მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს ჩემი პირადი აზრია და არა პარტიის... არ მივესალმები, როცა ხდება ლეგალიზება უცხო სახელმწიფოს ინტერესების გატარებისა" - ღარიბაშვილი
14:47 / 11-05-2024
ჩემი პირადი აზრია, არ არის ჩვენი პარტიის აზრი, მაგრამ, როდესაც ხდება ლეგალიზება უცხო სახელმწიფოს ინტერესების გატარებისა, ამას მე, როგორც მოქალაქე, არ მივესალმები. ჩემთვის უცხო სახელმწიფოს ინტერესების მსახურება არის ღალატი ჩვენი ქვეყნის ინტერესებისა, - ამის შესახებ პარტია "ქართული ოცნების" თავმჯდომარემ, ირაკლი ღარიბაშვილმა განაცხადა.
როგორც მან აღნიშნა, მნიშვნელობა არ აქვს რომელი ქვეყნის აგენტია ადამიანი, ყველა შემთხვევაში, აგენტობა ღალატია.
ღარიბაშვილის თქმითვე, საქართველოს მოქალაქეებმა უნდა იფიქრონ მხოლოდ საკუთარი ქვეყნის ინტერესებზე.
"მნიშვნელობა არ აქვს რომელი ქვეყნის აგენტი იქნები, იქნები რუსეთის, ამერიკის, აფრიკის თუ აზიის - მნიშვნელობა არ აქვს, აგენტი არის აგენტი. აგენტის ქმედება არის დასჯადი, ეს არის ღალატი. მეგობრების აგენტობა შეიძლება? მე მაქვს საუბარი იმაზე, რომ მიუღებელია საერთოდ. დისკუსია იმაზე მიმდინარეობს, შეიძლება თუ არა მეგობარი სახელმწიფოს ინტერესების გამტარებელი ვიყო. ეს ხომ კატასტროფაა?
ამას თავში რომ დაუშვებს კაცი, მისი საქმე წასულია. როგორ შეიძლება, საქართველოს მოქალაქემ იფიქროს სხვა სახელმწიფოს ინტერესების გატარებაზე? ინტერესი არსებობს ერთი - ეს არის ქართული, საქართველოს ინტერესი. ჩემი რჩევა იქნება, რომ იფიქროთ მხოლოდ ჩვენი ქვეყნის ინტერესების დაცვაზე”, - განაცხადა ირაკლი ღარიბაშვილმა.
მისივე თქმით, მაშინ როცა ჩვენი ქვეყნის 20% ოკუპირებულია და რუსის ჯარი გვიდგას 40 კილომეტრში თბილისიდან, აი ამას უნდა ემსახურებოდეს „ენჯეოს“ საქმიანობა და არა იმას, რომ „ენჯეო“ იდგეს მთავრობის კანცელარიის ადმინისტრაციის და პარლამენტის და ითხოვდეს მთავრობის გადადგომას.
"ასევე მინდა შეგახსენოთ ერთ-ერთი ცნობილი „ენჯეო“ სექტორის ელიტის წარმომადგენელი ნინო ლომჯარია, ყოფილი ომბუდსმენი, სახალხო დამცველი, როცა იყო ძალიან საშიში, რთული მდგომარეობა, უკრაინაში ახალი დაწყებული იყო ომი და მაშინ მე ძალიან მკაფიოდ განვაცხადე, რომ საქართველო დაიცავს მხოლოდ ქართულ ინტერესებს, მხოლოდ ჩვენი ქვეყნის ინტერესებს, მხოლოდ ჩვენი ხალხის ინტერესებს და მაშინ გამოვიდა ეს ქალბატონი და თქვა, რომ მირჩევნია ბომბები ცვიოდეს თბილისშიო. ამის მთქმელი ადამიანი, როგორ შეიძლება მე, მოქალაქემ, ჩემ პირად აზრს მოგახსენებთ, ჩავთვალო ჩვენი ქვეყნის ინტერესის გამტარებლად. ის ხომ, რა თქმა უნდა, იმ დროს, იმ მომენტში და დღესაც ატარებდა სხვა ქვეყნის, თუ სხვა ქვეყნების ინტერესებს. მისი გამონათქვამებიდან გამომდინარე შეიძლება ამ დასკვნის გაკეთება“, - განაცხადა ღარიბაშვილმა.
ღარიბაშვილი 29 ამერიკელი კონგრესმენის წერილსაც გამოეხმაურა:
"ეს ყველაფერი მოსაწონი არაა, მიუღებელია. მიმაჩნია, რომ საჭიროა დიალოგი, საუბარი ჩვენს ამერიკელ და ევროპელ მეგობრებთან. მეტი ახსნა გვჭირდება და პოზიციების დაახლოება, საბოლოოდ რაღაც გამოსავლის პოვნა, გამოსავალი ყოველთვის არსებობს. მთავარი ისაა, რომ ჩვენ უნდა ვეძებოთ ისეთი გამოსავალი, რომელიც ჩვენს ქვეყანას გააძლიერებს და არა ისეთი გამოსავალი თუ პრობლემა, რომელიც ქვეყანას დაასუსტებს“, - განაცხადა ირაკლი ღარიბაშვილმა.
წაიკითხეთ ასევე:
- 29 კონგრესმენის წერილი ირაკლი კობახიძეს და გაფრთხილება სავიზო რეჟიმსა და ფინანსურ სანქციებზე - "გაიწვიეთ დამაზიანებელი კანონპროექტი - წინააღმდეგ შემთხვევაში..."
- "ხელისუფლება მზადაა "უცხოური გავლენის გამჭვირვალობის შესახებ" კანონში ცვლილებები შეიტანოს მაშინ, როცა..." - პრემიერი
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
