მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აპლიკაციით დასაქმებული ტაქსის მძღოლების საპროტესტო აქცია - რას ითხოვენ ისინი?
13:28 / 27-02-2024
აქციის მონაწილეები "ჰუალინგ პლაზის“ მიმდებარე ტერიტორიიდან მსვლელობით რესპუბლიკის მოედნისკენ მიემართებიან, სადაც საპროტესტო აქციას მოაწყობენ და მათ მოთხოვნებს გააჟღერებენ.
აპლიკაციით დასაქმებული ტაქსის მძღოლების მოთხოვნებია, რომ კომპანიების მხრიდან ერთპიროვნულად არ მოხდეს ტარიფების გადახედვა, ამასთან, ისინი თბილისის მერიას მოუწოდებენ, რომ A და B კატეგორიის მძღოლები თანაბარ პირობებში ჩააყენონ. გარდა ამისა, ხელისუფლებას მოუწოდებენ, პროცესებში ჩაერთონ, როგორც მედიატორები და მოლაპარაკების მაგიდასთან, როგორც დამკვეთი კომპანიები, ასევე, დასაქმებულები დასვან.
"ჩვენი პროტესტი ეხება ტაქსის ბაზარზე არსებულ პრობლემებს, რომელიც გამოწვეულია ტარიფებით, ასევე, გამოწვეულია მთავრობის მხრიდან უყურადღებობით - კერძოდ, გაცემულია ამდენი ლიცენზია. გარკვეული კატეგორიის მანქანებს აქვთ "ბასლაინში“ შესვლის უფლება. ჩვენ, ვისაც B კატეგორია გვაქვს, "ბასლაინს“ ვერ ვკვეთთ, გაჩერებული მანქანა უკონტაქტო პატრულისგან პირდაპირ ჯარიმაა. ტარიფები გაუთანაბრდა საზოგადოებრივი ტრანსპორტის ღირებულებებს, მაგრამ არავინ ითვალისწინებს მანქანის ცვეთას, მძღოლის დახარჯულ დროს, არავინ ითვალისწინებს საწვავის ფასს. როგორც კი ქართულმა კომპანიამ გადმოიბარა “იანდექსი”, თუ არ ვცდები 16 იანვარი იყო, ეგრევე პროცენტი მოემატა ანუ ვიხდიდით 12+5, ახლა ვიხდით 15+5. ჩვენ ამის დაწევასაც ვითხოვთ, იმიტომ, რომ არაფერი გვრჩება.
ჩვენი მოთხოვნები გავაგზავნეთ "იანდექსში“, მაგრამ იქიდანაც ყურადღება და რეაქცია არის ნული. ამასთან, ვითხოვთ მთავრობის მხრიდან წარმომადგენელს, რომელიც მედიატორის მოვალეობას შეითავსებს და ჩვენ მოლაპარაკების მაგიდასთან დაგვსვამს, რომ ჩვენი პირობები განვიხილოთ“, - განაცხადა ერთ-ერთმა ტაქსის მძღოლმა, ზურაბ ბუნტურმა.
პროფკავშირების წარმომადგენლის თქმით კი, აპლიკაციით დასაქმებული ტაქსის მძღოლები უკვე რამდენიმე თვეა თავიანთ პრობლემებზე საჯაროდ საუბრობენ, მაგრამ მათ ყურადღებას არც დამკვეთი კომპანიები და არც ხელისუფლება აქცევს.
"მიზანი ამ შეკრების და პროტესტის არის ის, რომ საზოგადოების ყურადღება ტაქსის მძღოლებმა მიიქციონ. მათი ძირითადი მოთხოვნები არის ის, რომ ტარიფების გადახედვა მოხდეს, ეს უხილავი კომპანია ტარიფს რომ უდგენს, ცალმხრივად ტარიფების აწევა ან დაწევა არ უნდა მოხდეს. ასევე, საკომისიოს გაზრდა, რომელიც მძღოლებს კისერზე აწვებათ, ამასთან, “ბასლაინების” და პარკინგების საკითხი. ტაქსის კომპანიებში დასაქმებულებმა პროფკავშირებს მოგვმართეს, რომ მათთვის კონსულტაციები გაგვეწია“, - განაცხადა პროფკავშირების გაერთიანების წარმომადგენელმა, გიორგი ტყემალაძემ.
