30
მარტიდღის ზოგადი ასტროლოგიური პროგნოზი
ჯიპსი როუზ ბლანშარდმა ციხე დატოვა. გოგონას პირველი ფოტოები ინტერნეტში გამოჩნდა. ჯიპსიმ დედის მკვლელობისთვის 7 წელი მოიხადა.
ბლანშარდის დედა კლოდინ დი დი მიუნჰაუზენის სინდრომით იტანჯებოდა. მისი აზრით, შვილი მძიმე ავადმყოფი იყო. ამის დასადასტურებლად კი ჯიპსის თავი გადაპარსა, შშმ პირის ეტლში ჩასვა და სპეციალური მილის საშუალებით კვებავდა.
მედიაში გამოჩნდა 32 წლის როუზ ბლანშარდის პირველი ფოტოები. კადრებში ჩანს, რომ გოგონა მეუღლესთან ერთად ტოვებს სასტუმრო ჩილიკოტს, რომელიც მისურის შტატში მდებარეობს. შემდეგ წყვილი სავაჭრო ცენტრში მიდის ფეხსაცმლის საყიდლად. სურათები ექსკლუზიურად გამოაქვეყნა ტაბლოიდმა Daily Mail-მა.
ჯიპსი როუზის ისტორიამ წლების წინ მედია შოკში ჩააგდო. 2015 წელს, ჯიპსიმ და მისმა მაშინდელმა ბოიფრენდმა ნიკოლას გოდეჯონმა შეადგინეს გოგონას დედის მკვლელობის გეგმა. ქალი ამბობდა, რომ გოგონას ლეიკემია, კუნთოვანი დისტროფია, სმენისა და მხედველობის პრობლემები, ასთმა და სხვა დაავადებები ჰქონდა.
კლოდინმა სასწაულებრივად მოახერხა ექიმების დარწმუნება, რომ მისი ქალიშვილი ნამდვილად ავად იყო. გოგონას რამდენიმე ოპერაცია ჩაუტარდა, რომელთაგან ერთ-ერთი იყო სანერწყვე ჯირყვლების ამოღება.
2013 წელს, გაცნობის საიტზე, ჯიპსი ნიკოლას გოდეჯონს შეხვდა, რომელსაც აუტიზმის სინდრომი ჰქონდა და ადრე ნასამართლევი იყო, საჯარო ადგილზე პორნოს ყურებისთვის. ნიკოლასი გახდა პირველი ადამიანი, რომელსაც გოგონამ ოჯახში ბულინგის შესახებ უამბო. წყვილმა რომანი 2015 წელს დაიწყო და ჯიპსიმ და ნიკოლოზმა პირველად ნახეს ერთმანეთი პირადად. თინეიჯერებმა შეთქმულება მოაწყვეს დი დის მოკვლა გადაწყვიტეს, რათა ის დედის ძალაუფლებისგან გაეთავისუფლებინათ.
დი დი გარდაცვლილი იპოვეს საკუთარ სახლში სპრინგფილდში, მისურის შტატში. სასამართლომ გოგონას ათი წლით თავისუფლების აღკვეთა მიუსაჯა, ნიკოლას გოდეჯონს, რომელმაც დი დი დანით მოკლა, სამუდამო პატიმრობა.
ჯიპსი როუზის ისტორია, რომელმაც მსოფლიო შეძრა
ჯიპსი როუზ ბლანშარდი დაიბადა 1991 წლის 27 ივლისს, გოლდენ მედოუში, ლუიზიანას შტატში. მის დაბადებამდე ცოტა ხნით ადრე დედამისი დი დი ბლანშარდი და როდ ბლანშარდი დაშორდნენ. ქალის თქმით, მისი ქმარი ნარკომანი იყო, თუმცა მოგვიანებით კაცმა აღიარა, რომ ის მხოლოდ 17 წლის იყო, როდესაც 24 წლის დი დი მისგან დაორსულდა. დაშორების მიუხედავად, როდი შვილს ბოლომდე პატრონობდა და რეგულარულად უგზავნიდა ფულს.
დი დი საზოგადოებას თავს აჩვენებდა, როგორც მარტოხელა დედად, რომელიც ყველაფერს გააკეთებს შვილისთვის. ის ასევე დარწმუნებული იყო, რომ მის ქალიშვილს რაღაც საშინელება სჭირდა.
როცა ჯიპსი როუზი ჩვილი იყო, დი დიმ ის საავადმყოფოში მიიყვანა, დარწმუნებული იყო, რომ მას ძილის აპნოე ჰქონდა. მიუხედავად იმისა, რომ დაავადების ნიშნები არ არსებობდა, დი დი დარწმუნებული იყო. საბოლოოდ დაადგინა, რომ გოგონას დაუზუსტებელი ქრომოსომული აშლილობა ჰქონდა. მას შემდეგ შიშით უყურებდა თავის ქალიშვილს, რომ ნებისმიერ დროს მოკვდებოდა.
გოგონა დაახლოებით რვა წლის ასაკში იყო, როდესაც ბაბუის მოტოციკლიდან გადმოვარდა. დი დიმ ის საავადმყოფოში წაიყვანა, სადაც მუხლის ტრამვას მკურნალობდნენ. მაგრამ დედა არ იყო დარწმუნებული, რომ მისი ქალიშვილი განიკურნა. მას სჯეროდა, რომ გოგონას რამდენიმე ოპერაცია დასჭირდებოდა, იქამდე კი ის უნდა მჯდარიყო ეტლში, რათა მისი მდგომარეობა არ დამძიმებულიყო.
