"მამინაცვალი დიდი სიყვარულით გერს არასოდეს ექცეოდა, უცემია კიდეც.." - ქმრის მკვლელობისთვის დაკავებულ 29 წლის ქალს პატიმრობა მიუსაჯეს: რა მოხდა სამტრედიაში?

სამტრედიაში მეუღლის მკვლელობის ბრალდებით დაკავებულ ქალს პატიმრობა შეეფარდა. მოსამართლემ სრულად გაითვალისწინა ბრალდების მხარის შუამდგომლობა. პროკურორის თქმით, საქმეში არსებული მტკიცებულებები ადასტურებდა, რომ დანაშაული 29 წლის ქალმა ჩაიდინა.

სხდომას თავად ბრალდებული ნატო ხელაძეც ესწრებოდა. მისი თქმით, დანაშაული მას არ ჩაუდენია და მისი მეუღლე მისმა ძმამ მოკლა, რომელიც შემთხვევის ადგილიდან წავიდა. ბრალდებულის თქმით, მან 112-ში თავად დარეკა და დახმარება ითხოვა.

დაცვის მხარე ბრალდებულის აღკვეთის ღონისძიების გარეშე დატოვებას ითხოვდა, რადგან არც მომავლის და არც მოწმეებზე ზემოქმედების საფრთხე არსებობდა.

დაცვის მხარე სისხლის სამართლის საქმის ზემდგომ ინსტანციაში გასაჩივრებას გეგმავს.

საქმეზე მომდევნო სასამართლო პროცესი 30 მაისს დაინიშნა.

მომხდარზე გამოძიება სისხლის სამართლის 11-ე პრიმა 109-ე მუხლით მიმდინარეობს და ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს. ოჯახის ახლობლების თქმით, ცოლ-ქმარს შორის კონფლიქტი წლების წინ დაიწყო. kvirispalitra.ge ოჯახის ერთ-ერთ ახლობელს ვესაუბრეთ, რომელმაც ვინაობის გამხელა არ ისურვა.მისი თქმით, კონფლიქტის შესახებ საქმის კურსში იყო სამტრედიის სოციალური სამსახური, სადაც ოჯახიდან წაყვანილი ბავშვები ამ დრომდე იმყოფებიან.

ნ. გ.:

- ამ ოჯახის მთელმა ისტორიამ ჩემს თვალწინ გაიარა. ქალი ჩემი ახლობელია, ვცადე უბედურება თავიდან ამეცილებინა, მაგრამ არაფერი გამოვიდა. ისღა დამრჩენია, სიმართლე გავახმაურო, რათა სინდისის წინაშეც მართალი ვიყო და იქნებ დამნაშავესაც შევუმსუბუქო სასჯელი.

- კერძოდ?

- სავარაუდოდ, ქალმა დანაშაული იმიტომ ჩაიდინა, რომ 13 წლის ქალიშვილი დაიცვა ქმრისაგან, რომელთანაც მეორე ქორწინებაში იმყოფებოდა. გოგონა კი პირველი ქმრისაგან ჰყავდა. ამ კაცმა ბავშვის გაუპატიურება მხოლოდ მკვლელობის დღეს როდი სცადა. არ მჯერა რომ სასამართლო ამას არ გაითვალისწინებს და დამნაშავეს სასჯელს არ შეუმსუბუქებს..

- მეუღლეები ახალი დაქორწინებულები იყვნენ?

- 8 წლის წინ დაქორწინდნენ. პირველი ქორწინებიდან დაბადებული გოგონა 5 წლის ჰყავდა, როდესაც ჩემი ნათესავი მეორედ გათხოვდა. პირველ ქმართან ის გაშორებული იყო. პირველად დაახლოებით 15 წლის ასაკში გათხოვდა. ეგონა, ამჯერად მაინც გაუმართლებდა, ააწყობდა ცხოვრებას, მით უფრო, რომ მეორე ქმართან ბიჭიც შეეძინა, რომელიც ამჟამად 7 წლის არის. მუხლჩაუხრელადაც მუშაობდა, სამტრედიაში მთელ ბაზარს ალაგებდა, მაგრამ მისი ლოთი ქმარი ვერაფერმა გამოასწორა. მამინაცვალი დიდი სიყვარულით გერს არასოდეს ექცეოდა, უცემია კიდეც, პედოფილიის მცდელობა კი მაშინ მოხდა, როდესაც გოგონა 10 წლის იყო. ამ დროს ბავშვი მამინაცვალს ბიძასთან გაექცა(დედის ძმა) და ყველაფერი მას მოუყვა. გამწარებულმა ბიძამ სიძე ჯერ სცემა, მერე კი ეს ამბავი პოლიციას შეატყობინა. გააგრძელეთ კითხვა