვე დაიწყო ჭერის დათვალიერება. მისი სახის გამომეტყველებამ კიდევ უფრო დამაფიქრა.

- აბა, როგორი მდგომარეობაა? - ვკითხე შეშფოთებულმა.

- როგორც ვივარაუდე, შეღებვის ნაცვლად მართლაც კარგი იქნება გასაჭიმი ჭერის მონტაჟი, არსებული ბზარები და უთანაბრობები სერიოზულ პრობლემას ქმნის. გასაჭიმი ჭერი კი ყველაფერს დაფარავს და იდეალურად გლუვ ზედაპირს მოგცემთ.თან მოსავლელადაც ადვილია და წყალგამძლე, ვინიცობაა მეზობელმა წყალი ჩამოგიშვათ, მაგ მხრივაც დაზღვეული იქნებით.

უნდა ვაღიარო, შეღებვის იდეა მხოლოდ იმ მიზეზით მომწონდა, რომ მეგონა უფრო ბიუჯეტური დაჯდებოდა, თან არ მინდოდა რემონტი უსასრულოდ გაგრძელებულიყო, ამიტომ ვეძებდი ისეთ ვარიანტს, რომლის მონტაჟიც შედარებით სწრაფად მოხერხდებოდა.თან გამძლეც იქნებოდა და ვიზუალურადაც მიმზიდველი.ამ ყველაფრის გათვალისწინებით კი ხელოსნის მიერ შემოთავაზებული ჭერის ვარიანტი ნამდვილად არ გამოყურებოდა ურიგოდ, სწორედ ამიტომ გადავწყვიტე სპეციალისტის რჩევა გამეთვალისწინებინა. ჩემი თანხმობის შემდეგ, მან დაახლოებით ერთი საათი დაუთმო ჭერის დეტალურ შემოწმებას, გაზომა ყველა კუთხე და კედელი. შემდეგ დაიწყო სპეციალური პროფილების მომზადება, რომლებზეც შემდგომში გასაჭიმი ჭერი უნდა დემაგრებინა.პროცესი აქ შევაწყვეტინე, რადგან სანტექნიკოსს უნდა გავყოლოდო მასალების შესარჩევად, მეტლახ აყრილი აბაზანა კი უფრო პრიორიტეტულად მეჩვენებოდა, სირთულიდან გამომდინარე.ამიტომ, ჭერის გაკეთება მეორე დღისთვის გადავდეთ.აქ დეტალებით, რომ თავი აღარ შეგაწყინოთ, მოკლედ გეტყვით, რომ ეს დღე სრულად აბაზანის იატაკს მივუძღვენით, პარალელურად, კედლების პრობლემაზეც ვიზურნეთ, დავამუშავეთ ანტი-სოკოვანი ხსნარით.მეორე დღეს დილით ადრე გავაგრძელეთ სარემონტო სამუშაოები. სანტექნიკოსმა დაასრულა აბაზანის იატაკზე მეტლახის დაგება. ეს პროცესი საკმაოდ შრომატევადი აღმოჩნდა, რადგან თითოეული ფილა ზუსტად უნდა მორგებოდა ადგილს. თუმცა, საღამოს იატაკი უკვე დასრულებული იყო და შესანიშნავად გამოიყურებოდა.

წინა დღეს კედლებზე დატანილი ანტი-სოკოვანი ხსნარიც უკვე შემშრალიყო და შესამჩნევი იყო პირველი შედეგები - ობი თითქოს უკვე ნაკლებად ჩანდა. თუმცა, სპეციალისტმა მირჩია კიდევ ერთხელ დაგვეტანა ხსნარი უკეთესი შედეგისთვის.გადავედით კედლების საბოლოო დამუშავებაზე. ანტი-სოკოვანი ხსნარის მეორედ დატანის შემდეგ, კედლები საგრძნობლად გაუმჯობესდა. ობის კვალი თითქმის აღარ ჩანდა და დავიწყეთ კედლების მომზადება შეღებვისთვის.

გასაჭიმი ჭერის მონტაჟი კი ნამდვილად შთამბეჭდავი პროცესი გახდა. ხელოსანმა მოსვლისთანავე რაღაც სამუშაოები ჩაატარა და დაიწყო ჭერის გაჭიმვის პროცესი, ვუყურებდი როგორ იჭიმებოდა და მაგრდებოდა კრემისფერი, პრიალა ზედაპირი ჩემს თავზე და ნელ-ნელა როგორ იღებდა ბინა ესთეტიურ სახეს.მთელი პროცესი დაახლოებით 4-5 საათი გაგრძელდა. გასაჭიმი ჭერის დასრულების შემდეგ, ოთახმა სრულიად ახალი სახე მიიღო. კრემისფერმა, გლუვმა ზედაპირმა მთელ სივრცეს სინათლე და სიფართოვე შემატა.ამ ამბებიდან დაახლოებით ერთი კვირის შემდეგ სრულყოფილად გადმოვბარგდი ჩემს სახლში, საკუთარი ძალებით დავასრულე კედლის შეღებვის პროცესი, ავეჯის შემოტანა და სხვა წვრილმანი დეტალები.რემონტის გამოცდილებამ კი 2 მნიშვნელოვანი გაკვეთილი მასწავლა, რომელიც, ვფიქრობ, სასარგებლო იქნება ნებისმიერი თქვენგანისთვის, ვინც მსგავს გამოწვევას წააწყდება:

• მნიშვნელოვანია მოქნილობა - მზად უნდა ვიყოთ ცვლილებებისთვის და ახალი იდეების მისაღებად, როგორც ჩემს შემთხვევაში ეს მოხდა გასაჭიმი ჭერის არჩევისას, რადგან თავდაპირველი გეგმა ყოველთვის არ არის საუკეთესო.
• გაითვალისწინე საბოლოო მიზანი -იფიქრე, რომ ყველაფერი ისე დასრულდება, როგორც ჩაფიქრებული გქონდა, მიუხედავად სირთულეებისა, საბოლოო შედეგზე ფოკუსირება გვეხმარება მოტივაციის შენარჩუნებაში.

და ბოლოს, რემონტი არ არის მხოლოდ ფიზიკური სივრცის განახლება - ეს არის პროცესი, რომელიც მოითხოვს ემოციურ სიმტკიცეს, ადაპტაციის უნარს, მუდმივ სწავლას და გარკვეულ ეტაპებზე პროფესიონალების ჩართულობას.

NS