მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნაცები" და "ლელო" რომ იდგნენ, იმათ გვერდით უნდა დადგეო და მე იმათთან რა კავშირში ვარ?" - ვინ და რატომ არ მისცა "გირჩელ" სანდრო რაქვიაშვილს მიტინგზე გამოსვლის უფლება?
12:49 / 15-05-2024
გუშინ, რუსთაველის გამზირზე მიმდინარე ხალხმრავალი აქციის დროს, პარტია "გირჩის“ "ფეისბუქჯგუფში" მხარდამჭერებმა გამოაქვეყნეს ვიდეო, რომელშიც დეპუტატი სანდრო რაქვიაშვილი ამბობს, რომ მას სცენაზე ასვლისა და სიტყვით გამოსვლის საშუალება ბაია პატარაიამ და ბექა ყორშიამ არ მისცეს.
"მოვედი და ვთხოვე ორგანიზატორებს, სიტყვით გამოსვლა მინდა-მეთქი. ბევრ დროს არ წაგართმევთ, ხალხს მადლობა მინდა გადავუხადო, ასევე მოვუწოდო - მეთქი... რაზეც მითხრეს, რომ არ შეიძლებოდა, უფრო სწორად ბექა ყორშიამ მითხრა ეს, დანარჩენები წინააღმდეგი არ იყვნენ. - პოლიტიკოსები არ შეიძლება გამოდიოდნენო.
რომ ვკითხე, აქ "ნაცები" იდგნენ და "ლელო" იდგა-მეთქი, ამაზე მითხრეს, კი, შეიძლება, ოღონდ თუ ერთად იქნებითო. მე თუ "ნაცების" გვერდით დავდგებოდი მაშინ შეიძლება გამმართლებოდა და მექნებოდა სიტყვა, თუმცა რადგან მარტო მინდოდა გამოსვლა, არ შეიძლება. როგორც მინიმუმ გასაგები გახდა, ვინ წყვეტს და ვინ არის პასუხისმგებელი, ამ შემთხვევაში ბექა ყორშია...“
მეორე ვიდეოში, რომელიც ჯგუფში გამოქვეყნდა ჩანს, რომ რაქვიაშვილს სცენასთან უფლებადამცველი ბაია პატარაია და ბექა ყორშია ესაუბრებიან.
წუხელ მომხდარ ინციდენტის დეტალებზე სანდრო რაქვიაშვილს ტელეფონით დავუკავშირდით.
- ბატონო სანდრო, ვიდეოში ჩანს, რომ სცენასთან ბაია პატარაიას და ბექა ყორშიას ესაუბრებით, მათ გითხრეს უარი სიტყვით გამოსვლაზე?
- კი ბატონო, მეტი ვინ მეტყოდა.
- რისი თქმა გინდოდათ სცენიდან და რატომ გითხრეს უარი?
- ჩემს ვიდეოში ამაზე დეტალურად ვსაუბრობ. ბაიამ მითხრა, უბრალოდ, - არაო. ბექა ყორშიამ სხვებთან ერთად უნდა გამოხვიდე, ცალკე პოლიტიკური პარტია არაო. "ნაცები" და "ლელო" რომ იდგნენ, იმათ გვერდზე უნდა დადგეო და მე იმათთან რა კავშირში ვარ. ეს იყო არგუმენტი.
- რა უნდა გეთქვათ სცენიდან?
- მადლობა უნდა მეთქვა ხალხისთვის, შანსს რომ გვაძლევს პოლიტიკოსებს რაღაც შევცვალოთ. მეორე, რომ ამ მიტინგზე უნდა იდგნენ პოლიტიკოსები თავიანთ გეგმებზე და მიზნებზე ლაპარაკობდნენ. აპოლიტიკური მიტინგი არ არსებობს სამყაროში, ის ყოველთვის ღიად ან ფარულად პოლიტიკურია. ჩვენ გვინდა ეს საჯარო პოლიტიკის ნაწილი გავხადოთ, ეს მინდოდა მეთქვა იმ ხალხისთვის, ვინც იქ იდგა.
- ბაია პატარაია და ბექა ყორშია წყვეტდა, ვინ უნდა გამოსულიყო სცენაზე?
- დიახ, ცხადია. ვიდეოს კომენტარები რომ ნახოთ, ბექა ყორშიამ თავადაც დაადასტურა ეს.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
