"უფრო ძლიერები დავბრუნდებით..." - რას წერენ გიორგი მამარდაშვილი და ზურიკო დავითაშვილი?

18 ივნისს თურქეთის ნაკრებთან განცდილი მარცხის შემდეგ საქართველოს ეროვნული ნაკრების ფეხბურთელები გიორგი მამარდაშვილი და ზურიკო დავითაშვილი სოციალურ ქსელში პოსტებს აქვეყნებენ:

"სადებიუტო თამაში @euro2024-ზე, რომელიც ყველას გვემახსოვრება. ვამაყობ ჩემი გუნდით და ჩემი ხალხით! თამაში, სადაც ყველამ დაინახა, რომ არასდროს დავნებდებით! მადლობა გვერდში დგომისთვის. #მევარსაქართველო #GM25", - წერს გიორგი.

"უფრო ძლიერები დავბრუნდებით. მადლობა მხარდაჭერისთვის და საოცარი გარემოს შექმნისთვის", - ვკითხულობთ ზურიკოს პოსტში.

შეგახსენებთ,18 ივნისს, გერმანიაში, ევროპის ჩემპიონატზე საქართველოს ეროვნულმა ნაკრებმა პირველი, ისტორიული მატჩი გამართა. ჩვენი გუნდი თურქეთს დაუპირისპირდა. მატჩი საბოლოოდ თურქების გამარჯვებით, ანგარიშით 3-1 დასრულდა.

მთელი მატჩის განმავლობაში უშეღავათო ბრძოლა იყო. ჩვენმა ფეხბურთელებმა თავდადება და თავგანწირული თამაში აჩვენეს, თუმცა ყველაფერს უიღბლობაც დაემატა. განსაკუთრებით დაძაბული მატჩის ბოლო წუთები იყო, როცა ჩვენმა გუნდმა შტურმი მოაწყო მეტოქის კართან, თუმცა გოლი არ გასულა.

იხილეთ ასევე:

• ქართველები დორტმუნდში - ისტორიული მატჩი ფოტოებში
• "თურქეთმა თამაში მოიგო, საქართველომ კი ჩვენი გულები" - როგორ ეხმაურებიან ფეხბურთის უცხოელი გულშემატკივრები საქართველოს ნაკრების თამაშს?