"სტუმრად არ მოვსულვარ..." - მიშა ანდღულაძე "მთავარ არხზე" გადავიდა: რა რეაქციები მოჰყვა მისეულ "ანკორას" ინტერნეტში?
მიშა ანდღულაძე "მთავარ არხზე" გადავიდა. იუმორისტმა ეს ამბავი "ილო ბეროშვილის შოუში“ სტუმრობისას დაადასტურა.
- სტუმრად არ მოვსულვარ, თქვენთან გადმოვედი. რა დავადგინე იცით, რომ 25 წელია დაახლოებით ტელევიზიაში ვმუშაობ, ხომ არიან ტურისტები, ქვეყნიდან-ქვეყანაში მოგზაურობენ, ასე ვართ კომედიანტებიც, ტელეტურისტები ვართ. ორი კვირით გადმოვედი, ეს ზამთარი მინდა, რომ "მთავარი არხი" მოვიარო, შემდეგ სამი დღით "ტვ პირველი", "კავკასია", "პატრიოტი ტვ" მოვილოცო და ზაფხულში "იმედზე" დავისვენო (ეს ხუმრობით). თუმცა გავიგე, ვიზას ითხოვენო და გავარკვიე, „ჩერეზ“ „პოსტვ“-თ ნავით შეიძლება გადასვლაო...
ანდღულაძე შოუში უკვე გამოჩნდა როგორც მსახიობი და ცნობილი ჰიტის "ანკორას" მისეული ვერსია შეარსულა, რომელმაც სულ ცოტა ხანში რამდენიმე ათასი მოწონება დაიმსახურა.
"უნიკალურად შეასრულე მიშა, ბრავო...“
"ვაიმე, რას გავს...“
"შეუდარებელი ხარ. დარწმუნებული ვარ, რეკორდი მოხსნილია.“
"ორიგინალი ხარ მიშა. რა ვოკალი, რა კაბა, რა ვარცხნილობა. კლიპიც გადაიღე, პირდაპირ წერეთელზე ტალახში იმღერე მაგ კაბით" - წერენ კომენტარებში.
შეგახსენებთ, რომ ცოტა ხნის წინ „კომედი შოუს“ სატელევიზიო პროექტი „ნიკა არაბიძის“ შოუ „ფორმულაზე“ დაიხურა. ამის შემდეგ, არაბიძე „რუსთავი 2“-ზე გადავიდა, სადაც პაატა გულიაშვილთან ერთად წაიყვანს შოუს. იმ დღეებში მიშა ანდღულაძე ჩვენთან ინტერვიუში ამბობდა, რომ „ფორმულასთან“ მოლაპარაკებები ამ დრომდე მიმდინარეობდა, თუმცა როგორც ჩანს, საბოლოოდ არჩევანი „მთავარ არხზე“ გააკეთა.
წაიკითხეთ ასევე:
- "ოლიგარქმა არ შეიძლება უფულობა დაასახელოს მიზეზად... მიზეზი იყო ის, რომ სოლოლაკი ვერ "ავიღეთ" - რატომ დატოვა მიშა ანდღულაძემ "ფორმულა" და რას ამბობს სიახლეზე?
- "ბავშვი რომ იბადება, ადამიანებს წინასწარ აქვთ განსაზღვრული "ქოცი" უნდა იყოს თუ "ნაცი" - მიშა ანდღულაძის ინტერვიუ იუმორისტების სატელევიზიო მოგზაურობასა და "ამფითეატრის გამქირავებელზე“