"ტკივილი და დანაკარგი ოჯახისთვის, მეგობრებისთვის, უნივერსიტეტისთვის..." - ცნობილია კვარიათში, ზღვაში დაღუპული გოგოს ვინაობა
კვარიათში ზღვაში გაუჩინარებული კიდევ ერთი ადამიანის ცხედარი იპოვეს. დაღუპული თსუ-ს სტუდენტი, ელიზავეტა ხოშტარიაა.
ამის შესახებ ინფორმაციას უნივერსიტეტი ავრცელებს:
"ტკივილი და დანაკარგი ოჯახისთვის, მეგობრებისთვის, უნივერსიტეტისთვის - ელიზავეტა ხოშტარია, თსუ ეკონომიკისა და ბიზნესის ფაკულტეტის სტუდენტი.ორდღიანი ძებნის შემდეგ ჩვენი სტუდენტის დაღუპვის ფაქტი სამწუხაროდ დადასტურდა.ივანე ჯავახიშვილის სახელობის თბილისის სახელმწიფო უნივერსიტეტი მწუხარებას გამოთქვამს ამ დიდი ტრაგედიის გამო და უსამძიმრებს მის ოჯახს, მეგობრებს, მთელ საქართველოს" - ნათქვამია განცხდებაში.
ერთ-ერთი გარდაცვლილი ახალგაზრდა საჩინო მაკარიძეა. როგორც ცნობილი ხდება, ის დასთან და სტუმარ გოგონასთან ერთად იმყოფებოდა ზღვაზე. ტრაგედია იმ დროს მოხდა, როცა საჩინო ერთ-ერთი გოგონას დახმარებას ცდილობდა, რომელმაც სავარაუდოდ ცურვა არ იცოდა.
ასვე იხილეთ: