მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აფხაზეთში ქართველ "ტროლებს" ეძებენ - რა იპოვეს და რას წერენ, მათი მტკიცებით, პროქართულ "ტელეგრამარხზე"?
14:28 / 04-03-2024
ერთ-ერთი აფხაზური "ტელეგრამარხი" წერს, რომ მუშაობენ ქართველი ტროლების "გამოაშკარავებაზე“, რომლებიც პროქართულ პროპაგანდას ეწევიან.
"ტელეგრამარხი" "ОКНО" კი ნახევრად გმირული ტონით წერს, როგორ აღმოაჩინა ადამიანი, ვინც "ტელეგრამსა" და სხვადასხვა სოციალური ქსელების ჯგუფებში აფხაზებს საქართველოში ცხოვრების დადებით მხარეებზე უყვებოდა. ასევე, კონკრეტულ არხებში გამოირჩეოდა აგრესიით. მათივე ვარაუდით, აფხაზური ტელგრამ არხ Арма-life-ის უკან, შესაძლოა "არაწმინდა“ ზრახვების ადამიანები დგანან.
ეს "აღმოჩენები“, საზოგადოებას მიაწოდეს ისე, თითქოს უცხოური გავლენების აგენტების კანონ-პროექტი მსგავს სიტუაციებს დაარეგულირებს. მოკლედ, გიყვებით აფხაზების "სპეცოპერაციაზე“, რომელიც სოციალური ქსელში და "გუგლის“ დახმარებით ჩატარდა.
"ჩვენ უკვე ვწერდით, რომ ანონიმური არხები ყველაზე ბინძურ საქმეს აკეთებენ, ისეთს, რასაც ვერ შეძლებენ პროპაგანდისტული მასობრივი კომუნიკაციის საშუალებები. ანონიმურ არხებში საქმე კონკრეტულად ნაწილდება გუნდის წევრებზე: ვიღაც ფსევდო-კრიტიკულ სტატიებს წერს; ვიღაც კომენტარების ავტორებს ტროლავს. ხშირად ეს ტროლები შეურაცხყოფასა და ლანძღვაზე გადადიან. მათი მიზანია - ნებისმიერ ადეკვატურ ადამიანს აიძულონ საუბრიდან ან განხილვიდან განდევნა.
ჩვენ ერთხელ უკვე ვამხილეთ ტროლი Inna (ინნა არშბა, აფხაზური წარმომავლობა აქვს, ცხოვრობს ევროპაში). მას ცალკე მასალა მივუძღვენით, ჩვენი მხილების შემდეგ, მისი აქტიურობა საგრძნობლად შემცირდა - ტროლი, პრაქტიკულად, აღარ აკომენტარებს თავის ფსევდო სახელით. ესტაფეტა კი სხვა ტროლებმა გადაიბარეს. დღეს მოგიყვებით Амра-life-ის კიდევ ერთ აქტიურ პერსონაჟზე, სახელით "пус“", - წერს "ОКНО".
Арма-life - ეს არის 4110-გამომწერიანი არხი, რომელსაც აღწერაში უწერია: "აფხაზეთის საინფორმაციო-ანალიტიკური არხი“. ОКНО-ს კი ეჭვი აქვს, რომ არხის უკან, შესაძლოა, ქართველები ან პროქართველები იდგნენ.
"საინტერესოა, რატომ უნდა ვეხებოდეთ საერთოდ ამ ბინძურ თემებს? იმიტომ, რომ Амра-life აფხაზური საზოგადოების წინააღმდეგ არასახელმწიფოებრივ საქმეს ემსახურება. ამასთანავე, ვიგებთ, ვინ დგას ამ სანაგვე-არხის უკან.
მოკლედ, ჩვენ გავაანალიზეთ არხის უკანასკნელი 100 პოსტი და ტროლი "პუსის“ აქტიურობა. ამით გავიგეთ მისი ქცევის ალგორითმი, რაზე როგორ რეაგირებს და საბოლოოდ, გავერკვიეთ რა ამოცანებია მის წინაშე. კომენტარების შუალედი - 2024 წლის თებერვლიდან 2024 წლის 29 თებერვლამდეა. ჩვენ გავაანალიზეთ არხის 100 პოსტი, საიდანაც 27 არის "ფეიკი“ - სამოქალაქო საზოგადოებაზე (არასამთავრობოებზე, აქტივისტებზე, საერთაშორისო ორგანიზაციებზე და ა.შ.).
