მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ხალხი ფიქრობს, რომ მაღალი, ქერა, უდარდელი მოდელი ვარ, მაგრამ რეალურად..." - ულამაზესი მოდელი ყველას უმალავდა, რომ სმენადაქვეითებული იყო: ურთულესი გზა წარმატებამდე
12:50 / 09-05-2024
ბრიტანელი მოდელის და მსახიობის, ჯორჯია მიჩამის თქმით, შოუბიზნესში 12-წლიანი მოღვაწეობის განმავლობაში საიდუმლოდ ინახავდა, რომ სმენადაქვეითებულია.
მიჩამი წლინახევრის ასაკიდან სმენის აპარატზე იყო დამოკიდებული:
"სკოლის პერიოდში ძალიან თავდაჯერებული ვიყავი, სმენადაქვეითებულობის გამო არასდროს ვყოფილვარ ბულინგის მსხვერპლი", - ამბობს ქალი.
მაგრამ მისივე თქმით, ასაკის მატებასთან ერთად, უფრო დაუცველი გახდა. უნივერსიტეტში სწავლის პერიოდში მოსასმენი აპარატის დამალვას გაშლილი თმით ცდილობდა და ამასთან დაკავშირებულ თემებზე საუბარს თავს არიდებდა. "არც კი ვიცოდი ამ თემაზე როგორ უნდა მელაპარაკა", - ამბობს მსახიობი.
- "სმენადაქვეითებულობის დამალვა ერთ-ერთი ყველაზე რთული და დამქანცველი რამაა, რაც კი ოდესმე გამიკეთებია, მაგრამ ახალი ცხოვრების დაწყება ძალიან მიხარია",- განუცხადა 30 წლის მსახიობმა South West News Service-ს.
ახლახან, ჯორჯია მიჩამი ბრიტანული Vogue-ის ფურცლებზე გამოჩნდა, სადაც 30 წლის მოდელი და მსახიობი ამხელს, რომ მან გადასაღებ მოედანზე მიცემული ინსტრუქციების გასაგებად ტუჩების მოძრაობის გარჩევა ისწავლა.
სმენადაქვეითებულობის კომპლექსი მიჩამს ზრდასრულ ასაკამდე გაჰყვა. ჯორჯიამ, 18 წლის ასაკში, სამოდელო სააგენტოების ქასთინგებზე სიარულისას საერთოდ შეწყვიტა სასმენი აპარატის ტარება: "საკუთარი თავის ხელახლა იდენტიფიცირება მსურდა. ვფიქრობდი, ჩემი სმენის აპარატის დამალვა უფრო წარმატებულს გამხდიდა".
- ჯორჯია ბოლო 12 წლის განმავლობაში ცნობილ ბრენდებთან და ცნობილ ადამიანებთან მუშაობდა, როგორიცაა სტელა მაკარტნი, კარენ მილენი, ტედ ბეიკერი და ჯგუფი One Direction.
"გადაღებების დაწყებამდე სმენის აპარატს ვიღებდი და ჩანთაში ვინახავდი. საშინლად მძულდა ის. ამის აღიარებაც კი არ მსურდა. ყოველთვის მიწევდა მკითხაობა იმაზე, თუ რაზე ლაპარაკობდნენ გადასაღებ მოედანზე",- ჰყვება ჯორჯია.
თუმცა ახლა, ამ ამბის წლების განმავლობაში მალვის შემდეგ, მიჩამი მზადაა, თავის სმენადაქვეითებულობას შეეგუოს: "ალბათ, როცა ხალხი მიყურებს, ფიქრობს, რომ მაღალი, ქერა, უდარდელი მოდელი ვარ, მაგრამ მინდა ყველას ვაჩვენო, რომ სინამდვილეში სმენადაქვეითებული ვარ",- დასძენს ჯორჯია.
მოდელი იმაზეც საუბრობს, რომ ის გასული წლიდან თერაპიაზე დადის, ახლა კი ჟესტების ენის კურსზე აპირებს მისვლას: "გადაწყვიტე, ეს პოზიცია გამოვიყენო და ჩემს სამუშაო ინდუსტრიებში მიმღებლობა გავზარდო. ძალიან ვამაყობ, რომ ჩემს თავს ხელახლა წარვადგენ, როგორც მოდელს, რომელიც სმენის აპარატს იყენებს."
წყარო: nypost
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
