მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბომბორა ტაქსი" - კომპანია, რომელიც ცხოველების მომსახურებას სხვადასხვა დანიშნულებით უზრუნველყოფს
11:26 / 07-02-2024
„საქართველოში მიუსაფარი ცხოველების მდგომარეობა საყოველთაოდ ცნობილია - ისინი უყურადღებოდ ან დაგვიანებული დახმარების გამო ხშირად იღუპებიან. ამას უტრანსპორტობაც იწვევს, ტაქსების უმეტესობა მათ გადაყვანაზე უარს აცხადებს და ცხოველთა დაღუპვის მიზეზი სწორედ დაგვიანებული ჩარევაა,“ - გვეუბნება ბორის ზერაგია, ადამიანი, რომელსაც ამ ყველაფრის გათვალისწინებით, საინტერესო იდეა მოუვიდა, რაც ოთხფეხების დროულ დახმარებას ითვალისწინებს. შემფარებელთან თუ ვეტერინარულ კლინიკაში მათი გადაყვანა კი ოთხფეხა მეგობრების გადარჩენის შანსს ზრდის.
„გადავწყვიტეთ, შეგვექმნა კომპანია „ბომბორა ტაქსი,“ რომელიც უზრუნველყოფდა ცხოველების მომსახურებას სხვადასხვა დანიშნულებით. ცხოველებს მთელი საქართველოს მასშტაბით ვემსახურებით... გვყავს სპეციალურად ადაპტირებული სატრანსპორტო საშუალებები. დაგვყავს საქართველოს ნებისმიერ რაიონში, კლინიკებში, მეპატრონეებთან, შემფარებლებთან, ცხოველების მოვლის სალონებში და სხვადასხვა ადგილას.
ზოგჯერ პატრონი ვერ ახერხებს გამოყოლას და ჩვენი წარმომადგენლები ეხმარებიან ცხოველის ჩასმასა თუ გადმოყვანისას. როდესაც ცხოველი მიუსაფარია, ჩვენ ვიღებთ პასუხისმგებლობას, რათა კომფორტულად გადავიყვანოთ საჭირო ადგილამდე,“ - აღნიშნავს ბორის ზერაგია.
- ადვილად გემორჩილებიან ცხოველები?
- თუ ცხოველი აგრესიულია, რა თქმა უნდა, არის გარკვეული სირთულე. საერთოდ, ტრანსპორტირება არ უჭირთ. გადაყვანისთვის ჩვენს ტრანსპორტში ოთხფეხა რომ არ დაისტრესოს, საჭირო პირობებია შექმნილი. ყოველი მგზავრობის დასრულების შემდეგ სტერილიზაციას და ჰიგიენურ დამუშავებას ვახორციელებთ, რომ სხვა ოთხფეხას ჯანმრთელობის პირობები დაცული იყოს და ამ მხრივ დაზღვეულები იყვნენ.
- დაბმულები გადაგყავთ?
- დიახ, საბელი უსაფრთხოების მიზნით საჭიროა.
- გარდა იმისა, რომ ემსახურებით, ალბათ მათთან მეგობრობთ კიდეც...
- ცხოველები ხომ ჩვენი მეგობრები არიან და მათთან მეგობრობის არაერთი ამბავი გვაქვს... განსაკუთრებით მიუსაფრებთან, ვინტერესდებით შემდგომ მათი ბედით, როგორ გრძნობენ თავს - ვნახულობთ ხოლმე. ყველაზე აგრესიული ოთხფეხაც კი, როცა გვხედავს, ისეთი ბედნიერია, გაოცდებით. ისინი ხომ სიკეთეს იმახსოვრებენ.
- კიდევ რომელ ცხოველს ემსახურებით?
- ჩვენს პრაქტიკაში, ჯერჯერობით მხოლოდ ცუგები და კატები არიან.
- საქმიდან გამომდინარე გამოცდილებამ რა აჩვენა?
- გამოცდილებამ გვაჩვენა, რომ ოთხფეხა მეგობრები გაცილებით თბილები, ერთგულები და მადლიერები არიან, ვიდრე ეს ზოგიერთ ადამიანს ჰგონია. ამის გამოც მათი მხარდაჭერა და დახმარება ჩვენთვის ორმაგად სასიამოვნოა.
R
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ადამიანებს დაეხმარეთ მერე ძაღლებს მიხედეთ დაჭამეს ხალხი და ყარს ქუჩები
წარმატებები და მეტი ესეთი პროგრამა