ტროლ "პუსს“ მოქცევის ორი "ტრიგერი“ აქვს - პოსტი უნდა ეძღვნებოდეს სამოქალაქო საზოგადეობას ან პოსტზე უნდა იყოს კომენტარი, რომელიც სამოქალაქო საზოგადოებას იცავს და პოსტის მოსაზრებას ეწინააღმდეგება. რას აკეთებს "პუს“-ი ასეთ დროს? მისი მიმართულებაა - კომენტარების ავტორებზე აგრესიული შეტევა, შეურაცხყოფების მიყენება, ხშირად ლანძღვა.
ჩვენ შევძელით იმის დამტკიცება, რომ "პუს“ Амра-life-ის ადმინისტრაციასთან დაახლოებული პირია. ამისთვის ჩვენ შევქმენით "პუსის“ კლონი, ანუ გავაკეთეთ ანგარიში იგივე სახელით, ანალოგიური სურათით. ამან გაამართლა - ტროლმა Inna-მ ყალბ "პუსს“ გაუგზავნა არხზე გამოსაქვეყნებელი მასალა.
ჩვენ შევძელით ნამდვილი "პუსის“ ადგილმდებარეობის გამოვლენა. ჩვენ გავუგზავნეთ სპეციალური ბმული, რომელზეც ის გადავიდა. ამით დავადგინეთ მისი IP-მისამართი, შესაბამისად, მისი ზუსტი ადგილმდებარეობაც. მივიღეთ შემდეგი მონაცემები:
IP მისამართი: 31.146.30.241;
ქვეყანა: საქართველო;
ინტერნეტ-პროვაიდერი: JSC Silknet;
როდესაც მიხვდა, რომ შეცდომა დაუშვა, "პუსი“ პირად შეტყობინებებში გვწერდა, რომ "ბმული ვირუსებს“ შეიცავდა. ვიღაც იტყვის, იქნებ ის VPN-ს იყენებდა საქართველოს სერვერით, თუმცა საქართველოს არჩევა VPN სერვერად, ნამდვილად არ არის კარგი იდეა.
ჩვენ არ ვჩქარობდით ჩვენი პატარა გამოძიების გამოქვეყნებას. თუმცა ამასობაში ტროლის აქტიურობა Амра-life-ზე შემცირდა.
შევნიშნეთ, რომ ტროლი სხვა არხებზე არც ისეთი აგრესიულია, როცა თავის "დავალებას“ არ ასრულებს".
შემდეგ "ОКНО" გამუქებული ფონტით წერს, ალბათ, როგორც გამოძიების კულმინაციას:
"ჩვენი პატარა გამოძიება გვაჩვენებს, რომელი სუბიექტები ინიღბებიან "ანონიმურ მხილებლებად“. მათი აქტიურობა "ტელეგრამარხებში" - ეს არა მხოლოდ საინფორმაციო საქმეა. ეს არის საქმიანობა, რომელიც მიმართულია აფხაზური საზოგადოების სხვადასხვა ჯგუფების დაპირისპირებაზე, აფხაზეთში არარსებული ანტირუსული განწყობების "ფეიკად" გავრცელებაზე, რეპრესიული პოლიტიკის მხარდაჭერაზე და რაც მთავარია, შემსრულებლები და დამკვეთები, რომლებიც ამ ანტისახელმწიფოებრივი საქმით არიან დაინტერესებული, არა მხოლოდ აფხაზეთის ტერიტორიაზე, არამედ მის ფარგლებს გარეთ, არამეგობრულ ქვეყნებში იმყოფებიან".
- ავტორი ანრი კურტანიძე
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ანუ ტიპებმა მიწერეს გადადი ლინკზე და გაიგე ვინ იქნება შენი მომავალი მეუღლეო. ისიც გადავიდა და IP ამოუგდეს. რა სერიოზული სპეცოპერაცია ჩაუტარებიათ... იფ იფ...
რაო? არაო?