ბრიუს უილისი 69 წლის გახდა - მსახიობის იშვიათ ფოტოებს დემი მური აქვეყნებს: "დემენცია რთულია. ძნელია დიაგნოზის მქონე პირისთვის, ასევე ოჯახისთვის"

19 მარტს, ამერიკელი მსახიობი ბრიუს უილისი 69 წლის გახდა - იუბილეს აღსანიშნავად, უილისის ყოფილმა მეუღლემ, დემი მურმა "ინსტაგრამზე" ფოტო გამოაქვეყნა: "დაბადების დღეს გილოცავ, ბრიუს. ძალიან გვიყვარხარ" - წერს დემი მური.

მურმა და უილისმა ერთმანეთი 1987 წელს, ჰოლივუდის ერთ-ერთ წვეულებაზე გაიცნეს და 4 თვეში იქორწინეს. წყვილს სამი შვილი ჰყავს. 13 წლის შემდეგ განქორწინება გადაწყვიტეს და მეგობრებად დარჩნენ.

უკვე წელიწადზე მეტია, რაც მსახიობის ფრონტტემპორალური დემენციის დიაგნოზი დაუსვეს. მდგომარეობის სიმპტომები მოიცავს კომუნიკაციის პრობლემებს, ასევე სიარულისა და მუშაობის სირთულეს.

ამჟამად უილისზე მეუღლე, ემა ჰემინგი ზრუნავს, ყოფილი მეუღლე დემი მური კი მის სახლს ხშირად სტუმრობს.

”დემენცია რთულია. ძნელია დიაგნოზის მქონე პირისთვის, ასევე ოჯახისთვის. მე და ჩემი შვილები ამას ძალიან განვიცდით. მართალია, როცა ამბობენ, რომ დემენცია ოჯახური დაავადებაა" - განაცხადა ემამ.

ბრიუს უილისმა კარიერა 1980-იან წლებში დაიწყო. განსაკუთრებული წარმატება 1988 წელს ფილმში Die Hard შესრულებულმა ჯონ მაკკლეინის როლმა მოუტანა. ათწლეულების განმავლობაში მსახიობმა კიდევ არაერთ გახმაურებულ ფილმში მიიღო მონაწილეობა და მრავალი საკულტო პერსონაჟი შექმნა, რომელთაც დღემდე მილიონობით გულშემატკივარი ჰყავს მთელ მსოფლიოში.