"საბა რამდენიმე დღე ებრძოდა მაღალ ტემპერატურას... ცუდი შედეგები ჰქონდა ანალიზებზე. სწორედ ამიტომ შეუერთდა კვირკველია ნაკრების შეკრებას ყველაზე გვიან" - "GEO TEAMS"
"საუდის არაბეთის ჩემპიონატის დასრულებამდე რამდენიმე ტურით ადრე საბა კვირკველიამ წელის ტრავმა მიიღო, ერთ-ერთმა მედიკამენტმა უარყოფითი რეაქცია გამოავლინა და ქართველი მცველი ძალიან ცუდად მდგომარეობაში აღმოჩნდა." - ამის შესახებ ინფორმაციას "GEO TEAM" -ი ავრცელებს.
მათივე ცნობით, საბა რამდენიმე დღის განმავლობაში ებრძოდა მაღალ ტემპერატურას.
"ცუდი შედეგები ჰქონდა ანალიზებზე, მისმა წონამ საგრძნობლად იკლო. საბა კვირკველია თბილისში დაბრუნების შემდეგ რამდენიმე დღე კლინიკაში იწვა და მკურნალობდა. სწორედ ამიტომ შეუერთდა კვირკველია ნაკრების შეკრებას ყველაზე გვიან და რამდენიმე დღის განმავლობაში ის ინდივიდუალურად ვარჯიშობდა.
გამოტოვა მატჩი მონტენეგროს წინააღმდეგაც.ეს ამბავი ვიცოდი თავიდანვე, თუმცა ცხადია, ევროპის ჩემპიონატის წინ ამ ყველაფერს არ დავწერდი. არც საბას აქვს ინფორმაცია, რომ სოც.ქსელში შემოსვლისას ეს ამბავი აქ დახვდება, თუმცა ის გზა, რაც ბიჭებმა ამ ისტორიის დაწერისთვის გაიარეს, ყველამ უნდა იცოდეს.მადლობა საბა კვირკველიას, რა გულითაც ემზადებოდა ევროპის ჩემპიონატისთვის და რა მძიმე გზა გაიარა, რომ გერმანიაში გასამართი მატჩებისთვის მზად ყოფილიყო." - ვკითხულობთ "GEO TEAM"- ის მიერ გავრცელებულ ინფორმაციაში.
წაიკითხეთ ასევე: