კეტი პერი American Idol-ს ტოვებს - "სხვა სამყაროს ნახვა მსურს"

კეტი პერი აცხადებს, რომ American idol-ში შვიდი სეზონის გატარების შემდეგ ის შოუში ჟიურის როლს აღარ შეასრულებს. ჯიმი კიმელთან სტუმრობისას 39 წლის შემსრულებელმა თქვა: "ვფიქრობ, ეს ჩემი ბოლო შოუ იქნება, ბოლო სეზონი Idol-ში".

მისი გადაწყვეტილების შესახებ საუბრისას მომღერალმა აღნიშნა, რომ მას "სამყაროს ნახვა" სურს და ახალი მუსიკის გამოშვების გეგმებზეც მიანიშნა. "ეს შოუ ამერიკის გულთან მაკავშირებს, მაგრამ ვგრძნობ, რომ მის საზღვრებს გარეთ გასვლა მჭირდება. მომავალში შოუში დაბრუნებასაც არ გამოვრიცხავ, თუ რა თქმა უნდა მის შექმნელებს ამის სურვილი ექნებათ".

პერის ჯიმი კიმელის შოუში გამოჩენა American Idol-ის ოცდამეორე სეზონის პრემიერას დაემთხვა, რომელშიც ჟიურის როლს პერი, ლაიონელ რიჩი და ლუკ ბრაიანი ასრულებენ.

ჯიმის კითხვაზე, თუ რა რექცია ჰქონდათ ჟიურის დანარჩენ წევრებს შოუდან მისი წასვლის შესახებ, მომღერალმა უპასუხა: "იციან, რომ ამ წელს ბევრი რამ მაქვს დაგეგმილი. მიხვდნენ, რომ ხმის ჩამწერ სტუდიაში დიდ დროს ვატარებ, ასე რომ ალღო აუღეს, რომ რაღაც ხდება."

კეტი პერი ABC-ის პოპულარული შოუს ჟიურის წევრი 2018 წლიდანაა, ის შოუს მეთექვსმეტე სეზონში შეუერთდა.

წყარო: bbc

მოამზადა: ანა სიბოშვილმა