მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ზურგიდან დაურტყამს დანა და გაქცეულა... დაჭრილს თვითონ დაურეკავს 112-ში. სისხლისგან დაცლილა ბიჭი" - რას ჰყვებიან ასხის მთაზე მომხდარი მკვლელობაზე?
14:33 / 19-07-2024
გუშინ, მარტვილის მუნიციპალიტეტის მკვიდრი 30 წლის ნიკოლოზ ფაილოძე მოკლეს.
შემთხვევა ასხის მთაზე მოხდა. გავრცელებული ინფორმაციით, ახალგაზრდა მამაკაცს მთაში საქონელი ჰყავდა, სადაც იქ მყოფ პირთან შელაპარაკება მოუვიდა. ფაილოძეს მკვლელმა დანით მიაყენა სასიკვდილო ჭრილობები.
“შინაგან საქმეთა სამინისტროს იმერეთის პოლიციის დეპარტამენტის თანამშრომლებმა, გატარებული ოპერატიული ღონისძიებებისა და საგამოძიებო მოქმედებების შედეგად, განზრახ მკვლელობის ბრალდებით, 1976 წელს დაბადებული მ.ჯ. დააკავეს.
დანაშაული 10-დან 15 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულმა ხონის მუნიციპალიტეტში, ურთიერთშელაპარაკების ნიადაგზე 1990 წელს დაბადებულ თ.ფ.-ს, ცივი იარაღით სასიკვდილო დაზიანება მიაყენა.
ჩატარებული საგამოძიებო მოქმედებების შედეგად, სამართალდამცველებმა ბრალდებული ცხელ კვალზე დააკავეს.
განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს“,- აღნიშნულია შსს-ს მიერ გავრცელებულ ინფორმაციაში.
მოკლული 30 წლის ნიკა ფაილოძე მარტვილის მუნიციპალიტეტის სოფელ ზემო ხუნწის მკვიდრია.
ambebi.ge-ს ზემო ხუნწის მკვიდრი მომხდარი დანაშულის დეტალებს უყვება:
"ნიკას ასხის მთაზე თავისი პირუტყვი მიჰყავდა ხოლმე. ასხის მთა ძალიან მაღალზეა, ტელეფონი ცუდად იჭერს და მიმოსვლაც არ არის მარტივი. მწყემსები ზაფხულობით გადენიან ხოლმე საქონელს და შემოდგომის ბოლოს ჩამოჰყავთ. კვირაში ერთხელ ცვლიან ერთმანეთს.
ნიკასთვის წყალტუბოელებს მოუპარავთ ძროხა და ერთმანეთთან დაპირისპირებულები ყოფილან. გუშინ მასსა და ქურდს შორის შეკამათება მომხდარა, მერე ის წყალტუბოელი ზურგიდან მიპარვია და 4-ჯერ ჩაურტყამს დანა. მკვლელი გაქცეულა და ბიჭს თვითონ დაურეკავს 112-ში. სასწრაფო დახმარება თუ სამაშველო კი წასულა, მაგრამ ვეღარ მიუსწრეს ცოცხალს - ნიკას 40-50მ. გაუვლია და წაქცეულა, სისხლისგან დაცლილა ბიჭი. მერე სხვა მწყემსებს დაურეკავთ, "ურალით“ ჩამოვიყვანთო. ნიკას ცოლ-შვილი არ ჰყავდა, მამაც გარდაცვლილია, 30 წლის ბიჭი ბევრს მუშაობდა და ეს უბედურება დაემართა... წუხელ მოხდა ეს ამბავი და მოკლული ამ დილას ჩამოასვენეს ხუნწში“.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
