"რომ იცოდეთ, გლდანელია... სადმე სკვერი ხომ არ გესიამოვნება?" - კონსტანტინე ზარნაძე გიორგი მამარდაშვილს მიმართავს
თბილისის საკრებულოში გლდანის მაჟორიტარი დეპუტატი "ქართული ოცნებიდან" კონსტანტინე ზარნაძე, EURO 2024-ზე გიორგი მამარდაშვილის შესანიშნავი თამაშის შემდეგ წერს, რომ "მამარდაშვილი გლდანელია".
"რომ იცოდეთ, მამარდაშვილი გლდანელია... ", - წერს ზარნაძე "ფეისბუქში".
პოსტის კომენტარებში კი მან გიორგი მონიშნა და მიმართა: "სადმე სკვერი ხომ არ გესიამოვნება?"
ცნობისთვის, გიორგი მამარდაშვილი ჩეხეთთან მატჩში საუკეთესო ფეხბურთელად დასახელდა. მან 11 სეივი შეასრულა. ევროპის ჩემპიონატზე ამ თამაშში საქართველომ 1-1 ითამაშა და პირველი ქულა მოიპოვა.