"მესიმ თავისი ძალა იამალს გადასცა" - ლიონელ მესი და ლამინ იამალი 2007 წელს: რა ისტორია აქვს ფოტოს, რომელმაც ევროპის ჩემპიონატის ფონზე მსოფლიო მოიარა

ბარსელონას ტალანტის, ლამინ იამალის მამამ, მუნირ ნასრაუიმ სოციალურ ქსელში თავისი შვილისა და ლიონელ მესის ფოტო გამოაქვეყნა, წარწერით: "ორი ლეგენდის დასაწყისი".

ამის შემდეგ ინტერნეტსივრცეში ლეგენდარული არგენტინელისა და 16 წლის ფეხბურთელის კიდევ არაერთი ფოტო გავრცელდა, რომელიც 2007 წლის დეკემბრით თარიღდება. მაშინ იამალი მხოლოდ და მხოლოდ 4 თვის იყო.

ფოტოები სოლიდარობის კალენდრის გამო გადაიღეს, რომელსაც კატალონიური გამოცემა ყოველ წელს აწარმოებდა და რომელშიც ბარსელონას ფეხბურთელები მონაწილეობდნენ.

16 წლის იამალმა ლუის დე ლა ფუენტეს გუნდის ოთხ თამაშში ორი საგოლე გადაცემა შეასრულა. ფანები დარწმუნებულნი არიან, რომ ლიონელ მესიმ "მისი უფლებამოსილების ნაწილი გადასცა" იამალს.

"მესიმ თავისი ძალა იამალს გადასცა და ამიტომაც ის უკვე 16 წლის ასაკში ბევრ ფეხბურთელზე უკეთესია".

"სიდიადე შეეხო ბავშვს და ისიც დიდებისკენ მიდის".

"ეს არის ფეხბურთი... ეს არის ისტორია".

"იამალმა კურთხევა ყველა დროის ყველაზე ძლიერი ფეხბურთელისგან მიიღო. გასაკვირი არაა, რომ მოედანზე სასწაულებს აკეთებს" - ვკითხულობთ კომენტარებში.

წყარო: thesun