"ემოციებისგან დაცლილი ვარ... საქართველომ დაწერა ისტორია, გარდა სპორტული შედეგისა, ჩვენ მოვიგეთ მსოფლიოს გულები" - გიორგი ქინქლაძე
საქართველოს ეროვნული ნაკრების ყოფილი ფეხბურთელი გიორგი ქინქლაძე სოციალურ ქსელში ეხმიანება ეროვნული ნაკრების წარმატებულ ასპარეზობას "ევრო 2024-ზე".
"ემოციებისგან დაცლილი ვარ, ჩვენი ფეხბურთელებისა და მთლიანი შემადგენლობის მიმართ მხოლოდ პატივისცემისა და მადლიერების გრძნობა მამოძრავებს.საქართველომ დაწერა ისტორია, გარდა სპორტული შედეგისა, ჩვენ მოვიგეთ მსოფლიოს გულები. ჩვენ ვაჩვენეთ, რომ ქართული ფეხბურთი უნიკალურია, ის არ ჰგავს რაიმეს სხვას. მადლობა ეროვნული ნაკრები რომ საქართველოს დროშა, ჩვენი ფერები, ჩვენი გერბი, ჩვენი სულისკვეთება, ჩვენი ბრძოლა და ჩვენი დაუოკებელი სწრაფვა წარმატებისკენ მსოფლიო ყურადღების ცენტრში მოაქციეთ.გაუმარჯოს საქართველოს!" - წერს ქინქლაძე.