როდესაც ახლობლებმა ეჭვქვეშ დააყენეს ჯიპსი როუზის მდგომარეობა, ქალი სხვა ქალაქში გადავიდა საცხოვრებლად, სადაც იპოვა დანგრეული ბინა და ცხოვრობდა "ინვალიდობის შემწეობით", რომლებსაც გოგონას სავარაუდო დაავადებების გამო იღებდა.
ჯიპსი როუზის ნიუ ორლეანის საავადმყოფოში გადაყვანის შემდეგ, დი დიმ განაცხადა, რომ ქრომოსომული აშლილობისა და კუნთოვანი დისტროფიის გარდა, მის ქალიშვილს ახლა მხედველობასთან და სმენასთან დაკავშირებული პრობლემები ჰქონდა. გარდა ამისა, იგი ამტკიცებდა, რომ ბავშვს კრუნჩხვები დაეწყო. მიუხედავად იმისა, რომ სამედიცინო ტესტებმა არ აჩვენა რაიმე ამ დაავადების ნიშნები, ექიმებმა მაინც დანიშნეს კრუნჩხვის საწინააღმდეგო და ზოგადი ტკივილგამაყუჩებელი წამალი გოგონასთვის.
2005 წელს ქარიშხალმა კატრინამ აიძულა დი დი შვილთან ერთად მისურის შტატში გადასულიყო, სადაც ის ცნობილ სახედ იქცა, როგორც შშმ პირთა უფლებადამცველი.
ქალმა „ავამდყოფი“ შვილის საშუალებით მთელი ქვეყნის მასშტაბით ექიმების ყურადღება მიიპყრო. სპეციალისტები უკავშირდებოდნენ და საკუთარ კლინიკებში უფასოდ მკურნალობას სთავაზობდნენ. ერთ დღესაც, ერთ-ერთმა ცნობილმა ექიმმა აღმოაჩინა, რომ გოგონას არც კუნთოვანი დისტროფია ჰქონდა და არც სხვა რაიმე დაავადება.
ქალი ამტკიცებდა, რომ გოგონას დაავადების ისტორია ქარიშხლის დროს განადგურდა, თუმცა მალე გოგონასაც გაუჩნდა ეჭვი, რომ დედა მას ატყუებდა.
2010 წელს დი დი ყველას ეუბნებოდა, რომ ჯიპსი როუზი 14 წლის იყო, მაგრამ ის სინამდვილეში 19 წლის იყო. იმ დროისთვის მან უკვე იცოდა, რომ არ იყო ავად, რადგან სიარული შეეძლო. და მიუხედავად მისი მინიმალური განათლებისა (ის საერთოდ არ დადიოდა სკოლაში მეორე კლასში), მან თავად ისწავლა კითხვა ჰარი პოტერის წიგნების წყალობით.
გოგონა ცდილობდა დედისგან თავის დაღწევას. ერთ ღამეს ის მეზობლის კართანაც კი გამოჩნდა, ფეხზე იდგა და საავადმყოფოში წაყვანას ევედრებოდა. მაგრამ დი დი სწრაფად ჩაერია და სახლში დააბრუნა.
როგორ განახორციელეს ჯიპსი როუზმა და მისმა ბოიფრენდმა ქალის მკვლელობა
მეზობელთან მომხდარი ინციდენტის შემდეგ, როუზმა ინტერნეტით სარგებლობა დაიწყო, როდესაც დი დი იძინებდა. საბოლოოდ, 2012 წელს, როდესაც ის დაახლოებით 21 წლის იყო, ნიკოლას გოდეჯონი გაიცნო, 23 წლის კაცი ვისკონსინიდან.
ფეისბუქის შეტყობინებების საშუალებით, ორივემ დაგეგმა დი დის მკვლელობა. გოდეჯონი დაელოდებოდა, სანამ დი დი დაიძინებდა, შემდეგ კი ჯიპსი როუზი შეუშვებდა მას სახლში.
2015 წლის ივნისის ერთ ღამეს, ნიკოლას გოდეჯონმა 17-ჯერ დაარტყა დანა ქალს ზურგში, ხოლო ჯიპსი როუზი გვერდით ოთახში ელოდა. მკვლელობის ღამეს წყვილი გაიქცა გოდეჯონის სახლში ვისკონსინში, სადაც ისინი რამდენიმე დღის შემდეგ დააკავეს.
ფსიქიატრების დასკვნით, ჯიპსი როუზი, ძალადობის მსხვერპლი იყო. 2016 წელს გოგონა მეორე ხარისხის მკვლელობაში ცნეს დამნაშავედ და ათი წელი მიუსაჯეს, თუმცა 2023 წელს პირობით, ვადაზე ადრე გათავისუფლდა.
„ახლა უფრო თავისუფალი ვარ, ვიდრე დედაჩემთან ერთად ცხოვრებისას“,- თქვა ციხეში 2018 წელს, - „იმიტომ, რომ ახლა მე უფლება მაქვს, უბრალოდ... ვიცხოვრო ნორმალური ქალივით.”
