მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კამალა აცხადებს, რომ როგორც ექსპროკურორი ტრამპის კრიმინალურ ტიპაჟს კარგად იცნობს, დონალდი კი ჰარისს სიცილს უწუნებს: “დააკვირდით მის სიცილს, ის გიჟია..."
10:04 / 23-07-2024
ფოტოკოლაჟი: ელენე სიფრაშვილი
კამალა ჰარისმა აშშ-ის საპრეზიდენტო კანდიდატად წარდგენისთვის დელეგატების საკმარისი რაოდენობა დააგროვა. ამის შესახებ ინფორმაციას CNN-ი ავრცელებს. ამ დროისთვის, აშშ-ის ვიცე-პრეზიდენტს, კამალა ჰარისს “დემოკრატიული პარტიის“ საპრეზიდენტო კანდიდატურის მოსაპოვებლად 1976-ზე მეტი დელეგატის მხარდაჭერა აქვს.
ჰარისმა აღნიშნა, რომ ასეთი ფართო მხარდაჭერით ამაყობს.
“ველი, რომ ნომინაციას მალე ოფიციალურად მივიღებ. ჩემს მიზანს ჩვენი პარტიის გაერთიანება, ჩვენი ქვეყნის გაერთიანება და ნოემბერში დონალდ ტრამპის დამარცხება წარმოადგენს“, - განაცხადა კამალა ჰარისმა.
ამასთან, ჰარისმა უილმინგტონში საარჩევნო კამპანიის შტაბის თანამშრომლებთან შეხვედრისას დონალდ ტრამპის შესახებაც ისაუბრა. როგორც მან აღნიშნა, ის დონალდ ტრამპის ტიპაჟს კარგად იცნობს...
- “როგორც ბევრმა თქვენგანმა იცის, ვიცე-პრეზიდენტად არჩევამდე, ამერიკის შეერთებული შტატების სენატორად არჩევამდე, კალიფორნიის არჩეული გენერალური პროკურორი ვიყავი. მანამდე სასამართლოში პროკურორი ვიყავი. ამ თანამდებობებზე ყოფნისას საქმე ყველა სახის კრიმინალთან მქონია. მტაცებლებთან, რომლებიც ქალებზე ძალადობდნენ, თაღლითებთან, რომლებიც მომხმარებლებს ართმევდნენ და პირადი სარგებლის მიღების მიზნით წესებს არღვევდნენ. ასე რომ, მომისმინეთ, როცა ვამბობ, რომ მე დონალდ ტრამპის ტიპაჟს ვიცნობ“, - განაცხადა კამალა ჰარისმა.
გამოსვლის დასრულებისას კამალა ჰარისმა ჯო ბაიდენს გაბედული ხელმძღვანელობისთვის მადლობა გადაუხადა და აღნიშნა, რომ საარჩევნო კამპანიის გუნდი ნოემბერში გამარჯვებისთვის მზად არის.
“ჩემი მიზანია ეს ნომინაცია მოვიპოვო და გავიმარჯვო. როდესაც ვიბრძვით, ჩვენ ვიმარჯვებთ!“, - აღნიშნა კამალა ჰარისმა.
ჰარისის კანდიდატურას მხარი დაუჭირა ნენსი პელოსმაც.
აშშ-ის წარმომადგენელთა პალატის ყოფილმა სპიკერმა აღნიშნა, რომ კამალა ჰარისის საპრეზიდენტო კანდიდატურის მიმართ მისი მხარდაჭერა “ოფიციალური, პირადი და პოლიტიკურია“.
“დემოკრატიულ პარტიაში ჩვენი მრავალფეროვნება და ერთობა ჩვენი სიძლიერეა. ახლა ჩვენ უნდა გავერთიანდეთ, რათა დონალდ ტრამპი მტკიცედ დავამარცხოთ და ამერიკის შეერთებული შტატების მომავალ პრეზიდენტად კამალა ჰარისი ენთუზიაზმით ავირჩიოთ. წინ გამარჯვებისკენ!“, - განაცხადა ნენსი პელოსიმ.
ოპონენტის კრიტიკით გამოირჩევა “რესპუბლიკელების“ საპრეზიდენტო კანდიდატი, დონალდ ტრამპი.
20 ივლისს, მიჩიგანში, მხარდამჭერებთან შეხვედრაზე, ტრამპმა კამალა ჰარისის შესახებაც ისაუბრა. მისი განცხადება ინტერნეტში ვირუსულად ვრცელდება:
“დააკვირდით მის სიცილს, ის გიჟია... ადამიანზე ბევრი რამის გაგება არის შესაძლებელი მისი სიცილიდან გამომდინარე. თუმცა, ის მაინც უკეთესია, ვიდრე ნენსი პელოსი“, - განაცხადა ტრამპმა.
შეგახსენებთ, აშშ-ის პრეზიდენტმა, ჯო ბაიდენმა განაცხადა, რომ 5 ნოემბრის აშშ-ის საპრეზიდენტო არჩევნებში მონაწილეობას არ მიიღებს და “დემოკრატიული პარტიის“ საპრეზიდენტო კანდიდატად კამალა ჰარისს დაუჭირა მხარი.
ასევე იხილეთ:
- "იქცევა თუ არა კამალა ჰარისი მართლაც "ტრამპის რისხვად"? - ბრძოლა დაიწყო: ყველაფერი ექსპროკურორზე, რომელსაც აქვს შანსი აშშ-ის ისტორიაში პირველი ქალი პრეზიდენტი გახდეს
- მასობრივი დეპორტაცია, მიგრაციის და საერთაშორისო კრიზისებს მოგვარება, მექსიკის კედლის დასრულება ... - რას ჰპირდება ამომრჩეველს ტრამპი: ოფიციალური პროგრამის დეტალები
- მელანიას ეფექტი - შთამბეჭდავი გამოჩენა და დუმილი: "ის ძალიან ჭკვიანია და იდუმალი ქალის მისტიკა შექმნა იმით, რომ თვალსაწიერიდან ქრება და..."
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
