უბედური შემთხვევა ვალეში - წყლის ჭაში მუშაობისას წყალმომარაგების კომპანიის თანამშრომელი გარდაიცვალა
ვალეში, წყლის ჭაში სამუშაოების შესრულებისას "საქართველოს გაერთიანებული წყალმომარაგების კომპანიის" თანამშრომელი გარდაიცვალა, მეორე თანამშრომელი კი დაშავდა. ინფორმაციას “სამხრეთის კარიბჭე“ ავრცელებს.
შემთხვევა გუშინ, 24 ივნისს, დაახლოებით 16:00 საათზე მოხდა.
"საქართველოს გაერთიანებული წყალმომარაგების კომპანიის“ ინფორმაციით, შემთხვევის ადგილზე მისულ სასწრაფო სამედიცინო დახმარების ჯგუფს 1965 წელს დაბადებული მამაკაცი უკვე გარდაცვლილი დახვდა. მეორე თანამშრომელი კი გარდაცვლილი მამაკაცის ამოყვანის დროს დაშავდა.
იგი სასწრაფო სამედიცინო დახმარების ექიმებმა კლინიკაში გადაიყვანეს.