"ის აქ არის და ის იდეალურია" - რეკორდული ტრანსფერი ქართული ფეხბურთის ისტორიაში: "ლიონმა" გიორგი მიქაუტაძე წარადგინა

გიორგი მიქაუტაძე "ლიონის" ფეხბურთელია, - ამის შესახებ ინფორმაცია "ოლიმპიკმა" კლუბის საიტით დაადასტურა. ფორვარდმა ფრანგულ კლუბთან 4-წლიანი ხელშეკრულება გააფორმა.

"ის აქ არის და ის იდეალურია", - ვკითხულობთ სოციალურ ქსელში "ლიონის" ოფიციალურ გვერდზე.

"მეცი" ტრანსფერში 18.5 მილიონ ევროს მიიღებს, აგრეთვე შეიძლება დამატებით მაქსიმუმ 4.5 მილიონს და 15%-ს შემდგომი შესაძლო ტრანსფერიდან. ასევე, დაახლოებით 1 მილიონ ევროს მიქაუტაძის შემდგომი ტრანსფერიდან და 15%-ს სხვა შემოსავლებიდან. შესაბამისად, გიორგი მიქაუტაძის ტრანსფერი ლიონში გახდა სარეკორდო ქართული ფეხბურთის ისტორიაში, რადგან ქართველ ფეხბურთელში ამხელა თანხა ჯერ არცერთ კლუბს არ გადაუხდია.

ადრე გავრცელდა ინფორმაცია, რომ ქართველის ტრანსფერი აგენტის, ალენ მილიაჩოს გამო ჩაშლის პირას იყო, ვინაიდან მას თავისი კლიენტის "მონაკოში" გადაყვანა სურდა.

შეგახსენებთ, მიქაუტაძე "ლიონის" აკადემიაში 2008/2015 წლებში ირიცხებოდა.

GEO TEAM-ს ცნობით, ტრანსფერებს შორის, მეორე ადგილზეა ასევე გიორგი მიქაუტაძის ტრანსფერი აიაქსში(16 მლნ.) და კახა კალაძის ტრანსფერი მილანში(16 მლნ).