00:00 / 00:00
მკითხველის კომენტარები /
22 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვფიქრობ, ბასლაინზე მხოლოდ სამგზავრო ავტობუსები და სასწრაფოები უნდა დადიოდეს, თორემ "ბასლაინი" თავის დანიშნულებას ვეღარ გაამართლებს. იმდენი ტაქსია, "ბასლაინზეც" საცობები იქნება.
თბილისში ძალიან მომრავლდა ტაქსები,რაც გამოიწვია ლიცენზიების მარტივმა გაცემამ.უბრალოდ ფულს იხდი და ლიცენზია გაქვს.არანაირი მოთხოვნები არ არსებობს.ვისაც თბილისში ფეხი ჩამოუცდა ყველა ტაქსაობს.არ იციან ქუჩები,არ იციან უბნები,ზოგს საერთოდ მანქანაში ძინავს,ეხლა ამას კიდევ დაემატა სხვა ქვეყნიდან შემოსული მძღოლებიც,რომლებმაც,ქალაქს რომ თავი დავანებოთ ქართულიც არ იციან.ყველაფერს ამას ემატება ,ნაქირავები მანქანები.მინიმალური მოთხოვნები რომ მაინც არსებობდას,ასეთი ქაოსი აღარ იქნებოდა,თუნდაც ის მაინ რომ ,თუ თბილისში მინიმუმ 10 წელი არ არის ნაცხოვრები,მას ლიცენზია არ უნდა მისცე,ასევე არ უნდა მისცე ლიცენზია,თუ მანქანა საკუთარი არ არის.გაქირავებულ მანქანებზე ლიცენზია არ უნდა გაიცეს.არ უნდა მისცე ლიცენზია მძღოლს რომელსაც 65 წელი შეუსრულდა ან რომელიც ჯერ 25 წლისაც არ არის.ზოგს 2 და 2 ზე მეტი მანქანა ყავს გაქირავებული და ნაკლებად აინტერესებს ვინ იქირავებს მის მანქანას.ლიცენზიის მოპოვება უნდა იყოს ძალიან მკაცრი არავის არ უნდა ქონდეს უფლება ნისი ერთი პუნქტის დარღვევისაც კი.სანამ ლიცენზიას გასცემენ,მძღოლმა უმდა გაიაროს სპეციალური ტესტირება და არა ისე,გადაიხადე 50 ლარი და წადი იტაქსავე.ასეთი ზერელე მიდგომა რომ არსებობს,იმიტომაც არის ყოველთვის კამათი მძღოლს და მგზავრს შორის.უნდა არსებობდეს ერთი, სახელმწიფოს მიერ დადგენილი ტარიფი ყველა ტაქსოკომპანიისთვის,მიუხედავად იმისა ეს A კატეგორიაა თუ B .სამმუშაოს ორივე კატეგორიისთვის ერთიდა იგივეა.ეს ერთიანი ტარიფი კი მთელს ქვეყანაში ერთნაირი უნდა იყოს და არა ისე,თბილისში მაგალითვისთვის კილომეტრის ფასი 0.5ლარია და რუსთავში 0.2ლარი.და კიდევ ბევრი პრობლემაა რაც მოსაგვარებელია.ეს პრობლემები კი პროფესიონალებმა უნდა მოაგვარონ და არა სამსახურში ნაცნობობით მიღებულმა უცოდინრებმა.კიდევ ბევრი რამის თქმა შეიძლება მაგრამ,აზრი ააქვს კი?