"თურქეთმა ოლიმპიადაზე "ჰითმენი" გაგზავნა?" - როგორ იქცა 51 წლის მსროლელი ოლიმპიადის ვარსკვლავად და რას წერს მასზე ილონ მასკი?
პარიზის 2024 წლის ოლიმპიადას კიდევ ერთი ვარსკვლავი ჰყავს. მას შემდეგ, რაც ინტერნეტში თურქი მსროლელის იუსუფ დიკეჩის ფოტო გავრცელდა, ოლიმპიური გამარჯვების გარდა, ის მსოფლიო მედიისა და ინტერნეტ პლატფორმებზე პოპულარული, მისი იმიჯის გამო გახდა.
- 51 წლის იუსუფ დიკეჩი მის პარტნიორთან, სევვალ ილაიდა თარჰანთან ერთად, 10 მეტრიანი საჰაერო პისტოლეტით სროლაში, შერეულ გუნდურ შეჯიბრში ასპარეზობის შემდეგ ვერცხლის პრიზიორი გახდა.
თუმცა მისი ფოტოები შეჯიბრისადმი არატრადიციული მიდგომისა და იმიჯის გამო გავრცელდა. იმის ფონზე, რომ მისი კოლეგები შეჯიბრზე ტიპიური სასროლი მოწყობილობებით, სხვადასხვა გაჯეტებით აღჭურვილები გამოვიდნენ. იუსუფმა მხოლოდ სათვალე მოირგო, ცალი ხელი ჯიბეში ედო და ძალიან მშვიდად ისროდა.
ოლიმპიურ თამაშებზე მსროლელთა უმეტესობა იყენებს ყურის დამცველს და ატარებს სპეციალურ სათვალეს.
"თურქეთმა გაგზავნა 51 წლის მამაკაცი სპეციალიზირებული ლინზების, თვალის საფარის ან ყურის დამცავის გარეშე", - გამოაქვეყნა ერთ-ერთმა ფანმა X-ში, რაზეც მილიარდერმა ელონ მასკმა უპასუხა: “მშვენიერია“.
- "თურქეთმა ოლიმპიადაზე "ჰითმენი" გაგზავნა?"
- “ჩემი საყვარელი ოლიმპიური სპორტი და სპორტსმენი აღმოვაჩინე“
- “მოვიდა, როგორც ბოსი და მხოლოდ სათვალით აღჭურვილმა, ჯიბეში ხელით მოიგო ვერცხლის მედალი“, - წერენ სოციალური ქსელის მომხმარებლები.
იხილეთ ასევე:
- ილია თოფურია, "კვარა", ნონა გაფრინდაშვილი, არჩილ არველაძე და სხვები - ვინ როგორ ულოცავს ლაშა ბექაურს ოლიმპიურ ჩემპიონობას?
- პარიზი 2024-ის ყველაზე ასაკოვანი ოლიმპიელი, რომლის გამოსვლაც სენსაციად იქცა - ვინ არის 61 წლის მაგიდის ჩოგბურთელი, რომელიც 30 წლით უმცროს სპორტსმენებს ტოლს არ უდებს